Árbók Háskóla Íslands - 01.02.1948, Blaðsíða 89

87
fræðingafélagið skipuðu í sameiningu til þess að gera upp-
kast að reglugerð fyrir deildina, er hún var stofnuð að lögum.
Enn fremur átti hann sæti í dómnefnd um umsóknir um pró-
fessorsembættin við stofnun deildarinnar.
Sem kennari var Steinþór sanngjarn og vel látinn, og hann
hafði sérstakt yndi af að fræða aðra. Þess gætti ekki aðeins
í kennslustundum, heldur yfirleitt þar sem Steinþór var með
öðrum. Hann hafði gott minni og skýra framsetningu og liðuga.
En þó gat hraðinn, sem einatt einkenndi hann, valdið nem-
endum erfiðleikum, þegar um erfitt efni var að ræða.
Hér hefur einkum verið drepið á það starf Steinþórs Sig-
urðssonar, er vissi beint að háskólanum, en rúmið leyfir ekki,
að rakin séu til neinnar hlítar önnur störf hans á þessum árum,
en þau lutu einkum að framkvæmdastjórn fyrir Rannsóknar-
ráð og Atvinnudeild. Þar skipaði hann mikilvæga stöðu, sem
veitti honum aðstöðu til að hafa mikil áhrif á þróun og gang hag-
nýtra vísinda í landinu. Þáttur hans, sem og Rannsóknarráðs
í þeim málum, hlýtur einhverntíma að verða skráður, en hér
er ekki hægt að gera honum nein skil. Það er vafcdaust, að
Steinþór vann kappsamlega að þeim málum, er fyrir honum
lágu. Þekking hans á landinu, dugnaður í könnunarferðum,
áhugi á vélrænni menningu svo og menntun hans í raunvísind-
um, allt voru það eiginleikar, sem komu að haldi í þessu starfi.
Vitanlega komu þó einnig í ljós hjá honum veikar hliðar.
Hann var auðugur að hugmyndum, oft snjöllum, en hafði ekki
að sama skapi mikinn áhuga á að sannprófa skoðanir sínar
með gagnrýnandi rannsóknum. Hann var manna hjálpfúsastur,
ef til hans var leitað, og jafnan reiðubúinn að ræða hvaða
mál sem var, en að öðrum þræði virtist hann oft skorta þolin-
mæði til að hlusta á eða kynna sér sjónarmið annarra. Af þess-
um sökum reyndist samband hans við aðra menn, er störf-
uðu á sviði raunvísinda, ekki eins náið og æskilegt hefði verið,
og áhrif hans minni en ella hefði mátt verða.
Ég hugsa mér Steinþór Sigurðsson gjarnan sem mikinn land-
könnuð. Ef ísland hefði verið óþekkt heimsálfa, hefði hann
geyst um hana þvera og endilanga og mælt, kortlagt og kannað