Heilbrigðismál - 01.03.1995, Side 5

Tómas Jór
Háskólanám í heilbrigðisgreinum:
Færri komast að en vilja
Rúmlega fimm hundruð nemendur
hófu háskólanám í heilbrigðisgreinum í
haust en innan við tvö hundruð fengu
að halda áfram eftir áramót, samkvæmt
lauslegri könnun. Fjöldatakmarkanir
eru í flestum námsbrautum innan
læknadeildar Háskóla íslands, svo og í
tannlæknadeild, og einnig í hjúkrunar-
fræðinámi við Háskólann á Akureyri.
Síðustu tíu ár hefurfjöldi þeirra sem
komast áfram á fyrsta ári í læknisfræði
í læknadeild Háskóla íslands verið
takmarkaður. Nú í desember fóru
170 í próf en 33 þeir hæstu fengu að
halda áfram námi. Aðeins um
þriðjungur þeirra sem komust
áfram voru að reyna í fyrsta sinn,
aðrir höfðu reynt einu sinni eða
tvisvar áður.
í námsbraut í hjúkrunarfræði í Há-
skóla íslands var fjöldatakmörkun-
um nú beitt í annað sinn. Allir sem
stóðust próf fengu að halda áfram í
fyrra en nú var því ekki að heilsa.
Nær 130 þreyttu próf en rúmlega 60
komust áfram þó að fleiri hafi stað-
ist öll fimm prófin.
Fjöldatakmörkunum hefur verið
beitt í fimm ár í námsbraut í sjúkra-
þjálfun í Háskóla íslands. Af þeim
94 sem fóru í próf í desember náðu
40 lágmarkseinkunn í öllum próf-
um og töldust þannig hafa staðist
það en einungis 20 fá að halda
áfram.
Aðsókn er ekki svo mikil í náms-
braut í lyfjafræði lyfsala í Háskóla ís-
lands, að takmarka þurfi hana með
öðrum hætti en þeim að nemendur
sem hefja þar nám verða að hafa
lokið stúdentsprófi úr stærðfræði-
deild, eðlisfræðideild eða náttúru-
fræðideild. Þeir sem ná tilskildum
lágmarkseinkunnum í lok fyrsta árs
fá að halda áfram. Undanfarin ár
hafa verið útskrifaðir tíu til tuttugu
nemendur á ári en nú eru rúmlega
þrjátíu á fyrsta ári.
Tannlæknadeild Háskóla íslands
hefur í mörg ár ekki haft aðstöðu
nema fyrir sex á hverju námsári og
því hefur þurft að vísa nemendum
frá eftir fyrstu önn. í haust hófu
fimmtán nám en sex eru eftir.
Rúmlega fjörutíu hófu nám í
haust í hjúkrunarfræði við heilbrigð-
isdeild Háskólans á Akureyri en 25
komust áfram. Ekki hefur fyrr þurft
að takmarka fjölda nemenda.
Um þrjátíu stúdentar hófu nám í
haust í meinatækni og röntgentækni
við Tækniskóla íslands. Átta fengu
að halda áfram í röntgentækna-
námi og álíka fjöldi í meinatækna-
námi.
Helgi Valdimarsson forseti
læknadeildar Háskóla Islands segir
að fjöldatakmarkanir séu neyðar-
brauð. Fjárveitingar til menntamála
séu of litlar miðað við ásókn stúd-
enta í háskólanám í heilbrigðis-
greinum en einnig komi til skortur
á aðstöðu til verklegrar kennslu,
einkum í lyflækningum. Hins veg-
ar sé það misskilningur að heil-
brigðisstéttir hafi hvatt til slíkra
takmarkana í því skyni að vernda
atvinnuhagsmuni sína.
Búast má við því að fjöldatak-
markanir verði að mestu óbreyttar
á næsta skólaári. Svo að enn um
sinn komast færri að en vilja í há-
skólanám í heilbrigðisgreinum.
Læknanemar sem komust áfram á
fyrsta ári hlýða á fyrirlestur í
Læknagarði.
HEILBRIGÐISMÁL 1/1995 5