Tímarit lögfræðinga - 01.03.1973, Page 47
NÁMSSTYRKIR
Lögfræðingafélaginu hefur borizt bréf, þar sem vakin er athygli á styrkjum
til náms í þjóðarétti, sem veittir verða af einni af stofnun Sameinuðu þjóðl-
anna, UNITAR — United Nations Institute for Training and Research. Styrk-
upphæð og námstími fer eftir aðstæðum umsækjanda, en vert er að vekja
athygli á, að styrkir þessir eru auglýstir í mörgum löndum, og er ekki ákveðið,
hvort nokkur styrkur kemur í hlut íslendings. Upplýsingar og umsóknareyðu-
blöð má fá hjá stjórn Lögfræðingafélagsins. Umsóknarfrestur er til 20. marz,
og mun utanríkisráðuneytið taka við umsóknum.
KOSNING í ALÞJÓÐADÓMSTÓLINN
Allsherjarþing Sameinuðu þjóðanna og öryggisráðið kusu 5 dómara í al-
þjóðadómstólinn 30. október 1972. Kosningu hlutu: Isaac Forster (Senegal),
André Gros (Frakklandi), José María Ruda (Argentínu), Nagendra Singh (Ind-
landi) og Sir Humphrey Waldock (Bretlandi). Kosningum í alþjóðadómstólinn
er hagað þannig, að þriðjungur dómara er kosinn á 3 ára fresti, en kjörtíminn
er 9 ár. Til að ná kjöri þarf dómaraefni að fá hreinan meirihluta atkvæða bæði
á allsherjarþinginu og í öryggisráðinu, en þar gilda þó ekki í þessu sambandi
reglurnar um neitunarvald. Kjörtími nýju dómaranna hófst 6. febrúar 1973.
Forster og Gros voru endurkosnir, en hinir koma í stað Sir Muhammed Za-
frulla Khan (Pakistan) og Luis Padilla Nervo (Mexico), sem ekki náðu endur-
kjöri, og Sir Gerald Fitzmaurice (Bretlandi), er ekki gaf kost á sér. Auk
þeirra, sem kosnir voru í október s.l., eiga sæti í alþjóðadómstólnum: Fouad
Ammoun (Líbanon), Cesar Bengzon (Filippseyjum), Sture Petren (Svíþjóð),
Manfred Lachs (Póllandi), Charles D. Onyeama (Nigeríu), Hardy C. Dillard
(Bandaríkjunum), Louis Ignacio-Pinto (Dahomey), Federico de Castro (Spáni),
Platon D. Morozov (Sovétríkjunum) og Eduardo Jiminez de Arechaga (Uru-
guay). — Reglurnar um kjör dómara eru í „samþykktum milliríkjadómsins",
sem ísland hefur staðfest og m. a. eru prentaðar í Lagasafni 1965, d. 120 og
áfr. — Þess er að geta, að hinir þrír nýju dómarar taka sæti í málum
Bretlands og Vestur-Þýzkalands gegn íslandi miðað við upphafsdag kjörtíma
þeirra, þ. e. 6. febrúar s.l.
Þ. V.
41