Búnaðarrit - 01.01.1915, Blaðsíða 79

Ræktunarsjóðuriim 1914.
Lán. Umsóknir um þau voru 87, 75 til jarðabóta
(71162 kr.) og 12 til ábýliskaupa (13400 kr.). Heimiluð
voru 60 lán til jarðabóta, alls 38650 kr., og 2 til ábýlis-
kaupa, 1000 kr. Lán samtals 39650 kr. Að svo lítið
var lánað til ábýliskaupa kom af því, að ekki var nægi-
legt fé fyrir hendi, enda þótti það miður samkvæmt
anda og tilgangi ræktunarsjóðsiaganna, að veita stór lán
til að kaupa stórar jarðir, heldur sé hitt tilgangurinn
með ákvæðum þeirra um ábýliskaupalánin, að veita fó-
litlum mönnum lán til smábýlakaupa. Mundi og brátt
þrjóta féð, ef farið væri að veita stór jarðakaupalán. —
Af jarðabótalánunum voru til girðinga einna 38 lán,
alls 28400 kr., en til ýmislegra jarðabóta, þar á meðal
nokkurra girðinga, 22 lán, alls 10250 kr. Af lánunum
til girðinga einna voru 11 til samgirðinga, alls 15100 kr.,
en til girðinga á einstökum jörðum 27, alls 13300 kr.
Stærstu samgirðingalánin voru: til girðingar í Húsavíkur
og Tjörness hreppum (28 km.), 'fyrri helmingur láns,
3000 kr., í Köldukinn (um 13 km.) 3000 kr., í Laugar-
dal (um 13 km.) 3000 kr., í Þverárhlíð (um 6 km.)
1200 kr., undir Eyjafjöllum (um 5 km.) 1000 kr. og í
Bræðratungusókn (4 km.) 1000 kr.
Styrlmr til lífsáhyrgðarkaupa til viðbótartryggingar
fyrir ábýliskaupaláni var veittur Þórði Þórðarsyni á
Kjaransstöðum í Biskupstungum, 200 kr. Aðrir höfðu
ekki sótt um þann styrk.