Tímarit lögfræðinga - 01.01.1964, Page 63

Þýzkalandi árin 1935—1938. Lagði hann stund á sjó-
rétt og niðurjöfnun sjótjóna og er löggiltur á siðar-
nefnda sviðinu. Árin 1939—1943 var liann fulltrúi lög-
reglustjórans í Reykjavík, en það var á þeim tíma mik-
ið vandaverk hæði vegna hernáms og síðar hersetu hér
og þess að lögreglustjóri var þá ekki lögfræðingur. í
ársbyrjun 1944 gerðist hann fulltrúi borgardómarans í
Reykjavík og árið 1945 var hann skipaður borgardóm-
ari og árið 1961 varð hann yfirborgardómari. Hann
hefur og átt sæti í Félagsdómi, verið formaður Siglinga-
dóms og dómari í Mannréttindadómstóli Evrópu, og er
enn.
Logi Einarsson lauk ágætu lagaprófi hér árið 1944.
Árin 1946—47 stundaði hann framhaldsnám í Svíþjóð
og víðar. Hann var fulltrúi sakadómarans í Reykja-
vík 1944—51, en þá gerðist hann fulltrúi i Dómsmála-
ráðuneytinu og fékkst þá einkum við verkefni er síðar
féllu undir verksvið saksóknara ríkisins. Árið 1951 var
hann skipaður yfirsakadómari í Reykjavík.
Aliir þeir hæstaréttardómarar, sem hér hafa verið
nefndir, liafa gengt ýmsum trúnaðarstörfum auk þeirra
sem að ofan greinir.
Nýir Hæstaréttarlögmenn 1964.
5/2. Sveinn Haukur Valdimarsson. Var að prófi loknu
við nám og störf hjá Sameinuðu þjóðunum. Stundaði
síðar lögfræðistörf en vann jafnframt í skipadeild S.I.S.
og starfar að lögfræðistörfum í því fyrirtæki.
2/4. Tómas Árnason. Stundaði framhaldsnám við
Harvard La'w School. Vann í þjónustu utanríkisráðu-
neytisins m. a. sem formaður varnarmáladeildar. Rek-
ur nú sjálfstæða málflutningsskrifstofu hér i borginni
ásamt Vilhjálmi bróður sinum.
Tímarit lögfræðina
o/