Ægir - 01.08.1999, Side 19

SAMLEIÐ MEÐ ÍSLENSKUM SJÁVARÚTVEGI
eða á einhverjum öðrum stað á Suður-
nesjum.
Takist ætlun okkar, sem er að bæta
verulega rekstrarárangur Búlandstinds
hf., verður það vonandi liður í því að
næst þegar svona mál koma upp verði
umræðan uppbyggilegri og málum til
framdráttar frekar en fyrirstöðu."
Viljum ekki drottna yfir
atvinnulífi Djúpavogs
Pétur Hafsteinn segir viðtökur íbúa á
Djúpavogi hafa verið góðar og ekki
síst eftir að fólk fór að sjá að Vísir hf.
var kominn inn í Búlandstind til að
efla fyrirtækið á staðnum.
„Ég vona að í framhaldinu muni
Djúpivogur eiga eftir að rísa upp og sé
fyrir mér fleiri fiskvinnslur við hlið
okkar í framtíðinni. Við þekkjum það
umhverfi í Grindavík að hafa mörg
smærri útgerðar- og landvinnslufyrir-
tæki sem öll eru að keppa að sama
markinu, þ.e. að ná sem bestum ár-
angri út úr sinni starfsemi. Ég held að
Djúpivogur sé dæmi um þróun sem
orðið hefur í sjávarplássum víða um
landið. Til hafa orðið á stöðunum fyr-
irtæki sem eru allt í öllu og þræðir at-
vinnulífsins hafa legið á einn stað.
Þessi burðarfyrirtæki hafa verið allt í
senn félagsmálastofnanir og lífæðar
byggðanna og hreinlega svæft fólkið í
kringum sig. Þessu hefur verið öfugt
farið í Grindavík þar sem bæði hefur
ríkt samkeppni og samstaða um mörg
stórmál. Ég vona að atvinnulífið á
Djúpavogi þróist á svipaðan hátt og í
Grindavík þar sem fyrirtækin eru vel
vakandi, í tengslum við grasrótina og
sækjast eftir öllum þeim tækifærum
sem gefast í sjávarútveginum. Gerist
það þá sé ég fyrir mér bjarta framtíð
Djúpavogs," segir Pétur Hafsteinn
Pálsson, stjórnarformaður Búlands-
tinds hf. og framkvæmdastjóri Vísis
hf.
Við óskum útgerð og áhöfn til hamingju
með skipið. Skipið er allt málað
með HEMPELS skipamálningu frá
Slippfélaginu Málningarverksmiðju.
....... Slippfélagiö
Málningarverksmiója
Dugguvogi 4 ■ 104 Reykjavík • Sími: 588 8000 • Fax: 568 9255
Hólmaborg SU 11
AGIR 19