Fréttablaðið - 26.01.2010, Blaðsíða 34

18 26. janúar 2010 ÞRIÐJUDAGUR
timamot@frettabladid.is
Elskulegur faðir okkar, tengdafaðir, afi
og langafi,
Tryggvi Kristjánsson,
áður til heimilis Mýrarvegi 113,
Akureyri,
lést á Dvalarheimilinu Hlíð miðvikudaginn 20. janúar.
Útför hans fer fram frá Akureyrarkirkju föstudaginn
29. janúar kl. 13.30.
Kristján Tryggvason Sigrún María Guðmundsdóttir
Sigurbjörn Tryggvason Ragnheiður Ragnarsdóttir
Steindór Tryggvason
Helga Tryggvadóttir
María Albína Tryggvadóttir
barnabörn og barnabarnabörn.
Elskulegur eiginmaður minn, faðir,
tengdafaðir, sonur, bróðir og mágur,
Jóhannes Bekk Ingason
kennari, Lambastaðabraut 13,
Seltjarnarnesi,
sem andaðist 21. janúar, verður jarðsunginn frá
Grafarvogskirkju fimmtudaginn 28. janúar kl.
15.00. Þeim sem vilja minnast hans er bent á
Krabbameinsfélag Íslands.
Alda Svanhildur Gísladóttir
Jón Þór Þorleifsson
Ingi Einar Jóhannesson Aðalbjörg Sigurðardóttir
Ingi Einar Jóhannesson
Elvar Guðmundur Ingason Dagný Selma Geirsdóttir
Brynjar Ingason Guðbjörg Ragnheiður Jónsdóttir
Ástkær eiginkona mín, móðir okkar,
tengdamóðir, amma, langamma og systir,
Sigríður Alda
Eyjólfsdóttir
frá Laugardal í Vestmannaeyjum,
Hringbraut 2b, Hafnarfirði,
lést á heimili sínu miðvikudaginn 20. janúar. Útförin
fer fram frá Víðistaðakirkju í Hafnarfirði miðvikudag-
inn 27. janúar kl. 15.00. Blóm og kransar vinsamlegast
afþakkaðir en þeim sem vilja minnast hennar er bent á
Hjartavernd.
Ragnar Hafliðason
Kristín Ósk Kristinsdóttir Vigfús Björgvinsson
Líney Guðbjörg Ragnarsdóttir Arnar Hilmarsson
Ágústa Ragnarsdóttir Jónas Hilmarsson
Óskar Hafliði Ragnarsson Sigríður Líney Lúðvíksdóttir
Ragnar Eyjólfsson
barnabörn og barnabarnabörn.
Kæru ættingjar og vinir. Innilegar
þakkir til ykkar allra sem sýndu okkur
samúð og hlýhug við andlát og útför
okkar ástkæra,
Birgis G. Albertssonar
kennara frá Hesteyri.
Starfsfólki taugalækningadeildar og Grensásdeildar
Landspítalans færum við sérstakar þakkir fyrir góða
umönnun. Guð blessi ykkur öll.
Evlalía Kristín Guðmundsdóttir
Borghildur Birgisdóttir Egill Steinar Gíslason
Guðmundur Albert Birgisson Unnur Jóhannsdóttir
Gunnar Friðrik Birgisson Erla Sesselja Jensdóttir
Guðbjörg Helga Birgisdóttir Ingi Hlynur Sævarsson
barnabörn
Dagný G. Albertsson
Margrét Ólafía Guðmundsdóttir
Oddrún Jónasdóttir Uri
Ástkær eiginmaður minn, faðir, tengda-
faðir, afi og langafi,
Ívar Þórhallsson
húsasmíðameistari, Austurvegi 5,
Grindavík,
andaðist á Heilbrigðisstofnun Suðurnesja fimmtu-
daginn 21. janúar. Hann verður jarðsunginn frá
Grindavíkurkirkju föstudaginn 29. janúar kl. 13.00.
Bestu þakkir til starfsfólks D-deildar fyrir mjög góða
umönnun.
Lovísa Sveinsdóttir
Þórhallur Ágúst Ívarsson Vilborg Norðdahl
Jónína Berglind Ívarsdóttir Hilmar Knútsson
Stefán Ívar Ívarsson Halldóra S. Sveinsdóttir
Aðalbjörg Ívarsdóttir Ívar Þór Guðlaugsson
„Við viljum hefja verklega kennslu til
vegs og virðingar, þar sem við álítum
meðal annars að mikill auður sé fólgin
í því að temja sér verklega kunnáttu,“
segir Ingibjörg Jóhannsdóttir, skóla-
stjóri Myndlistaskólans í Reykjavík,
sem vinnur nú að því að koma af stað
sérhæfðum námsbrautum á háskólastigi
í samvinnu við Tækniskólann – skóla at-
vinnulífsins, fyrirtækið CCP og fata-
hönnuðinn Steinunni Sigurðardóttur.
Að sögn Ingibjargar hefur afturför
orðið til dæmis í teiknikunnáttu síðustu
ár. „Ástæðuna má meðal annars rekja
til þess að teiknikennsla á háskólastigi
er af skornum skammti í landinu. Eftir
að Myndlista- og handíðaskólinn varð
að Listaháskólanum jókst til að mynda
vægi fræðilega hlutans á kostnað þess
verklega. Eftir því sem ég kemst næst
er þriðjungur námsins þar fræðilegur,“
útskýrir hún.
Ingibjörg bendir á að vegna þessar-
ar þróunar sé smám saman að skapast
gjá á milli framboðs og eftirspurnar
eftir verklegu listnámi. „Aldrei hafa
fleiri nemendur verið á listnámsbraut-
um framhaldsskólanna en nú. Að sama
skapi er hér vaxandi eftirspurn eftir
til dæmis teiknurum með tilkomu fyr-
irtækja eins og Kaoz og CPP. Á móti
vantar einhvern til að brúa bilið og
það ætlum við hjá skólunum að gera
með því að bjóða upp á tveggja ára
nám annars vegar í teikningu og hins
vegar í textíl.“
Ingibjörg segir að nemendur vænt-
anlegra námsbrauta muni þurfa að
uppfylla tiltekin inntökuskilyrði. „Ég
geri fastlega ráð fyrir að nemendur
þurfi að hafa útskrifast af listnáms-
brautum framhaldsskólanna. Svo er
spurning hvort þeir skili líka möppu
með verkum sínum. Þannig er metin
raunveruleg færni viðkomandi aðila.“
Áhersla verður lögð á sterk tengsl
milli skólanna tveggja og atvinnu-
lífsins að sögn Ingibjargar. „Þetta er
auðvitað á ákveðnu frumstigi en við
höfum verið í hugmyndavinnu með
CCP vegna teikninámsins og Stein-
unni Sigurðardóttur fatahönnuð vegna
náms í textíl. Svo ætlum við að þróa
kennsluna í takt við atvinnulífið, til
dæmis með hliðsjón af því hvort eftir-
spurn er eftir almennri eða sértækri
verkunnáttu.“
Ingibjörg bætir við að nemendum
gefist að auki kostur á að ljúka námi
við erlenda listaháskóla, meðal ann-
ars í Noregi, Danmörku og Skotlandi.
„Eftir tvö ár við okkar skóla geta þeir
stefnt á atvinnumarkaðinn eða sérhæft
sig með námi við erlenda listaháskóla
sem við erum í samstarfi við.“
roald@frettabladid.is
MYNDLISTASKÓLINN Í REYKJAVÍK: UNDIRBÝR DIPLÓMANÁM Í TEIKNINGU OG TEXTÍL
Í samstarf við Steinunni og CCP
NÁM Í HAUST „Eftir allt gengur eftir verður auglýst eftir nemendum í apríl næstkomandi sem geta þá hafið nám við skólana næsta haust,“ segir
Ingibjörg, um væntanlegt diplómanám í teikningu og textíl. FRÉTTABLAÐIÐ/GVA
BJARNI BENEDIKTSSON FÆDDIST
ÞENNAN DAG ÁRIÐ 1970.
„Ég er eins og skyr, ég er mjög
hrærður.“
Þetta hafði Bjarni Benediktsson
að segja þegar hann var kjör-
inn formaður Sjálfstæðisflokks-
ins á landsfundi flokksins 29.
mars 2009. Bjarni er lögfræðing-
ur að mennt og leiðtogi flokksins
í Suðvesturkjördæmi frá árinu
2009.
MERKISATBURÐIR
1340 Játvarður III. Englands-
konungur lýstur konungur
Frakklands.
1531 Jarðskjálfti skekur Lissa-
bon, þúsundir farast.
1788 Fyrsta nýlenda Evrópu-
manna í Ástralíu stofnuð,
fanganýlendan, sem síðar
hlýtur nafnið Sydney.
1866 Ísafjörður fær kaupstað-
arréttindi. Þá búa þar 220
manns.
1906 Verkamannafélagið Dags-
brún í Reykjavík stofnað.
1953 Netendasamtökin stofn-
uð.
1965 Hindí verður opinbert
tungumál Indlands.
1970 Handknattleiksfélag
Kópavogs stofnað.
2009 Geir Haarde slítur stjórn-
arsamstarfi við Samfylk-
ingu.
Íslensk kvenréttindahreyfing í Reykjavík átti sitt
upphaf þegar Hið íslenska kvenfélag var stofnað á
þessum degi árið 1894.
Félagið var það fyrsta hérlendis sem hafði
kvenréttindi á stefnuskrá sinni. Í lögum félagsins
segir meðal annars orðrétt: „Tilgangur félagsins er
sérstaklega að auka réttindi kvenna á Íslandi og
að gæða áhuga þeirra fyrir því að gæta fenginna
réttinda og hagnýta sér þau, ennfremur að efla
menningu kvenna með samtökum og félagsskap.“
Helsta og janframt fyrsta baráttumál félagsins
var að tryggja íslenskum konum aðgang að æðri
menntastofnun með stofnun háskóla á Íslandi.
Þess má geta að Þorbjörg Sveinsdóttir 1827-
1903) ljósmóðir var aðalhvatamaðurinn að stofn-
un félagsins. Hún var gjaldkeri í fyrstu stjórn þess
en tók svo við formennsku árið 1897 og gegndi
henni til dauðadags
Heimild: www.fjallkonan.is og gardur.is.
ÞETTA GERÐIST: 26. JANÚAR 1894
Hið íslenska kvenfélag stofnað
UPPHAFIÐ Hið íslenska kvenfélag var fyrsti vísirinn
að íslensku kvenréttindahreyfingunni. Hér sjást
rauðsokkur í kröfugöngu 1. maí 1973.