Tímarit lögfræðinga - 01.01.1957, Page 24

'iýuröur
'a
uróáon, neraóóaomóioflmaóur:
Um starfsháttu læknaráðs
Læknaráð var sett á stofn með lögum nr. 14 15. maí
1942. Fyrsta málið var lagt fyrir ráðið í desember s. á.
og afgreitt í janúar 1943. Árin 1943—1948 voru úrskurðir
ráðsins 15 að tölu. Næstu 5 ár, 1949—1953, urðu þeir 44
og 1954 til dagsins i dag (október 1956) 21.
Störf læknaráðs hafa því aukizt síðustu árin, og jafn-
framt hefur ráðið sætt aukinni gagnrýni, sbr. einkum
grein eftir Einar Arnórsson i 2. hefti þessa rits árið
1952, bls. 86—122. Af því efni tel ég ástæðu til að gera
stutta grein fyrir skipan læknaráðs og starfsháttum og
jafnframt leitast við að leiðrétta ýmsan misskilning, sem
ég tel, að gæti í nefndri grein.
Læknaráð starfar, eins og áður segir, á grundvelli laga
nr. 14 15. maí 1942 (skammst. 1. hér á eftir) og reglu-
gerðar nr. 192 24. nóvember s. á. (skammst. rg. hér á
eftir).
Samkvæmt 1. gr. 1. er læknaráð skipað 7—9 læknum,
en þeir eru þesir:
1) Landlæknir, sem er forseti ráðsins,
2) kennarinn í réttarlæknisfræði við háskólann,
3) kennarinn í heilbrigðisfræði við háskólann,
4) kennarinn í lyfjafræði við háskólann,
5) yfirlæknir lyflæknisdeildar Landspitalans,
6) jdirlæknir handlæknisdeildar Landspítalans.
7) yfirlæknir geðveikrahælis rikisins,
8) yfirlæknir Tryggingastofnunar ríkisins,
9) formaður Læknafélags Islands.
Verði ráðið á þennan hátt ekki skipað 7 eða 9 mönn-
18
Tímarit lögfræöinga