Tímarit lögfræðinga - 01.12.1986, Blaðsíða 43

(sem að vísu samþykkti frumvarpið) segir einnig, eftir að greint hef-
ur verið frá því, að Sveinn Snorrason, hrl., formaður Lögmannafélags
Islands, hafi gengið á fund nefndarinnar: „Laganefnd Lögmannafélags-
ins er andvíg því að frumvarpið fái afgreiðslu á þessu þingi og telur að
nær sé að semja nýtt frumvarp, sem komi til móts við þá þörf að verja
rétt neytenda, þegar telja má samningsákvæði ósanngjörn vegna efnis
samnings, atvika við samningsgerðina eða atvika, sem síðar koma til.
Ymsir lögmenn virðast óttast, að sú rúma regla, sem felst í 2. mgr. 6.
gr. frv., leiði til réttaróvissu, fjölgunar dómsmála og þess, að ekki
megi almennt treysta samningum.“ Á þessar röksemdir var lítt sem
ekkert hlustað, — og hefði þó einhvern tíma verið staldrað við af
minna tilefni! Sem betur fer var þó einn þingmaður annarrar skoðunar.
I áliti Fjárhags- og viðskiptanefndar Neðri-deildar segir: „Einn
nefndarmanna, Halldór Blöndal, stendur ekki að nefndarálitinu, og tel-
ur ekki standa efni til að afgreiða málið á þessu þingi þar sem hann
telur málsmeðferð óvandaða.“ Afstöðu sína skýrði Halldór síðan á
þessa leið í þingræðu: „Ég tel eðlilegt að frv., sem eru jafnfagleg og
þetta, flókin að efni til þó þau sýnist einföld, eigi að vinna vel og rétt
sé að þau fái athugun hjá þeim mönnum, sem gerst mega til þekkja
og eiga að vinna eftir þessum nýju lögum ... Lögmannafélagið (fór)
fram á að fá að athuga þetta mál betur, taldi að það hefði ekki fengið
nægilega skoðun og bað þess að frv. biði haustsins. Lögum af þessu
tagi, sem skapa eiga nýja réttarvenju, er ætlað að standa lengi, svo
áratugum skiptir, og þess vegna tel ég rétt að þingið hafi almennt þau
vinnubrögð að slík mál séu vel unnin, ... Ég taldi rétt, að þetta mál
biði haustþings og fengi betri skoðun hjá öðrum en þeim, sem um það
hafa fjallað fram að þessu. 1 því er fyrirvari minn fólginn." Menn
skyldu minnast þess, að hér talar maður, sem hefur umtalsverða þing-
reynslu. Annars urðu litlar umræður um frumvarpið á Alþingi, en vert
er þó að geta þess sérstaklega, að bæði í álitsgerðum viðkomandi þing-
nefnda og í framsögu á þingi kom fram, að mælt væri með lögtöku
frumvarpsins í trausti þess, að dómstólar myndu beita ákvæðinu af
varkárni, — og gætir þar væntanlega nokkurra áhrifa frá hinni nei-
kvæðu umsögn Laganefndar Lögmannafélagsins.
1 ágætri grein um lögfestingu hinnar nýju ógildingarheimildar, sem
birtist í 2. tbl. 1986, víkur Þorgeir Örlygsson m.a. að sumum athuga-
semdum mínum, sem birtust í greininni „Orð skulu standa.“ Ekki var
við því að búast, að Þ.Ö. féllist á röksemdir mínar að þessu sinni, þótt
mér kæmi ekki á óvart að síðar muni renna á hann tvær grímur. Að
sumu leyti byggist skoðanamunur okkar á mismunandi grundvallarvið-
257