Heilbrigðismál - 01.06.1977, Side 20

standa við bakið á slíkum félags-
skap og veita honum aðstoð og að-
stöðu eftir bestu getu ef þess yrði
óskað.
Reikningar. Gjaldkeri félagsins,
Hjörtur Hjartarson forstjóri, las upp
og lagði fram endurskoðaða reikn-
...hvertmeð
sínumóti.
FYRIR FEITTHÁR
inga fyrir árið 1976. Niðurstöðu-
tölur á rekstrarreikningi voru 25
milljónir króna og er það hækkun
frá fyrra ári um 5,7 milljónir króna.
Framlag á fjárlögum Ríkissjóðs var
stærsti tekjuliðurinn, rúmlega 13
milljónir. Næst komu framlög
krabbameinsfélaganna, rúmlega
6,5 milljónir króna. Stærsti hlutinn
kom frá Krabbameinsfélagi
Reykjavíkur sem ágóðahluti af
Happdrætti Krabbameins-
félagsins. Gjafir og áheit námu
rúmlega 1,5 millj. kr. Margar gjaf-
anna voru tengdar 25 ára afmæli
félagsins en það var á síðast liðnu
ári.
Stjórnarkjör. Prófessor Ólafur
Bjarnason var endurkjörinn for-
maður félagsins. Úr stjórninni áttu
að ganga dr. med. Friðrik Einars-
son og Matthías Johannessen rit-
stjóri. Þeirvoru báðir endurkjörnir.
Aðrir í stjórn eru: Erlendur
Einarsson forstjóri, Helgi Elíasson
fyrrverandi fræðslumálastjóri,
Hjörtur Hjartarson forstjóri, Jónas
Hallgrímsson yfirlæknir, Ólafur
Örn Arnarson læknir og Vigdís
Magnúsdóttir hjúkrunarforstjóri.
Fræðslufundur. Að loknum
aðalfundinum var haldinn
fræðslufundur. Þar flutti Jónas
Hallgrímsson yfirlæknir erindi um
lungnakrabbamein og um tíðni
ýmissa annarra krabbameina og
Auðólfur Gunnarsson læknir flutti
erindi um tilraunastarfsemi
varðandi ónæmislækningar á ill-
kynja æxlum.
Ályktanir. Á aðalfundinum 13.
maí 1977 voru samþykktar eftir-
farandi ályktanir.
Aðalfundur Krabbameinsfélags
Islands beinir þeim tilmælum til
læknaráða Borgarspítalans,
Landakotsspítalans og Land-
spítalans að þau taki til athugunar
hvort ekki þyki fýsilegt að koma á
fót samstarfshóp læknaráðanna
sem vinni að skipulagningu
krabbameinslækninga og sam-
ræmingu á flokkun, greiningu og
meðferð illkynja æxla.
Aðalfundur Krabbameinsfélags
íslands beinir þeim tilmælum til
heilbrigðisráðherra að hann skipi
nefnd sérfróðra manna til að gera
tillögur um framtíðarfyrirkomulag
krabbameinslækninga hér á landi.
Aðalfundur Krabbameinsfélags
Islands fagnar samþykkt laga um
ráðstafanir til að draga úr tóbaks-
reykingum. Þakkar fundurinn
heilbrigðisráðherra og ríkisstjórn
flutning lagafrumvarpsins á Al-
þingi og þingmönnum eindreginn
stuðning við málið. Fundurinn
væntir þess að samkvæmt heimild í
lögunum verði sem fyrst settar víð-
tækar skorður við reykingum í
húsakynnum sem eru til al-
menningsnota, svo og í hvers kon-
ar farartækjum sem rekin eru
gegn gjaldtöku. Jafnframt heitir
fundurinn á stjórnvöld og lands-
menn alla að tryggja að ákvæðum
laganna um algjört bann við tó-
baksauglýsingum verði framfylgt.
Fundurinn þakkar árangursríkt
starf Samstarfsnefndar um reyk-
ingavarnir og væntir mikils af
þeirri nýju nefnd sem skipa ber
samkvæmt lögunum til að annast
framkvæmd þeirra. □
20
FRÉTTABRÉF UM HEILBRIGÐISMÁL