Tímarit lögfræðinga - 01.12.1986, Blaðsíða 46

Gunnlaugur Claessen ríkislögmaður:
PRÓFESSOR LENDIR í RÉTTARFARSSLYSI
1 þriðja hefti Tímarits lögfræðinga 1986
birtist grein eftir Björn Þ. Guðmundsson,
lagaprófessor. Grein þessi ber yfirskriftina
„Réttarfarsslys". 1 þessari grein fjallar
Björn um skaðabótamál, sem íslenska ríkið
hefur höfðað fyrir héraðsdómstóli í Con-
necticut-ríki í Bandaríkjunum gegn Si-
korsky-flugvélaverksmiðj unum til greiðslu
skaðabóta fyrir þyrlu Landhelgisgæslunn-
ar, TF—RÁN, sem fórst í Jökulfjörðum í
nóvember 1983. Inntak þessarar greinar er
gagnrýni á framkvæmd skýrslutöku, sem
fram fór hér á landi í septembermánuði s.l.
végna þessa máls og framkvæmd var af hinum bandarísku lögmönnum
íslenska ríkisins og gagnaðilans í sameiningu. Þessa aðferð er prófessor-
inn afar ósáttur við. Sjónarmið hans verða ekki rakin hér en vísað til
greinar hans. I örstuttu máli telur hann, að í stað þessarar aðferðar við
skýrslutöku hefði átt að höfða vitnamál fyrir íslenskum dómstólum
skv. íslenskum réttarfarslögum. Síðan hefði átt að láta reyna á, hvort
vitnayfirheyrslur íslenskra dómstóla yrðu teknar gildar af hinum
bandaríska dómstóli. Ef ekki, þýddi það í raun „að íslenskt réttarfar
væri ekki talið fullgilt í samfélagi þjóða.“
Þessi gagnrýni B.Þ.G. er ekki ný. Hún hefur verið höfð uppi
áður, nánast orðrétt eins á síðastliðnu hausti, í að minnsta kosti
einu dagblaði, kvöldfréttatíma Ríkisútvarpsins og á hádegisfundi
í Lögmannafélagi Islands. Á hinum síðastgreinda vettvangi féllu
sjónarmið prófessorsins í grýttan jarðveg. Slíkt er reyndar ekki
að undra, þegar nánar er hugað að því, hve hátt hann skýtur
yfir markið í þessari gagnrýni sinni. Eftir þær viðtökur hefði mátt
búast við, að hann léti staðar numið. Svo varð þó ekki og T.L. varð
260