Valsblaðið - 01.05.1993, Blaðsíða 3

RAUTT OG
HVÍTT,
JÓL EÐA
VALUR?
Séra Pálmi Matthíasson
Það er einkennileg tilfinning að heilsa
jólum. Þau snerta okkur með öðrum hætti
en allt annað. Þau tala til okkar. Við
höfiim skoðun á þeim. Teljum okkur vita
og skilja og enginn getur fengið okkur til
að breyta þar einu né neinu.
Þannig þekkjum við jólahaldið og allt
sem því tengist. Við höfum alist upp við
venjur og siði jólahaldsins, sem okkur
finnst að séu þær réttu. Hver fjölskylda á
sína hefð og jafnvel þótt við heyrum um
aðrar hefðir þá breytir það engu um
skoðun okkar.
En er það boðskapurinn eða
umgjörðin, sem byggir þessa fullvissu i
hugum okkar?
Sjálfskipaðir sérfræðingar í
jólaumgjörðinni tala í nálægð jólanna. Á
öðrum tímum heyrum við minna ffá þeim.
En þeir sem þekkja kjarna jólanna,
boðskap þeirra og tilurð tala árið um
kring. Þeir vita að jólin verða ríkari að
innihaldi sé hugurinn óskiptur að baki.
Boðskapur jólanna verður að vera ekta
í huga og hjarta eigi þau að tala til okkar.
Rétt eins og íþróttamaðurinn verður að
einbeita sér allt árið til að ná árangri, þá
dugir ekki þeim er vill vera kristinn að
hugleiða trúna aðeins á jólum.
Þá verður hann eins og
íþróttamaðurinn sem aðeins mætir í mót
en æfir ekki þess utan. Og það þarf
ekki að spyrja um árangur í slíkum
sporum.
Þá skiptir engu hvort litur okkar er
rauður og hvítur eðaeinhver annar.
Uppskeran fer eftir þeim sem klæðist
búningnum. Fer eftir vilja hans og festu
og því hversu vel hann hefúr undirbúið
sig fyrir íþrótt sína.
Hvorki Valur eða önnur félög vilja hafa
veika hlekki í sínum röðum, sem bresta
þegar mest reynir á. Þau vilja öll hafa
trausta og örugga félaga, sem þekkja
skyldur sínar og ábyrgð, ekki síst þá
ábyrgð sem fólgin er í því að vera
sigurvegari.
Á sama hátt vill Kristur eiga trygga
félaga í sinni hjörð. Ekki þá sem láta sér
nægja að hugleiða boðskap hans þegar
jólin eru nálægð heldur þá sem með líft
sínu taka á móti boðskap hans og lifa
honum árið um kring.
Þannig verður spuming jólanna aldrei
annað hvort eða. Það er ekki kosið um
jólin eða Val. Þau eiga saman og við
stofnun var þeim ætlað að vera saman.
Þeim uppruna má aldrei gleyma.
I hraustum líkama skyldi búa kristin
sál. Drengimir hans Friðriks, skyldu vera
strákar og stelpur, sem búa yftr drenglyndi
og kærleika trúarinnar.
I öflugu íþrótta- og æskulýðsstarfi næst
aldrei hinn fullkomni árangur, nema
menn þekki lífið sjálft og höfuð þess. Enda
þótt bikar vinnist ekki í hverju móti og
hverri grein, þá getur sigurinn verið meiri
hið innra hjá þeim sem kunna að taka sigri
jafnt og ósigri. Félag, sem á slíka í sínum
röðum er á réttri leið.
Þannig getur boðskapur jólanna verið
okkur öllum hvatning til þess að stilla
saman líkama og sál. Láta þessu sterku
öfl sem Guð hefur gefíð okkur vinna
saman. Æfíngin skapar meistarann og
hún agar líka þann sem vill vera
lærisveinn Krists og minnast fæðingar
hans á heilögum jólum.
Með bestu jólaóskum
Pálmi Matthíasson
Útgefandi: Knattspyrnufélagið Valur. Félagsheimili, íþróttahús og leikvellir að
Hlíðarenda við Laufásveg.
Ritnefnd: Hanna Katrín Friðriksen, Stefán Halldórsson, Dýri Guðmundsson,
Ragnar Ragnarsson og Lárus Ögmundsson.
Ritstjóri: Hanna Katrín Friðriksen.
Úlit: Ragnar Ragnarsson og Hanna Katrín Friðriksen.
Litgreiningar: Litróf
Prentun: Prenttækni
3 VALS blaðiö