Heilbrigðismál - 01.06.1977, Side 18

Starfsemi K. I. árið 1976;
KRABBAMEINSLEITIN NÁÐITIL
NÆRTÓLF ÞÚSUND KVENNA
Aðalfundur Krabbameinsfélags
Islands var haldinn 13. maí 1977. Á
fundinn mættu fulltrúar frá 13
krabbameinsfélögum, auk stjórnar
og starfsmanna.
í skýrslu formanns félagsins, dr.
Ólafs Bjarnasonar prófessors, kom
fram að félagið hefur haldið uppi
starfsemi með svipuðu móti og
undanfarin ár.
Lcitarstöð B. Á leitarstöð félags-
ins hefur verið fengist við leit að
krabbameini í leghálsi en skipuleg
leit að krabbameini í brjóstum
hefur einnig verið gerð síðast liðin
þrjú ár. „Það er nú ekki lengur
neinum vafa undirorpið“, sagði
Ólafur Bjarnason, „að leitar-
stöðvarnar hafa unnið stórmerkt
starf og árangur af starfsemi þeirra
hefur komið greinilega í Ijós með
lækkaðri dánartíðni úr legháls-
krabbameini og verulegri fækkun á
hinum alvarlegri tilfellum". Á ár-
inu 1976 dóu aðeins 5 konur úr
leghálskrabbameini. Engin af þeim
hafði mætt til hópskoðunar. Þess
skal getið að þegar dánartalan var
hæst hér á landi vegna þessa sjúk-
dóms, árið 1969, dó 21 kona úr
honum. Alls voru skoðaðar 11.932
konur á síðast liðnu ári í hóp-
skoðunum, en starfsemin nær til 35
staða á landinu. Greint var
krabbamein í brjósti hjá 12 konum,
hjá 10 konum krabbamein í legi og
eggjastokkum, og forstigs-
breytingar í leghálsi fundust hjá 10
konum.
Frumurannsóknastufa. Frumu-
rannsóknir vegna leitar að legháls-
krabbameini hafa eins og áður
verið gerðar á Frumurannsókna-
stofu félagsins. Nú eru einnig tekin
þar til rannsóknar frumsýni frá
mörgum öðrum líffærum en leg-
hálsi, í því skyni að stuðla að
greiningu krabbameins. Eins og
kunnugt er byggist staðfesting á
greiningu illkynjaðra æxla í dag
fyrst og fremst á vefjarannsóknum,
en frumurannsóknirnar skipa þar
æ meira rúm eftir því sem tími
hefur liðið. Má gera ráð fyrir því að
með fjölgun þessara rannsókna
verði sú aðstaða sem deildin býr við
ófullnægjandi og verður þá að taka
til athugunar hvað er til úrbóta. Á
frumurannsóknastofunni voru á
síðasta ári rannsökuð 14.915
frumusýni frá leitarstöðvunum og
um 700 sýni frá sjúkrahúsum og
læknum.
Krahhamcinsskráin. Auk skrán-
ingar á nýjum tilfellum af krabba-
meinum er hjá Krabbameins-
skránni unnið að rannsóknum á
ættarfylgni krabbameina, með
styrk frá Alþjóðakrabbameins-
stöðinni í Lyon 1 Frakklandi og í
samvinnu við starfsmenn þeirrar
stofnunar. Erfðafræðinefnd Há-
skólans er þátttakandi í þessu
Hluti þátttakenda í aðalfundi Krabbameinsfélags íslands, talið frá vinstri:
Ólafur Bjarnason, Erlendur Einarsson, Jónas Ragnarsson, Jónas S. Jónas-
son, Samúel Samúelsson, Guðmundur Björnsson, Eyþór Þórðarson, Jónas
Hallgrímsson, Kolbrún Bjarnadóttir, Árni Ingólfsson, Aðalbjörg Magnús-
dóttir, Gunnlaugur Snædal, Helgi Elíasson, Friðrik Einarsson, Arinbjörn Kol-
beinsson og Halldóra Jónsdóttir.
18
FRÉTTABRÉF UM HEILBRIGÐISMÁL