Fréttablaðið - 29.01.2010, Side 23

FÖSTUDAGUR 29. janúar 2010 3
„Hingað kemur fjölbreyttur hópur
fólks, allt frá iðnaðarmönnum til
ráðherra og rektora,“ segir Sig-
urður Jónas Eysteinsson, eigandi
Núðluskálarinnar á Skólavörðustíg
8, þegar blaðamaður stelur honum
stundarkorn frá súpupottunum.
Sigurður opnaði Núðluskálina í
nóvember síðastliðnum en hafði
verið með hugmyndina að staðn-
um í maganum í fjölda ára. Fyrir
rúmu ári var stefna hans í lífinu
þó allt önnur en sú að gerast súpu-
kokkur.
„Ég var að vinna sem ráðgjafi
hjá Capacent ráðningum og var
nýtekinn við nýju starfi sem sér-
fræðingur í ráðningum erlendra
sérfræðinga, aðallega í banka-
geirann. Í október 2008 var þeirri
vinnu sjálfhætt,“ segir Sigurður
glettinn.
Í framhaldi af hruninu ákváðu
hann og maður hans, Kristj-
án Hannesson, að setja til hlið-
ar peninga í sjóð sem þeir ætluðu
að grípa til ef stefnan yrði sett út
fyrir landsteinana, sumsé hálf-
gerðan landflóttasjóð. „Á sama
tíma vorum við þó að velta fyrir
okkur öðrum möguleikum. Ég
hafði til dæmis í fimmtán ár beðið
eftir því að einhver myndi opna
núðlubar og velt fyrir mér hvern-
ig ég myndi útfæra slíkan stað,“
segir Sigurður. Hann tók síðan
að sér kennslu í prismanámi og í
þeirri skapandi orku sem þar ríkti
ákvað hann að útfæra núðlubars-
hugmyndina fyrir alvöru.
Í Núðluskálinni eru aðeins í
boði soðnar núðlur. „Hér er ekk-
ert brasað, aðeins fersk og saðsöm
hollusta,“ segir Sigurður glaðlega
en hann sækir bragðheiminn til
Taílands þar sem hann var skipti-
nemi átján ára gamall. Hugmynd-
ina að framsetningu matarins
sækir hann hins vegar til Hong
Kong.
Sigurður stendur sjálfur yfir
pottunum en fær hjálp frá eigin-
manninum á kvöldin. Hann eldar
fjölbreyttar súpur, sumar aðeins
með grænmeti en aðrar með kjúkl-
ingi og kalkúnabollum. „Kjötinu
má svo alltaf skipta út fyrir tófú
og þannig henta allir réttirnir
grænmetisætum,“ segir Sigurður
súpukokkur. solveig@frettabladid.is
Landflóttasjóðurinn var
notaður í Núðluskálina
Þegar Sigurður Jónas Eysteinsson missti starfið haustið 2008 stefndi hugur hans til útlanda. Hins vegar
varð gömul hugmynd um núðlubar til þess að breyta fyrirætlunum hans.
EL BULLI, spænski veitingastaður-
inn, sem hefur margsinnis verið valinn
sá besti í heimi, verður lokaður í tvö ár
frá og með 2012. www.freisting.is
Sigurður gæðir sér á girnilegri núðlusúpu í Núðluskálinni á Skólavörðustíg.
FR
ÉT
TA
B
LA
IÐ
/A
N
TO
N
Vínsmakkarinn er vefsíða sem
Stefán Guðjónsson og Sævar Már
Sveinsson halda úti. Þar eru þeir
með vínumfjöllun, smökkun og
fróðleik.
www.smakkarinn.is
Í tilefni áttræðisafmælis Hótels Borgar býður Silfur upp á
tilboðsmatseðil með ljúffengum afmælisréttum þar sem
val er milli tveggja forrétta og tveggja aðalrétta og endað á
578 2008
EINSTAKT KVÖLD
Á GRILLINU
Ljúffengur matur og víðáttumikið
útsýni gera kvöldið einstakt.