Tímarit lögfræðinga - 01.01.1957, Síða 45

leyfi eða réttindum til að öðlast það, varðar varðhaldi eða
fangelsi, allt að tveim árum.
Itrekuð brot gegn 1., 2. sbr. 3. og 6. mgr. 25. gr. og 2.
og 4. mgr. 24. gr., varða varðhaldi eða fangelsi allt að
tveim árum.
Ef brot gegn lögum þessum eða reglum, .sem settar eru
samkvæmt þeim, er framið eftir fyrirmælum eða með
vitund og vilja bifreiðareigandans eða stjórnanda í starfi,
skal bonum einnig refsað fyrir brotið.
Mál út af brotum gegn lögum þessum og reglum, sem
settar eru samkvæmt þeim, skulu relcin að hætti opinberra
mála.
Um 80. gr.
Um áfengi og bifreiðaakstur er rætt i sambandi við 25.
gr. og vísast til þess. Þar er og vikið nokkuð að refsing-
um, en til viðbótar skal nánar vikið að nokkrum atriðum.
1. mgr. er nær samhljóða upphafi 38. gr. 1. 23/1941, sbr.
14. gr. 1. 24/1941. Akvæðin eru og í samræmi við lög hinna
Norðurlandanna, að því undanskildu, að þar er hámarks-
refsing 6 mánaða fangelsi, sem þó getur orðið 1 ár, er
sérstakár ástæður eru til, sbr. síðar.
Þvi verður ekki neitað, að fangelsisrefsing án takmarka
að ofan, er annaðhvort tilgangslaust ákvæði eða varhuga-
vert. Fangelsisrefsing er harðasta refsing, sem lög leyfa,
og getur, eins og kunnugt er, orðið ævilöng', ef um stór
brot er að ræða, t. d. manndráp af ásetningi, nauðgun
o. fl. Refsingu fvrir allan þorra brota samkvæmt liegn-
ingarlögunum eru á hinn bóginn sett takmörk að ofan og
tiltölulega fá brot varða meiru en 8 ára fangelsi.
Það er auglióst mál, að iiið almenna refsiákvæði lag-
anna verður að veita dómstólum vítt svigrúm í refsimati,
því að brotin eru mjög misjafnlega hættuleg og vítaverð
og engin leið að flokka þau að nokkru ráði. Telja verður
þessa nauðsynlega svigrúms gætt, þótt hámarkið sé sett
varðhald eða fangelsi í 1 ár. Er því lagt til, að þetta há-
Tímarit lögfrasðinga
39