Fréttablaðið - 14.01.2010, Síða 50

38 14. janúar 2010 FIMMTUDAGUR
sport@frettabladid.is
Vináttulandsleikur:
Ísland-Portúgal 37-27 (17-15)
Mörk Íslands (skot): Guðjón Valur Sigurðsson 9
(12), Snorri Steinn Guðjónsson 7/4 (9/5), Róbert
Gunnarsson 4 (4), Alexander Petersson 4 (8),
Sturla Ásgeirsson 3 (3), Ólafur Stefánsson 3 (6),
Ásgeir Örn Hallgrímsson 2 (4), Logi Geirsson 1
(1), Ólafur Guðmundsson 1 (2), Vignir Svavarsson
1 (3), Rúnar Kárason 1 (3), Aron Pálmarsson
1 (5).
Varin skot: Hreiðar Guðmundsson 9 (25/1, 36%),
Björgvin Páll Gústavsson 3 (14, 21%).
Hraðaupphlaup: 12 (Róbert 3, Guðjón Valur 2,
Sturla 2, Logi 1, Ásgeir Örn 1, Snorri Steinn 1,
Ólafur 1, Alexander 1).
Fiskuð víti: 5 (Vignir 2, Aron 1, Sturla 1, Róbert 1).
Utan vallar: 4 mínútur.
Mörk Portúgals (skot): Dario Andrade 6/1 (7/1),
Jose Costa 5 (6), Carlos Carneiro 5 (7), Tiago
Rocha 4 (5), Pedro Solha 4 (7), David Tavares
1 (3), Nuno Pereira 1 (3), Fabio Magalhaes 1
(4), Bosko Bjelanovic (1), Luis Bogas (1), Inacio
Carmo (2), Jorge Sousa (2), Claudio Pedroso (3).
Varin skot: Hugo Figueira 13 (38/2, 34%), Hugo
Laurentino 6/1 (18/3, 33%).
Hraðaupphlaup: 13 (Solha 4, Andrade 4, Carn-
eiro 3, Costa 2).
Fiskuð víti: 1 (Bjelanovic 1).
Utan vallar: 4 mínútur.
Enska bikarkeppnin:
Liverpool-Reading 1-2
1-0 Ryan Bertrand, sjm. (45.), 1-1 Gylfi Þór Sig-
urðsson, víti (90.), 1-2 Shane Long (99.)
Newcastle-Plymouth 3-0
1-0 Peter Lovenkrands (10.), 2-0 Peter Loven-
krands (40.), 3-0 Peter Lovenkrands (72.)
IE-deild kvenna:
KR- Hamar 77-49
Stig KR: Jenny Pfeiffer-Finora 18, Hildur Sigurð-
ardóttir 13, Guðrún Þorsteinsdóttir 13, Signý
Hermannsdóttir 8, Margrét Kara Sturludóttir 8,
Jóhanna Sveinsdóttir 6, Heiðrún Kristmundsdóttir
5, Þorbjörg Friðriksdóttir 4, Helga Einarsdóttir 2.
Stig Hamars: Kristrún Sigurjónsdóttir 18,
Guðbjörg Sverrisdóttir 10, Koren Schram 9, Íris
Ásgeirsdóttir 5, Hafrún Hálfdánardóttir 3, Fanney
Guðmundsdóttir 2.
Grindavík-Valur 69-59
Stig Grindavíkur: Petrúnella Skúladóttir 21,
Michele DeVault 19, Jovana Stefánsdóttir 16,
Helga Hallgrímsdóttir 9, Íris Sverrisdóttir 4.
Stig Vals: Dranadia Roc 28, Berglind Ingvarsdóttir
14, Þórunn Bjarnadóttir 6, Birna Eiríksdóttir 2,
Lovísa Guðmundsdóttir 2, Sigríður Viggósdóttir 1.
Haukar-Njarðvík 94-65
Stig Hauka: Heather Zell 40, Kiki Jean Lund
17, Helena Hólm 10, Guðrún Ámundadóttir 9,
Bryndís Hreinsdóttir 6, Kristín Reynisdóttir 4,
Ragna Brynjarsdóttir 2.
Stig Njarðvíkur: Shantrell Moss 30, Ólöf Helga
Pálsdóttir 17, Hanna Valdimarsdóttir 7, Anna
Ævarsdóttir 6, Helga Jónasdóttir 3, Eyrún Sigurð-
ardóttir 2.
Snæfell-Keflavík 65-81
Stig Snæfells: Sherell Hobbs 17, Björg Einars-
dóttir 15, Gunnhildur Gunnarsdóttir 11, Ellen
Högnadóttir 4, Hrafnhildur Sævarsdóttir 2, Hildur
Kjartansdóttir 2, María Björnsdóttir 2, Helga
Björgvinsdóttir 2.
Stig Keflavíkur: Birna Valgarðsdóttir 19, Bryndís
Guðmundsdóttir 18, Kristi Smith 12, Rannveig
Randversdóttir 10, Sigrún Albertsdóttir 7, Marín
Karlsd. 4, Hrönn Þorgrímsd. 3, Svava Stefánsd. 3,
Halldóra Andrésd. 3, Telma Ásgeirsdóttir 2.
ÚRSLIT
> KR-stúlkur eru óstöðvandi
Kvennalið KR í körfubolta vann sinn þrettánda leik í röð í
Iceland Express-deild kvenna er sterkt lið Hamars kom í
heimsókn í Vesturbæinn. KR vann öruggan sigur og hefur
unnið alla leiki sína í deildinni. Hamar er í þriðja sæti
deildarinnar með 16 stig en Grinda-
vík er í öðru sæti með 18 stig eftir
sigur á Val sem var nokkuð naumur.
Keflavík gerði góða ferð í Hólminn
og er í fjórða sæti deildarinnar
með 14 stig. Valur er í neðsta sæti
með aðeins 4 stig.
FÓTBOLTI Tvö Íslendingalið voru
í eldlínunni í ensku bikarkeppn-
inni í gærkvöldi. Kári Árnason
og félagar í Plymouth steinlágu
fyrir Newcastle, 3-0, og eru úr
leik. Hann var talsvert meira
spennandi leikur Liverpool og
Reading á Anfield. Íslendingarnir
Gylfi Þór Sigurðsson, Ívar Ingi-
marsson og Brynjar Björn Gunn-
arsson voru allir í byrjunarliði
Reading í leiknum.
Fyrsta mark leiksins kom ekki
fyrr en í uppbótartíma fyrri hálf-
leiks er Ryan Bertrand varð fyrir
því óláni að skora sjálfsmark. 1-
0 fyrir Liverpool og liðið virtist
vera að landa sigri þegar Reading
fékk vítaspyrnu undir lok leiks-
ins. Hana tók íslenski unglinga-
landsliðsmaðurinn Gylfi Þór Sig-
urðsson. Gylfi sýndi stáltaugar,
skoraði úr markinu og tryggði
Reading um leið framlengingu.
Brynjar Björn Gunnarsson
átti allan heiður af öðru marki
Reading í leiknum. Hann fíflaði
tvo varnarmenn Liverpool og gaf
síðan frábæran bolta í teiginn og
Long skallaði boltann í netið.
Mögnuð tilþrif hjá Brynjari.
Þetta reyndist vera sigurmark
leiksins og Reading því komið
áfram. - hbg
Tveir leikir í ensku bikarkeppninni í gærkvöldi:
Reading lagði Liverpool
JÖFNUNARMARKIÐ Gylfi Þór Sigurðsson skorar hér úr vítaspyrnu undir lok venjulegs
leiktíma. Gylfi skoraði af miklu öryggi. NORDIC PHOTOS/GETTY IMAGES
HANDBOLTI Strákarnir okkar kvöddu
í gær áhorfendur í Laugardalshöll
með ágætum sigurleik á Portú-
gal, 37-27, í síðasta heimaleik liðs-
ins áður en Evrópumeistaramótið
hefst í Austurríki í næstu viku.
Það var fyrst og fremst góður
lokakafli í síðari hálfleik sem
skildi á milli liðanna en leikur
íslenska liðsins var mjög kafla-
skiptur. Á stundum voru þeir
portúgölsku spilaðir sundur og
saman en þess á milli náðu gest-
irnir sér að stríða silfurhöfunum
frá Peking.
Fyrri hálfleikur byrjaði ágæt-
lega þó svo að sóknarleikurinn
hefði verið nokkuð stirður í upp-
hafi. Það lagaðist fljótlega og
Ísland var komið í fimm marka
forystu um miðjan hálfleikinn.
Logi Geirsson, sem hefur átt í
meiðslavandræðum, fékk tækifæri
til að spreyta sig og var í byrjunar-
liðinu. Hann spilaði vel fyrir liðið
allt og það eina sem vantaði var að
hann myndi skjóta á markið. Hann
var engu að síður góður þær mín-
útur sem hann fékk að spila en
óvíst hvort það dugir til að fleyta
honum til Austurríkis. Hann bætti
þó fyrir markaleysið í seinni hálf-
leik og skoraði eitt mark.
Ólafur Stefánsson var tekinn
af velli eftir um stundarfjórðung
og virtist þá sóknarleikur Íslands
hrynja – allt flæðið vantaði í sókn-
ina. Strákarnir skutu markvörð
Portúgala, Hugo Figuera, um leið
í gang en hann varði tólf skot í
hálfleiknum og var með 41 pró-
sents markvörslu. Íslensku mark-
verðirnir náðu sér að sama skapi
engan veginn á strik.
Annað áhyggjuefni í fyrri hálf-
leik var hversu auðveldlega Portú-
galar náðu að spila sig í gegnum
íslensku vörnina. Gestirnir skor-
uðu þriðjung marka sinna í hálf-
leiknum af línunni.
Sóknarleikurinn skánaði eftir
því sem leið á og Ísland náði að
tryggja sér tveggja marka for-
ystu áður en flautað var til leik-
hlés, 17-15.
Portúgalar byrjuðu seinni hálf-
leikinn á að skora fyrstu tvö mörk-
in. En íslenska liðið svaraði með
því að skora sex mörk í röð og leit
í raun aldrei um öxl eftir það.
Varnarleikurinn batnaði eftir því
sem á leið seinni hálfleikinn og þá
gengu aðrir þættir íslenska liðsins
um leið miklu betur. Markvarslan
var lítil sem engin lengst af en
Hreiðar Levý hrökk í gang á síð-
asta stundarfjórðungnum og varði
þá oft laglega.
Besti maður Íslands í leiknum
var Guðjón Valur Sigurðsson sem
nýtti færin sín mjög vel. Þá var
gaman að sjá þá reynsluminni leik-
menn sem fengu tækifæri undir
lokin – þeir skiluðu sínu mjög vel
og rúmlega það.
„Sóknarleikurinn var mjög góður
þó svo að við hefðum vannýtt mörg
færi í fyrri hálfleik. En við skoruð-
um 37 mörk og ég get ekki kvartað
undan því,“ sagði Guðmundur Guð-
mundsson landsliðsþjálfari. „Þá
var varnarleikurinn í fyrri hálf-
leik ekki heldur nógu góður. Þeir
náðu að slíta okkur mikið í sundur
og það var ekki fyrr en á síðustu
20 mínútunum að við náðum tökum
á honum.“
Hann var einnig ánægður með
þá sem fengu tækifæri í seinni
hálfleik. „Ég var í raun sáttur við
hvernig liðið spilaði í kvöld. Þeir
gáfu allt í þetta og sýndu þar með
mikinn karakter.“
Guðmundur sagði dýrmætt að
hafa fengið að spila gegn jafn
framliggjandi vörn og Portú-
galar spiluðu í leiknum. „Serbar
munu spila þannig og Danir munu
kannski prófa það líka. Ég held að
ég hafi fengið það sem ég vildi úr
leiknum. Nú þarf ég bara að velja
í hópinn sem fer til Austurríkis og
það verður erfitt.“
eirikur@frettabladid.is
Strákarnir kvöddu með bros á vör
Íslenska landsliðið i handbolta kvaddi íslenska áhorfendur í gær en liðið hefur leik á EM í Austurríki næsta
þriðjudag. Liðið lagði Portúgal með tíu marka mun. Leikurinn var engin flugeldasýning en endaði þó vel.
FYRIRLIÐINN Á FERÐINNI Ólafur Stefánsson sækir hér að marki Portúgala í leiknum í
Laugardalshöll í gærkvöldi. FRETTABLAÐIÐ/ANTON
Guðjón Valur Sigurðsson var ánægður með
sigur sinna manna á Portúgal í gær þótt hann
hefði sagt að margt hefði mátt fara betur í leik
íslenska liðsins.
„Þetta var allt í lagi hjá okkur. Við sköpuð-
um okkur fullt af góðum færum en gallinn var
kannski sá að við misnotuðum mörg þeirra,“
sagði hann. „En ég vona að fólkið hafi séð
hversu gaman við höfðum af þessu og hversu
spenntir við erum fyrir því að spila á EM.“
Hann segir að liðið hafi fengið það sem það
vildi úr leiknum. „Það þarf að hafa það í huga að við
vissum nánast ekkert um andstæðinginn og hann kom
mér á óvart. Þeir voru miklu betur spilandi en ég átti
von á og fannst þeir skipulagðir. Það var mjög gott fyrir
okkur að þeir spiluðu framliggjandi vörn en þannig
munu Serbarnir væntanlega spila,“ sagði hann en Ísland
mun spila við Serbíu í fyrsta leik í Austurríki.
Spurður um varnarleikinn sagði Guðjón Valur að
hann hefði verið mjög kaflaskiptur. „Þeir voru ekki að skora mikið
af mörkum á okkur utan af velli en voru duglegir að finna sér í leið
gegnum vörnina. Það skrifast á okkur. Við vorum óþolinmóðir og
lokuðum svæðunum ekki nógu vel.“
En Guðjón hefur ekki áhyggjur. „Það er sjálfsagt hægt að finna
fullt af vitleysum í okkar leik. Niðurstaðan var þó að við unnum og
spiluðum alveg þokkalega. Ég finn að eftirvæntingin fyrir EM
er mikil, bæði hjá leikmönnum og stuðningsmönnum, og
ég veit að þegar út í alvöruna er komið verður allt klárt. Ég
þarf ekki að sjá allt það besta í okkar fari í æfingaleikjun-
um. Ég veit vel hvað liðið getur.“
Hann nefnir einnig æfingamót í Frakklandi sem
landsliðið spilaði á skömmu fyrir Ólympíuleikana
frægu í Peking. „Þá gekk allt á afturfótunum og maður
vissi ekkert hver staða liðsins var. En kannski er það
bara betra. Þá vita menn að þeir verða að gefa allt
sem þeir eiga á réttum tímapunkti. Ég hef engar
áhyggjur því ég veit að það er nákvæmlega það
sem þeir munu gera í Austurríki.“
GUÐJÓN VALUR SIGURÐSSON: ÉG VEIT AÐ MENN MUNU GEFA ALLT SEM ÞEIR EIGA
Ég sé enga ástæðu til þess að hafa áhyggjur