Árbók Háskóla Íslands - 01.01.1955, Side 8

6
í lögfræði. Var Theódór B. Líndal hæstaréttarlögmaður skip-
aður í embætti þetta frá 1. júní 1954. Prófessor Theódór hefir
um alllangt skeið, eða síðan 1942, haft á hendi kennslu við
lagadeild í raunhæfum verkefnum. Hefir hann í kennslu sinni
getið sér hið bezta orð, enda væntir háskólinn sér mikils af
starfi hans, er hann nú fær aðstöðu til að helga krafta sína
óskipta lagakennslunni. Vil ég vegna háskólans bjóða prófessor
Theódór velkominn til starfa.
Tveir háskólakennarar hafa fengið leyfi til dvalar erlendis
næsta skólaár, þeir dr. Leifur Ásgeirsson og Ármann Snævarr.
Til þess að gegna störfum dr. Leifs í verkfræðideild var ráð-
inn prófessor Bjami Jónsson frá Brown University, Rhode
Island. En í lögfræðisdeild kenna í vetur vegna Ármanns Snæ-
vars þeir dr. Þórður Eyjólfsson hæstaréttardómari og cand.
jur. Vilhjálmur Jónsson. Þá hefir dr. med. Sigurður Samúelsson
verið settur til að gegna kennslu í læknadeild fyrst um sinn í
veikindaforföllum dr. Jóhanns Sæmundssonar prófessors.
Sendikennarar verða í vetur hinir sömu, er hér gegndu störf-
um síðastliðið ár. Síðara hluta vormisseris bættist við þýzkur
sendikennari, dr. Edzard Koch. Var það skólanum mikill fengur.
Má nú kalla vel séð fyrir tungumálakennslu hér við skólann. Þó
skortir nokkuð á. Við höfum um hríð engan sendikennara haft
í ensku, og væri óskandi, að úr því rættist áður langt líði.
Að venju hafa allmargir erlendir gestir heimsótt háskólann á
þessu ári og haldið hér fyrirlestra, einn eða fleiri. 7. júní hélt
próf. Richard Beck fyrirlestur um yrkisefni vestur-íslenzkra
skálda á vegum heimspekisdeildarinnar. 14. júní talaði próf.
dr. Herman Mai um lömunarveiki á vegum læknadeildar. 23.
júlí talaði próf. dr. Henry Goddard Leach frá New York um
The American-Scandinavian Foundation: An Experiment in
International Education. 13. júlí talaði próf. André Jacob frá
París um franska heimspeki á vorum dögum á vegum heim-
spekideildar. 18.—19. ágúst flutti próf. dr. Eugen Dieth frá
Zúrich tvo fyrirlestra. Hét hinn fyrri „How I saw Iceland in
the Twenties", en hinn síðari: „Ein Schweizer berichtet von
seiner Heirnat". 7.—8. sept. flutti dr. Per Jacobson tvo fyrir-