Tímarit lögfræðinga - 01.12.1995, Page 65

um þjóðfélagsmál, né heldur að gefnar séu út álitsgerðir, umsagnir eða ályktanir, þar
sem pólitísk afstaða er tekin í nafni félagsins í umdeildum þjóðfélagsmálum. Fyrir því
ályktar fundurinn að hætta beri aðild félagsins að Mannréttindaskrifstofunni og stjórn
félagsins gæti þess framvegis að ekki séu gefnar út pólitískar ályktanir í nafni þess.
Tillagan var flutt í nafni framsögumanns sjálfs, Gests Jónssonar hrl., Guð-
mundar Ingva Sigurðssonar hrl., Hákonar Amasonar hrl., Helga V. Jónssonar
hrl., Jóhanns H. Níelssonar hrl., Jóns Steinars Gunnlaugssonar hrl. og Sveins
Snorrasonar hrl. Framsögumaður sagði að engin pólitísk tengsl væru á milli
flytjenda tillögunnar, en þeir væru þó sammála um að félaginu bæri að halda
utan við deilur um þjóðfélagsmál. Mörkin væm þó stundum óskýr. Þá teldu til-
löguflytjendur einnig að félaginu bæri að halda utan við félög, sem láta þjóð-
félagsmál til sín taka. Hann nefndi í þessu sambandi aðildarsamtök Mannrétt-
indaskrifstofu íslands og taldi þau vera samtök, sem séu umdeilanleg þjóðfé-
lagslega.
I framhaldi af tillögu áttmenninganna flutti Jakob R. Möller hdl. breytingar-
tillögu sína og Sigurmars K. Albertssonar hrl. við fyrrgreinda tillögu. Sam-
kvæmt breytingartillögunni yrði orðalag ályktunarinnar svohljóðandi:
Aðalfundur Lögmannafélags fslands, haldinn á Hótel Sögu föstudaginn 10. mars
1995, telur í ljósi eðlis og tilgangs samþykkta Lögmannafélagsins og ákvæða laga um
málflytjendur, sem kveða á um skylduaðild lögmanna að félaginu, sé rétt að á vett-
vangi þess verði tekin til athugunar og mótuð framtíðarstefna um aðild og þátttöku
félagsins í starfsemi innlendra og erlendra félagssamtaka um þjóðfélagsmál, þar á
meðal Mannréttindaskrifstofunni. - Þá beinir fundurinn því til stjómar Lögmanna-
félagsins og nefnda þess að gæta þess að fara varlega í álitum, umsögnum og álykt-
unum í nafni félagsins í umdeildum þjóðfélagsmálum, sem túlka megi sem pólitískar
ályktanir.
Flutningsmaður taldi breitt bil vera á milli þjóðfélagslegra skoðana lög-
manna. Félagið hefði engu að síður skyldur til að gefa álit um umdeild þjóð-
félagsleg málefni. Mannréttindaáhugi lögmanna væri mikill en skiptar skoðanir
væru um málefnið. Tilgangur breytingartillögunnar væri að koma í veg fyrir að
félagið yrði sér til minnkunar með því að samþykkja upphaflegu tillöguna.
Haraldur Blöndal hrl. gagnrýndi orðalag upphaflegu tillögunnar og taldi það
vera stalínískt. Skrítið væri að banna pólitík og aðild að Mannréttindaskrifstofu
íslands en leyfa aðild að Mannréttindastofnun Háskóla íslands. Hann taldi það
vera keppikefli að frumvörp yrðu send stjóm eða laganefnd Lögmannafélagsins
til umsagnar, það væri í þágu almennings, lögmanna og þingsins.
Jón Steinar Gunnlaugsson hrl. taldi að félagið hefði verið í pólitískri baráttu
gegn stjómarskrárffumvarpinu, einnig í gegnum Mannréttindaskrifstofuna.
Nefndar vom í því sambandi ýmsar athugasemdir félagsins í umsögninni um
stjórnarskrárfrumvarpið. Ræðumaður nefndi einnig í þessu sambandi að vegna
skylduaðildar lögmanna að Lögmannafélagi Islands yrði félagið að vera ópóli-
tískt en jafnframt viðurkenndi hann að markalínan væri oft vanddregin. Stund-
um hefði verið stigið utan við eða á línuna en þó hefði það ekki gerst fyrr en
307