Heilbrigðismál - 01.06.1977, Blaðsíða 12

Starfsfólk spítalanna reynir að
aðstoða börnin eftir mætti í erfið-
leikum þeirra. Þessi drengur virðist
una sér vel í fangi einnar starfs-
stúlkunnar.
íþróttalíf o. fl. hefur oft rofnað.
Þessi áhrif sem að framan greinir
eru almennari en menn gera sér
grein fyrir. Að sjálfsögðu skiptir
þama megin máli andlegt ástand
barnsins fyrir spítalavistina, aldur
þess, eðli sjúkdómsins, viðbrögð
foreldra og umhverfi spítalans
hversu mikil og varanleg eftirköstin
verða.
Ýmis skipulagsatriði
geta létt börnum
sjúkrahúsvistina
Lögð er aukin áhersla á að
rýmka heimsóknartíma og nálægð
foreldra meðan á spítalavistinni
stendur, einkum þegar mikið liggur
við svo sem fyrstu stundirnar á
spítalanum, eftir svæfingu eða
þegar barnið er alvarlega veikt.
Víðast hér á landi hefur skilningur
manna á þessu atriði aukist svo, að
lögð er áhersla á að annað foreldrið
sé eins mikið hjá barninu og
aðstæður þess leyfa.
í nágrannalöndum okkar, t. d. í
Svíþjóð, er gengið út frá því að
móðir eða annað foreldri dveljist
hjá barni sínu allan daginn eða
stóran hluta af deginum og annist
jafnframt ýmsar daglegar þarfir
þess, svo sem að hjálpa því að
borða, að sjá um hreinlætisvenjur
þess, leiki við það, lesi með því o. s.
frv. Sú skipan þekkist einnig að
foreldri sé „lagt inn“ með sínu
barni og hafi herbergi til eigin af-
nota til hliðar við deildina. Oft er
þetta nauðsynlegt ef fjarlægð
hindrar samvistir eða ef barn er al-
varlega veikt og foreldrar geta ekki
vikið frá því.
Slíkt fyrirkomulag sem að ofan
greinir krefst aukinnar skipu-
lagningar þannig að læknismeð-
ferðin geti gengið sinn eðlilega
gang og reynir enn meir á að góð
samvinna myndist milli starfsfólks
og foreldra. Það hefur komið í ljós
að almennt eru allir aðilar ánægðir
með þetta fyrirkomulag, sé um
góða skipulagningu að ræða. En sé
ekki rétt á málum haldið getur
þetta haft þau áhrif m. a. að starfs-
fólkið kynnist ekki barninu nægi-
lega vel. Aukin umgengni skapar
og erfiðari aðstæður við að við-
halda almennu hreinlæti og eykur
sýkingarhættu, en bæði þessi atriði
má fyrirbyggja.
Á barnaspítalanum er nú lögð
aukin áhersla á að fjallað sé um
Börnin fá að hafa með sér dúkkur og
önnur uppáhaidsleikföngin sín og á
sum rúmin hafa þau fengið að líma
myndir úr blöðunum um Andrés önd
og félaga.
12
FRÉTTABRÉF UM HEILBRIGÐISMÁL