Fréttablaðið - 04.02.2010, Blaðsíða 64

48 4. febrúar 2010 FIMMTUDAGUR
sport@frettabladid.is
> Ísland féll um tvö sæti á heimslista FIFA
Íslenska karlalandsliðið í fótbolta er í 94. sæti á nýjum
heimslista sem Alþjóðaknattspyrnusambandið FIFA birti
í dag. Ísland féll þar með um tvö sæti en landsliðið var í
92. sæti á listanum þar á undan sem
birtist um miðjan desember. Litlar
breytingar voru á tíu efstu sætunum
að þessu sinni fyrir utan það að
Egyptaland er komið í tíunda sæti á
listanum eftir sigur í Afríkukeppn-
inni en landsliðið var áður í 24.
sæti.
HANDBOLTI Viggó Sigurðsson er
mættur aftur í slaginn en hann
var í gær ráðinn þjálfari 1. deild-
arliðs ÍR.
Viggó hefur verið án vinnu
síðan Fram rak hann úr starfi
fyrir áramót en hvorki gekk né
rak hjá Frömurum undir stjórn
Viggós og situr það á botni N1-
deildarinnar.
Það er verk að vinna fyrir
Viggó hjá ÍR en ÍR situr í fimmta
sæti deildarinnar en aðeins eru
sjö lið í deildinni.
Viggó tekur við starfinu af
Andrési Gunnlaugssyni sem
hætti skömmu fyrir síðustu
mánaðamót. - hbg
ÍR-ingar fá nýjan þjálfara:
Viggó tekur við
1. deildarliði ÍR
REYNIR AFTUR Viggó hefur fært sig niður
um deild. FRÉTTABLAÐIÐ/ANTON
HANDBOLTI Arnór Atlason átti þátt
í flestum mörkum íslenska lands-
liðsins á Evrópumótinu í Austur-
ríki sem lauk um helgina.
Arnór kom að 11,3 mörkum
að meðaltali í leik og varð þar
með aðeins annar leikmaður-
inn á eftir Ólafi Stefánssyni sem
nær því að koma að tíu mörkum
að meðaltali í úrslitakeppni
Evrópumótsins.
Arnór skoraði 41 mark og gaf
49 stoðsendingar í 8 leikjum
íslenska landsliðsins á EM sem
gera 5,1 mark og 6,1 stoðsend-
ingu að meðaltali í leik. Þetta
er þriðji besti árangur íslensk
leikmanns á EM en met Ólafs
Stefánssonar er frá því að hann
kom að 15,3 mörkum í leik á EM
í Sviss 2006. Ólafur var líka með
hærra meðaltal á bæði EM 2002
(14,0) og á EM 2004 (13,3). Þetta
var sjötta Evrópumótið í röð þar
sem Ólafur á þátt í tíu íslenskum
mörkum að meðaltali í leik.
Ólafur Stefánsson átti enn á
ný flestar stoðsendingar á mót-
inu (54) en 28 þeirra voru fyrir
langskot og 23 þeirra á Arnór
Atlason. Arnór gaf hins vegar
langflestar frísendingar, eða 42,
þar af 21 af þeim inn á línu.
Arnór átti flestar stoðsendinga
sinna á Róbert Gunnarsson (17)
og Guðjón Val Sigurðsson (15) en
hann átti síðan fimm stoðsend-
ingar á Ólaf Stefánsson. - óój
Arnór Atlason átti þátt í 11,3 mörkum að meðaltali á Evrópumótinu í handbolta í Austurríki:
Kominn í flokk með Ólafi Stefánssyni
ÞÁTTUR Í FLESTUM
MÖRKUM Í LEIK Á EM:
Ólafur Stefánsson, EM 2006 15,3
Ólafur Stefánsson, EM 2002 14,0
Ólafur Stefánsson, EM 2004 13,3
Arnór Atlason, EM 2010 11,3
Ólafur Stefánsson, EM 2010 10,8
Ólafur Stefánsson, EM 2008 10,3
Ólafur Stefánsson, EM 2000 10,0
Snorri Steinn Guðjónss., EM 2006 9,7
ÞÁTTUR Í MÖRKUM
ÍSLANDS Á EM 2010:
Arnór Atlason 11,3
(41 mark + 49 stoðsendingar)
Ólafur Stefánsson 10,8
(32 mörk + 54 stoðsendingar)
Guðjón Valur Sigurðsson 6,3
(39 mörk + 11 stoðsendingar)
Snorri Steinn Guðjónsson 5,8
(35 mörk + 11 stoðsendingar)
90 MARKA MAÐUR Arnór Atlason átti
þátt í 90 af 248 mörkum Íslands á
EM. FRÉTTABLAÐIÐ/DIENER
HANDBOLTI Aron Pálmarsson
stimplaði sig inn í íslenska karla-
landsliðið með frábærri frammi-
stöðu á nýloknu Evrópumeistara-
móti í Austurríki og innkoma hans
í lokaleik riðilsins á móti Dönum
átti mikinn þátt í að breyta örlög-
um liðsins í keppninni. Aron er
aðeins 19 ára gamall og á sínu
fyrsta stórmóti og það er því fróð-
legt að bera hann saman við félaga
hans í bronsliðinu þegar þeir stóðu
í sömu sporum á sínu fyrsta stór-
móti fyrir mismörgum árum.
Framganga Arons Pálmarssonar
á móti fráfarandi Evrópumeistur-
um Dana og á móti heims-, Ólymp-
íu- og Evrópumeisturum Frakka
vakti vissulega mesta athygli
enda tók þessi 19 ára strákur þá
af skarið á móti tveimur af bestu
þjóðum heims. Aron skoraði 11
mörk úr 20 skotum á móti tveim
af bestu markvörðum heims (Thi-
erry Omeyer og Kasper Hvidt) og
endaði sitt fyrsta mót með 19 mörk
úr 39 skotum (49 prósent) sem gera
2,4 mörk að meðaltali í leik. Með
því sló Aron við öðrum lykilmönn-
um íslenska landsliðsins í dag.
Fyrsta stórmót Ólafs Stefánssar
var HM á Íslandi 1995 þegar hann
var 21 árs gamall. Ólafur skor-
aði 11 mörk í 7 leikjum (1,6 í leik)
en besta leikinn átti hann í sigri
á Túnis þar sem hann skoraði 4
mörk úr 4 skotum.
Guðjón Valur Sigurðsson var
fyrst með á EM í Króatíu 2000 en
hann hafði komið fyrst inn í lands-
liðið aðeins mánuði fyrr. Guðjón
Valur var ekki í hópnum í fyrstu
tveimur leikjunum en var með
frá þriðja leik. Guðjón Valur skor-
aði 1,8 mörk að meðaltali í fjór-
um leikjum en kom aðeins inn á í
tveimur síðustu leikjunum þar sem
hann skoraði 7 mörk úr aðeins 9
skotum.
Snorri Steinn Guðjónsson og
Róbert Gunnarsson voru í hálf-
gerðu kynningarhlutverki á sínum
fyrstu mótum. Snorri Steinn fór á
sitt fyrsta mót 21 árs gamall þegar
hann var valinn í HM-hópinn í
Portúgal árið 2003. Snorri fékk þó
bara að vera með í hópnum í einum
leik og kom aldrei inn á völlinn í
honum. Fyrsta raunverulega mót
hans var því EM ári seinna þar
sem hann skoraði 4,0 mörk að
meðaltali í leik.
Róbert fór fyrst 23 ára gamall
á EM í Slóveníu 2004 en fékk bara
að vera með í hópnum í einum leik
og kom þá inn á í tæpar 3 mínútur.
Fyrsta raunverulega mót hans var
því HM í Túnis ári seinna þar sem
hann skoraði 3,8 mörk að meðaltali
í leik.
Alexander Petersson kom seint
inn í íslenska landsliðið þar sem
hann varð ekki löglegur fyrr en á
HM í Túnis 2005. Alexander var þá
24 ára gamall og skoraði 3,6 mörk
að meðaltali í leik.
Arnór Atlason var eins og Alex-
ander fyrst með á HM í Túnis 2005
en Arnór var þá aðeins 20 ára gam-
all. Arnór kom við sögu í fjórum af
fimm leikjum og skoraði 1,8 mörk
að meðaltali í leik.
Á þessu má sjá að Aron slær
félögum sínum í bronsliðinu við
bæði hvað varðar aldur og marka-
skor. Það verður því athyglisvert
að sjá hvort hlutverk hans vaxi enn
frekar þegar ósýnilegi „nýliða-
bragurinn“ verður ekki á honum
lengur. ooj@frettabladid.is
Hanagal frá kjúklingi bronsliðsins
Hinn 19 ára Aron Pálmarsson stóð sig einstaklega vel á Evrópumótinu í Austurríki. Hann er með betri ár-
angur en félagar hans í bronsliðinu náðu á sínum fyrstu mótum með landsliðinu fyrir mismörgum árum.
FRÁBÆR FRUMRAUN Aron Pálmarsson í leik á EM í Austurríki. FRÉTTABLAÐIÐ/DIENER
Ólafur Stefánsson HM 1995
21 árs 1,6 mörk í leik
Mest 4 mörk á móti Túnis
Guðjón Valur Sigurðsson EM 2000
20 ára 1,8 mörk í leik
Mest 5 mörk á móti Slóveníu
Snorri Steinn Guðjónsson HM 2003
21 árs 0 mörk
Kom ekki inn á
Róbert Gunnarsson EM 2004
23 ára 0 mörk
Lék í 3 mínútur samtals
Arnór Atlason HM 2005
20 ára 1,4 mörk í leik
Mest 3 mörk á móti Slóveníu
Aron Pálmarsson EM 2010
19 ára 2,4 mörk í leik
Mest 6 mörk á móti Frakklandi
FYRSTU STÓRMÓT MARKAHÆSTU LEIKMANNANNA Í BRONSLIÐINU Á EM Í Í AUSTURRÍKI
FÓTBOLTI Sky-fréttastofan sagðist
hafa heimildir fyrir því í gær
að ekki kæmi til greina af hálfu
Johns Terry að afsala sér fyrir-
liðatign enska landsliðsins í kjöl-
far kynlífshneykslisins sem tröll-
ríður öllu.
Terry mun hitta Fabio Capello,
landsliðsþjálfara Englands, á
morgun og þar munu þeir fara
yfir málið.
Hávær umræða er um það á
Englandi að ekki sé stætt á því að
Terry fari fyrir enska landslið-
inu á HM í Suður-Afríku næsta
sumar.
Enska knattspyrnusambandið
hefur gefið það út að ákvörðun
í málinu sé alfarið á herðum
Capellos. Hann einn ráði ferð í
þessu máli. Capello hefur stað-
fest að hafa kynnt sér málið en
vill að öðru leyti ekki tjá sig. - hbg
John Terry:
Neitar að hætta
sem fyrirliði
KR-ingar og Grindvíkingar hafa marga hildina háð á síðustu
árum í körfuboltanum en liðin mætast í enn einum hörku-
leiknum í Iceland Express-deild karla í Röstinni í Grindavík kl.
19.15 í kvöld. Íslandsmeistarar KR sitja sem stendur á toppi
deildarinnar með sex stigum meira en Grindvíkingar sem eru
í sjötta sæti. KR-ingar hafa enn fremur fengið mikinn liðstyrk
frá síðasta leik sínum í deildinni þar sem landsliðsmaður-
inn Pavel Ermolinski spilar sinn fyrsta leik fyrir Vest-
urbæjarfélagið í kvöld en hann kom til KR á láni frá
spænska félaginu Caceres.
„Ég kom bara til landsins rétt fyrir helgi og hef
bara verið á fullu við að reyna að koma mér eins
vel inn í málin hjá KR og ég mögulega get. En öll
umgjörð og allt svoleiðis er til fyrirmyndar hjá
félaginu þannig að þetta verður bara gaman,“
segir Pavel í viðtali við Fréttablaðið.
Pavel er 23 ára gamall og 203 sentimetra leik-
stjórnandi og hefur leikið á Spáni síðan árið 2003
en áður lék hann með Skallagrími og ÍR hér á landi.
Pavel kveðst ekki gera sér almennilega grein fyrir því hvernig deildin
á Íslandi sé samanborið við það sem hann kynntist á Spáni en er
vongóður á að allt gangi vel.
„Það er dálítið erfitt að ímynda sér hvað maður kemur til með
að kljást við þar sem það eru einhver sex eða sjö ár síðan ég
spilaði síðast á Íslandi en ég er bara spenntur að sjá hvernig þetta
verður. Ég hef samt auðvitað fylgst vel með hvað er að gerast
í deildinni hér heima síðan ég fór út því maður á marga
félaga sem hafa verið að spila hér en þetta er alltaf
öðruvísi þegar maður kemur inn á völlinn. Ég veit svo
sem ekki alveg hvernig Palli þjálfari vill stilla þessu upp
en ég á þó von á því að spila í hlutverki leikstjórnanda.
Það verður annars bara að koma í ljós. Ég vonast alla
vega bara til þess að fá meira frelsi til þess að spila
minn leik en ég fékk ef til vill á Spáni og fari þannig að
hafa aftur gaman að því að spila körfubolta. Ég ætla
að nýta þetta tækifæri til þess að finna mig aftur sem
leikmann, hafa gaman og vinna að sjálfsögðu,“ segir
Pavel að lokum.
PAVEL ERMOLINSKI: SPILAR SINN FYRSTA LEIK MEÐ KR Í KVÖLD Í HÖRKULEIK GEGN GRINDAVÍK Í RÖSTINNI
Ætla að nýta þetta tækifæri til að finna mig aftur