Árbók Háskóla Íslands - 01.03.1966, Qupperneq 48

46
Launamál aukakenuara.
í nefnd til að gera tillögur um þetta efni voru kosnir pró-
fessorarnir Halldór Halldórsson, Loftur Þorsteinsson, Þorbjörn
Sigurgeirsson, Kristinn Stefánsson, Steingrímur Baldursson og
Árni Vilhjálmsson. Enn fremur háskólaritari, Jóhannes L. L.
Helgason.
Námsvist fyrir tannlæknanema við tannlæknaháskóla
eða tannlæknadeildir á Norðurlöndum.
Fimm tanniæknanemar, sem lokið höfðu fyrrahlutaprófi,
hlutu að frumkvæði Háskólans og fyrir atbeina menntamála-
ráðherra námsvist við fimm norræna tannlæknaháskóla eða
tannlæknadeildir til að ljúka námi sínu.
Bygging Iláskólans og Iiandritastofnunar.
Háskólaráð samþykkti hinn 3. febrúar 1966 þá tillögu bygg-
inganefndar að staðsetja bygginguna milli íþróttahúss og kenn-
arabústaða austanvert við Suðurgötu. Hinn 24. marz 1966 sam-
þykkti háskólaráð teikningar að byggingunni.
Tannlæknakennsla.
Óskað var sumarið 1966 á grundvelli ýmissa greinargerða
eftir 8 millj. króna fjárveitingu til húsnæðis fyrir tannlækna-
kennslu, fyrsta framlags, en þau tilmæli náðu ekki fram að
ganga. Fyrir atbeina menntamálaráðherra voru framlengd af-
not Háskólans af húsnæði á Landspitalanum til tannlækna-
kennslu frá árslokum 1969 til miðs árs 1972.
Raunvísindastofnun Iláskólans.
Frumvarp til reglugerðar var samið af bráðabirgðastjórn
stofnunarinnar. Ræddi háskólaráð það síðan rækilega og af-
greiddi til menntamálaráðherra. Reglugerð var staðfest hinn
16. júní 1966, og er nr. 104/1966. Er hún prentuð bls. 133 hér
á eftir.