Fréttablaðið - 04.02.2010, Blaðsíða 12
12 4. febrúar 2010 FIMMTUDAGUR
EVRÓPUMÁL Margt er líkt með
Svíum og Íslendingum í afstöðu
íbúa landanna til Evrópusam-
starfs. Ulf Dinkelspiel, fyrrver-
andi Evrópumálaráðherra og
aðalsamningamaður Svíþjóðar í
aðildarviðræðunum landsins við
Evrópusambandið (ESB), seg-
ist hafa verið minntur á þetta
þegar hann sá niðurstöður skoð-
anakönnunar hér um afstöðu til
aðildar að ESB. Allt fram á síð-
ustu metra aðildarviðræðna og að
kynningu samnings í Svíþjóð hafi
þar mælst fleiri á móti aðild en
með henni.
„Við vorum oft skrefi á eftir
nágrannaþjóðunum hvað Evr-
ópusambandið varðar,“ sagði Ulf
í erindi sem hann flutti í Norræna
húsinu fyrir skömmu og vísaði til
þess að Þegar Bretland, Írland og
Danmörk gengu í sambandið árið
1972 þá hafi Svíar látið nægja frí-
verslunarsamning við ESB. Nú
segir Ulf að Svíar hafi dregist
aftur úr á ný, með því að hafa ekki
ennn tekið upp evru í stað sænsku
krónunnar. Um leið er han n þess
fullviss að Svíar taki upp evruna
og að fyrir því sé nú meirihluta-
fylgi í landinu. „Sjálfstæði þjóð-
arinnar krefst þess ekki að haldið
sé í sveiflugjarnan og óstöðug-
an gjaldmiðil,“ sagði hann í lok
fundar á þriðjudaginn.
Hann hefur nýverið lokið við
gerð bókarinnar Evrópubúinn
ófúsi (Den motvillige europén eða
The Reluctant European). Í henni
fer hann yfir aðdraganda og aðild-
arferli Svíþjóðar í Evrópusam-
bandið. Ráðandi þættir í ákvörð-
un Svía segir hann eins eiga við
hér á landi. Eftir fall múrsins í
byrjun tíunda áratugarins hafi
hlutleysissjónarmið ekki lengur
átt við vegna utanríkissamskipta
Svíþjóðar við Austrið og Vest-
rið. Þá hafi legið fyrir að Svíar,
líkt og Íslendingar nú, tækju
yfir bróðurpart löggjafar ESB,
vegna samningsins um Evrópska
efnahagssvæðið (EES), án þess að
hafa nokkur áhrif á þá lagasetn-
ingu. „Innganga var í raun spurn-
ing um að efla fullveldið,“ sagði
hann.
Ulf Dinkelspiel segir engan
vafa á að Íslendinga bíði hörð
samningalota við Evrópusam-
bandið vegna aðildarumsóknar-
innar. Reynsla hans hafi samt
verið sú að aðildarsamningar við
sambandið hafi verið mun auð-
veldari en EES-samningarnir.
„Þar var verið að sveigja ESB
inn á nýja slóð. Í aðildarviðræð-
unum höfðum við þegar tekið upp
bróðurpartinn af löggjöfinni og í
raun að gangast inn á reglur sem
búið var að móta.“
Um leið sagði hann lykilatriði
að umsóknarferlið og allir flet-
ir þess séu opnir og gagnsæir
þannig að fólk geti á öllum tímum
vegið og metið kostina og samn-
inginn sem fyrir liggi. „Við tókum
raunsæa afstöðu í að kynna samn-
inginn. Í ESB bíður ekki himna-
ríki og það verður ekkert helvíti
að standa utan, sagði ég gjarnan,
en bætti um leið við að mat mitt
væri að kostirnir við aðild væru
mun meiri en ókostirnir.“
olikr@frettabladid.is
Aðild að ESB efldi fullveldið
Ulf Dinkelspiel, fyrrum Evrópumálaráðherra og aðalsamningamaður Svía í viðræðum við ESB, segir bæði Ís-
lendinga og Svía trega í taumi í Evrópumálum. Svíar vilji kasta sænsku krónunni. Veik mynt styðji ekki fullveldi.
Ulf Dinkelspiel hefur gegnt lykilhlutverki í samningamálum Svíþjóðar á löng-
um ferli sem embættis- og stjórnmálamaður. Reynsla hans í þeim efnum
er sögð meiri en nokkur annar getur státað af þar í landi, sé jafnvel einstök í
Evrópu. „Hann vann að samningaviðræðunum um Evrópska efnahagssvæð-
ið á sínum tíma en þá var hann ráðuneytisstjóri í viðskiptaráðuneyti Svíþjóð-
ar. Dinkelspiel sinnti síðan embætti Evrópumálaráðherra frá árinu 1990 til
1993. Aðildarviðræðurnar við Evrópusambandið stóðu síðan yfir frá 1992 til
1994 en Dinkelspiel var aðalsamningamaður Svíþjóðar enda Evrópumála-
ráðherra og síðar einnig viðskiptaráðherra á þessum tíma. Þá var hann í for-
svari fyrir Evrópuhreyfinguna í landinu þegar að þjóðaratkvæðagreiðslunni
kom haustið 1994. Dinkelspiel hefur að auki nær fjögurra áratuga reynslu í
sænsku utanríkisþjónustunni,“ segir í kynningu Alþjóðamálastofnunar og
Rannsóknaseturs um smáríki á Dinkelspiel, en þessar stofnanir, ásamt
sænska sendiráðinu, stóðu fyrir fundinum með honum.
STUTT ÁGRIP UM ULF DINKELSPIEL
Í NORRÆNA HÚSINU Húsfyllir var á fyrirlestri Ulfs Dinkelspiel, fyrrverandi Evrópumálaráðherra Svía og aðalsamningamanns lands-
ins í viðræðum við Evrópusambandið (ESB), í Norræna húsinu fyrir rúmri viku. FRÉTTABLAÐIÐ/VALLI
VELFERÐARMÁL Um þrjátíu sveitar-
félög sóttu um styrki í tengsl-
um við átak til að efla stuðnings-
og nærþjónustu fyrir langveik
börn og börn með ofvirkni og
athyglisbrest.
Alls var sótt um styrki fyrir
um 80 verkefni.
Þrjú ráðuneyti, félags- og
tryggingamála, heilbrigðis- og
mennta- og menningarmála-
ráðuneyti, standa að átakinu,
ásamt Sambandi íslenskra
sveitarfélaga.
Markmið átaksins er sagt vera
að tryggja þjónustu í samræmi
við þarfir barnanna og fjölskyld-
ur þeirra, óháð því hvar hún er
flokkuð í stjórnkerfinu. Verið er
að fara yfir úthlutanir og ákvarð-
anir verða kynntar um leið og
þær liggja fyrir. - kóp
Mikill áhugi á styrkjum:
Þjónusta við
langveik börn
SAMFÉLAGSMÁL Íslensk stjórnvöld
hafa gert samstarfssamning um
ættleiðingar frá Filippseyjum til
Íslands. Félagið Íslensk ættleiðing
hefur fengið löggildingu til að hafa
milligöngu um ættleiðingarnar,
segir Hörður Svavarsson, formaður
félagsins.
„Landið er ekki mjög stórt ætt-
leiðingarland, en það væri líka rangt
að segja að ættleiðingar þaðan séu
fátíðar,“ segir Hörður.
Nokkrir tugir barna frá Filipps-
eyjum hafa verið ættleidd í Evrópu
á ári hverju undanfarið. Skilyrði um
lágmarksaldur eru heldur rýmri þar
í landi en annars staðar, og þurfa
væntanlegir kjörforeldrar að vera
27 ára eða eldri. Biðtími eftir barni
er svipaður og hjá öðrum samstarfs-
löndum Íslenskrar ættleiðingar, um
þrjú ár.
Íslensk ættleiðing er með lög-
gildingu til ættleiðingar barna frá
Kína, Kólumbíu, Indlandi, Tékk-
landi, Makedóníu og Nepal.
Félagið taldi sig vera með sams
konar löggildingu vegna Taílands,
en í ljós hefur komið að íslensk
stjórnvöld þurfa að gera nýjan sam-
starfssamning við taílensk stjórn-
völd til þess að hægt sé að ættleiða
börn þaðan til Íslands, að því er
fram kemur á vef félagsins.
Um 100 íslensk pör og um þrjá-
tíu einstæðar konur bíða þess nú að
geta ættleitt börn. Ættleiðingar inn-
anlands eru afar fátíðar, og þurfa
væntanlegir kjörforeldrar því að
leita út fyrir landsteinana. - bj
Íslensk stjórnvöld hafa gert samstarfssamning um ættleiðingar frá Filippseyjum:
Tugir barna til Evrópu á ári
BÖRN Ástandið á munaðarleysingjahæl-
um er víða afar erfitt. NORDICPHOTOS/AFP
ÖRYGGISMÁL Sveitarstjórn Mýrdalshrepps vill að lega
á fyrirhuguðum sjóvarnargarði við Vík verði endur-
skoðuð.
Að sögn sveitarstjórnarinnar kemur fram í nýrri
greinargerð verkfræðistofunnar Mannvits fyrir Mýr-
dalshrepp að Siglingastofnun og Vegagerðin hafi ekki
metið nýja veglínu og sjóvörn út frá þjóðhagslegum
hagsmunum. Hvor stofnunin um sig hafi aðeins horft
til sinna þátta. Færa þurfi sjóvarnargarðinn utar en
Siglingastofnun geri ráð fyrir. „Það er í samræmi við
sjónarmið Landgræðslunnar sem hefur haldið fram
þeim sjónarmiðum að sjóvarnargarður þurfi að vera
sem lengst frá byggðinni þannig að unnt verði að
hemja sandrok sem óhjákvæmilega má eiga von á úr
fjörunni við viss veðurskilyrði,“ segir sveitarstjórnin.
Mýrdælingar hafa lengi bent á mikið landbrot sem
ógni byggðinni í Vík. Eins og fram hefur komið hefur
Alþingi nú samþykkkt 100 milljóna króna framlag í
gerð 730 metra varnargarðs. Ekki er gert ráð fyrir
garðinum í aðalskipulagi Mýrdalshrepps en sveitar-
stjórnin vonast til að breytingar á skipulaginu gangi í
gegn nú í febrúar. Heimamenn gera athugasemdir við
fleira en legu garðsins. „Ekki er að sjá að gert sé ráð
fyrir útsýnispöllum, gönguleiðum, bakkavörnum og
frárennslisútrás við Víkurá,“ segir sveitarstjórnin. - gar
Heimamenn ósáttir við áætlaða legu fyrirhugaðs sjóvarnargarðs við Vík:
Varnargarðurinn verði utar
VIÐ VÍK Í MÝRDAL Siglingastofnun áætlar nýjan sjóvarnargarð
þrjátíu metra frá íþróttavellinum í Vík. Heimamenn vilja garð-
inn utar til að hefta betur sandrok. FRÉTTABLAÐIÐ/GVA
FÉLAGSMÁL Stúdentafélag HR og
Stúdentaráð HÍ afhentu stjórn
Krafts, félags ungs fólks sem
greinst hefur með krabbamein,
styrk sem safnaðist á góðgerða-
knattspyrnuleik skólanna í Kórn-
um fyrr í vetur. Samtals söfnuð-
ust rúmlega 300 þúsund krónur.
Kraftur og stúdentahreyfing-
arnar vilja þakka öllum þeim
sem lögðu hönd á plóg og tóku
þátt í þessum fyrsta opinbera
góðgerðaleik skólanna. - shá
Sparkað til stuðnings:
Stúdentafélög
styrkja Kraft
STYRKUR AFHENTUR Afhending styrks til
stjórnar Krafts fór fram á veitingastaðn-
um Nauthól.
Tvær kannabisræktanir
Lögreglan á höfuðborgarsvæðinu
fann um 25 kannabisplöntur við hús-
leit í fjölbýlishúsi í Hafnarfirði í fyrra-
dag. Í íbúð í fjölbýlishúsi í Breiðholti
fundust 30 plöntur auk græðlinga.
LÖGREGLUFRÉTTIR
VIÐSKIPTI Fyrirtækið Kraftvélar
er tekið til starfa á ný. Það var
lýst gjaldþrota 20. janúar. Tveim-
ur dögum síðar var það auglýst til
sölu og síðan var selt úr þrotabú-
inu 25. janúar. Fyrrverandi eig-
andi keypti nafnið og lausamuni.
Reynir Kristinsson lögmaður,
sem kom að skiptunum fyrir
hönd Landsbankans, segir ferlið
eðlilegt. Mikilvægt geti verið að
klára svona mál fljótt, bæði fyrir
starfsfólk og viðskiptavini. Með
í kaupunum hafi fylgt skuldbind-
ingar við starfsfólk.
Lager fyrirtækisins var ekki
seldur, heldur leysti Landsbank-
inn hann til sín. - kóp
Selt úr þrotabúi Kraftvéla:
Kraftvélar í
rekstur á ný
HYLUR ANDLIT SITT Benedikt páfi tók
þátt í bænahaldi í Péturskirkjunni í
Róm á þriðjudag og brá þá meðal
annars þessum forláta oblátubuðki
fyrir andlit sér. FRÉTTABLAÐIÐ/AP
DÓMSMÁL Karlmaður á þrítugs-
aldri hefur verið dæmdur í 100
þúsund króna sekt vegna líkams-
árásar. Þá er hann dæmdur til að
greiða þeim sem hann réðst á 200
þúsund krónur.
Maðurinn var ákærður fyrir
að hafa veist að öðrum manni
fyrir utan skemmtistaðinn Nasa
í Reykjavík og skallað hann í
andlitið. Fórnarlambið hlaut
töluverða áverka, meðal annars
brotnuðu tvær tennur.
Árásarmaðurinn kannaðist
við að hafa skallað hinn í ennið
en ekki í andlitið. Hann á fjögur
fíkniefnabrot að baki og einn
fangelsisdóm. - jss
Karlmaður á þrítugsaldri:
Sekt og skaða-
bætur eftir árás
NASA VIÐ AUSTURVÖLL Dómur er fallinn
vegna líkamsárásar sem átti sér stað
fyrir utan skemmtistaðinn Nasa.
FRÉTTABLAÐIÐ/ANTON