Tímarit lögfræðinga - 01.12.1986, Side 58
Stjórn Lögfræðingafélags íslands 1985-1986. Fremri röð frá vinstri: Guðný
Björnsdóttir, ritari, Arnljótur Björnsson, formaður og Lilja Ólafsdóttir, gjald-
keri. Aftari röð frá vinstri: Valgeir Pálsson, varaformaður, Guðrún Margrét
Árnadóttir, framkvæmdastjóri Tímarits lögfræðinga, Gestur Jónsson og Jón
Finnbjörnsson.
á þessu ári varð að gera sérstakar ráðstafanir til fjáröflunar til þess að grynnka
á skuld ritsins við prentsmiðju. Ritstjórar Tímarits lögfræðinga hafa ekki séð
um neinar fjárreiður vegna ritsins og verður sú skipan óbreytt.
Auk vinnu stjórnarinnar við endurskipulagningu fjármála Timarits lögfræð-
inga hefur hún unnið að endurskoðun félagaskrár og undirbúið átak til fjölg-
unar félagsmanna og áskrifenda að tímaritinu.
Afskipti Lögfræðingafélagsins af starfsemi Bandalags háskólamanna eru
fremur lítil. Hefur svo verið I nokkur undanfarin ár. Lögfræðingafélagið er
fyrst og fremst fræðafélag, en kjaramál lögfræðinga annast aðrir aðilar, t.d.
Stéttarfélag lögfræðinga I ríkisþjónustu. Stéttarfélagið tók við hlutverki rtkis-
starfsmannadeildar Lögfræðingafélagsins á árinu 1978 (sjá Tímarit lögfræð-
inga 1980, bls. 187). Ríkisstarfsmannadeildin hefur aldrei verið formlega lögð
niður og eru enn ákvæði um hana i lögum Lögfræðingafélagsins. Lögum fé-
lagsins verður ekki breytt, nema a.m.k. helmingur félagsmanna sæki aðal-
fund og þarf samþykki meiri hluta fundarmanna til lagabreytingar. Kostur er
þó að koma lagabreytingum fram á framhaldsaðalfundi, án tillits til fundar-
sóknar (lög félagsins eru prentuð í Timariti iögfr. 1974, bls. 51-2).
Samvinna stjórnarmanna var góð eins og áður. Tveir stjórnarmanna, Gest-
ur Jónsson og ég, gefa ekki kost á sér til endurkjörs. Gestur hefur setið f
stjórn i þrjú ár og ég í fjögur ár. Þótt ég hafi haft mikla ánægju af þvi að
starfa að stjórn félagsins, kýs ég að hætta nú. Það er hvorki í þágu félagsins
né formannsins, að hann sitji of lengi í stjórn. Ég nota þetta tækifæri til að
þakka þeim, sem verið hafa með mér f stjórn félagsins, skemmtilegt samstarf.
Um félaga mína I stjórn vil ég segja, að þar hefur vcrið valinn maður I hverju
rúmi. Arnljótur Björnsson
272