Tímarit lögfræðinga - 01.01.1957, Qupperneq 15

annast nefnd, sem að meiri hluta er skipuð fulltrúum frá
félagi eða_félagasambandi.
Hér á eftir verða rakin nokkur þau atriði, sem lögin
setja fyrir rétti til bóta.
1. Launþegi skal vera á aldrinum 16—67 ára, sbr.
15. gr. Sá,- sem er yngri en 16 ára, getur ekki öðlazt
rétt til bóta og er það i samræmi við ákvæði 4. gr. 2.
mgr., þess efnis, að avinnurekandi skuli eigi greiða ið-
gjald vegna þeirra, sem yngri eru en 16 ára. Samkvæmt
síðustu mgr. 15. gr. skulu þeir, sem eldri eru en 67 ára,
en njóta ekki ellilífeyris, sbr. lög nr. 24, 29. marz 1956,
13. gr., eiga rétt til atvinnuleysisbóta.
2. Launþegi skal vera fullgildur meðlimur í verka-
lýðsfélagi, sbr. 15. gr. a. Verkalýðsfélagið skal vera í
kaupstað. eða kauptúni með 300 íbúa eða fleiri og hafa
20 meðlimi eða fleiri. Verkalýðsfélög með færri meðlimi
en 20 teljast þó einnig með, ef þau bafa gert samning
við atvinnurekendur um greiðslur til atvinnuleysistrygg-
ingasjóðs fyrir gildistöku laganna. Um nánari skilgrein-
ingu á orðinu verkalýðsfélag vísast að öðru leyti til 4.
gr. 3. mgr. og þess, sem áður er ritað um það atriði,
sjá III. l.b., hér að framan.
Það mun vera algengt í verkalýðsfélögunum, að með-
bmir þeirra séu flokkaðir í tvo bópa, fullgilda félaga og
aukafélaga. Hinir siðarnefndu hafa full vinnuréttindi, þ. e.
félagsmenn amast ekki að jafnaði við því, þó að þeir
stundi vinnu á félagssvæðinu. Hinsvegar hafa aukafélag-
ar ekki atkvæðisrétt í málefnum félagsins og hafa ekki
kosningarétt eða kjörgengi við stjórnarkjör eða við kosn-
ingu annarra trúnaðarmanna.
•Þeir, sem skráðir eru aukafélagar, eru t. d. menn, sem
eiga annarsstaðar heimili, en stunda vinnu á félagssvæð-
inu um óákveðinn tíma. Skólafólk, sem stundar vinnu
aðeins í sumarleyfum, mun oftast vera slcráð sem auka-
félagar. Þeir, sem vanrækja greiðslu árgjalda til félags-
ins, samkvæmt samþykktum þess, munu oftast ekki vera
Tlmarit lögfrœöinga
9