Melkorka - 01.09.1949, Blaðsíða 23

öflum heims, Alþjóðasambandið skoðar sig
þannig sem einn lið í baráttu sameinuðu
þjóðanna fyrir varanlegum friði í heimin-
um.
Hvers vegna nefnist það Alþjóðasamband
lýðrceðjssinnaðra kvenna?
Aiþjóðasambandið tók ekki þetta nafn til
þess að leggja áherzlu á að þær konur sem
skipuðu sér þar væru hinir einu sönnu lýð-
ræðissinnar, heldur kom það strax fram á
stofnfundinum, að konurnar yfirleitt voru
orðnar sannfærðar um að einungis lýðræðis-
legt stjórnskipulag gætf hindrað fasismann
og með því að berjast með lýðræðisöflum
heims væru konurnar að vinna að varanleg-
um friði og forða sjálfum sér og börnum
sínurn frá nýjum skelfingum.
Þessvegna berst Alþjóðasambandið einn-
ig um leið fyrir algeru jafnrétti kvenna, svo
áhrifa konunnar fái gætt í öllum mikilvæg-
um málum.
Er nauðsynlegt að berjast móti fasisman-
um í dag?
Fasismi Hitlers og Mussolínis er raunar
hruninn í rúst, en það er ekki það sama og
búið sé að uppræta hann úr heiminum. Það
að Franco situr enn við völd á Spáni, er eitt
dærni um að fasisminn lifir í bezta gengi.
Fasismi er ekki eingöngu hernaðarlegt
kerfi. Hann er einnig hugsunarháttur, sem
er erfitt að uppræta, og við höfum enga
sönnun fyrir að hann skjóti ekki upp höfð-
inu dulbúinn annars staðar. Rauði þráður-
inn sem gengur í gegnum alla starfsemi Al-
þjóðasambands kvenna er sá, að meðan til
er fasismi í heiminum er ekki hægt að
treysta á varanlegan frið. Það var fasisminn,
sem kom síðustu styrjöld af stað. Samtaka-
máttur kvenna um allan heim verður að
hindra það að slíkt geti endurtekið sig
aftur.
Er Alþjóðasamband kvenna ópólitískt?
Alþjóðasamband kvenna vill sameina
konur til baráttu móti fasisnta og fyrir friði,
hvar í flokki sem þær standa, hvaða þjóð-
erni sem þær tilheyra og hvaða trúarskoð-
anir sem þær kunna að hafa. En það er ekki
sama og það sé ópólitískt. Konur hafa nú
loksins látið sér skiljast að pófitík er mál
sem við kemur þeim sjálfum og hefur áhrif
á lffsafkomu þeirra og lífshamingju og úr-
slitaþýðingu fyrir framtíð þeirra, bæði frá
þjóðlegu og alþjóðlegu sjónarmiði.
Hvaða félagssamtök eru í ALK?
Allskonar félög kvenna, fagfélög, pólitísk
félög, friðarfélög, kvenréttindafélög, barna-
vernd o. fl.
Hve mörg kvennasamtök telur Alþjóða-
sambandið?
í október 1948 voru 52 kvenfélagasam-
bönd í ALK og töldu til samans 85 milljón-
ir kvenna. Þar eru kvennasamtök frá flest-
um löndum Evrópu, Bretlandi, Svíþjóð,
Hollandi, Belgíu, Frakklandi, Ítalíu, einn-
'ig frá flestum löndum í Mið- og Austur-
Evrópu, þ. a. m. Sovétríkjunum, ennfremur
Asíulöndum eins og Kína. Átta kvenfélög
eru í ALK frá Bandaríkjunum,- 7 frá Suður-
Ameríku, og rnörg félög frá ýmsurn ný-
lenduríkjum í Afríku og Asíu.
Annað þing Alþjóðasambands lýðræðis-
sinnaðra kvenna var háð í Búdapest á Lfng-
verjalandi í desember 1948. Þar mættu 390
fulltrúar frá 38 löndurn og 50 ólíkustu
þjóðernum. En fulltrúaráð þess hefur hald-
ið 5 fundi síðan ALK var stofnað, einn í
Stokkhólmi, annan í Rómaborg í maí síð-
astliðið vor. Deildir sambandsins í hinum
ýmsu löndum hafa aukið mjög félagatölu
sína á þessum árum og allt bendir til þess
að þessi voldugu kvennasamtök séu að verða
eitt af sterkustu friðaröflum heims. En
styrkleiki þess liggur ekki eingöngu í þeim
miljónafjölda, sem er á bak við það, heldur
í hinni djörfu, lifandi og markvissu bar-
áttu, sem hefur einkennt alla starfsemi þess
hingað til. Það berst fyrir því að konur hvar
sem er í heiminum fái notið réttar síns og
beitir sér fyrir því að rannsaka kjör alþýðu-
kvenna og barna í nýlendulöndunum, og
MELKORKA
63