Fréttablaðið - 04.02.2010, Blaðsíða 66

50 4. febrúar 2010 FIMMTUDAGUR
HANDBOLTI Það verður ekkert af því
að stórskyttan Sigurbergur Sveins-
son gangi í raðir þýska stórliðsins
Flensburg líkt og greint var frá á
dögunum.
„Það er svolítið síðan að þetta
datt upp fyrir. Fréttir af því að ég
væri nánast kominn út voru dálít-
ið orðum auknar. Þetta fór aldrei
á neitt alvarlegt stig,“ sagði Sig-
urbergur en hann fór utan að æfa
með liðinu í desember, gekk vel og
vakti áhuga félagsins á sér. Ein-
hverjar viðræður virðast hafa
orðið í kjölfarið en þær fjöruðu
fljótt út.
Var þá talað um að Flensburg
vildi fá Sigurberg strax til félags-
ins sem var staða sem Haukar
áttu erfitt með að sætta sig við
enda mikilvægasti tími tímabils-
ins eftir.
„Það er alveg ljóst núna að ég
klára tímabilið með Haukum. Það
er spennandi mánuður fram undan
hjá okkur þar sem við erum að
spila í Evrópukeppninni og bikarn-
um. Þetta verður bara gaman og ég
er ekkert að velta mér upp úr því
að þetta mál hafi ekki gengið upp,“
sagði Sigurbergur sem hefur samt
ekki gefið atvinnumannadrauminn
upp á bátinn.
„Ég stefni að því að komast út
næsta sumar. Eins og er þá er ég
ekki með nein járn í eldinum en við
sjáum hvað gerist næsta sumar.“
- hbg
Sigurbergur Sveinsson klárar tímabilið með Haukum:
Fer ekki til Flensburg
KLÁRAR TÍMABILIÐ HEIMA Sigurbergur Sveinsson verður áfram í lykilhlutverki hjá
Haukum út veturinn og mun hjálpa liðinu við að verja Íslandsmeistaratitilinn.
FRÉTTABLAÐIÐ/ANTON
Enska úrvalsdeildin:
Fulham-Portsmouth 1-0
1-0 Jonathan Greening (74.)
Enska bikarkeppnin:
Leeds-Tottenham Hotspur 1-3
0-1 Jermain Defoe (37.) 1-1 Luciano Becchio
(45.), 1-2 Jermain Defoe (73.), 1-3 Jermain Defoe
(90.).
IE-deild kvenna:
Keflavík-Gríndavík 91-77
Stig Keflavíkur: Kristi Smith 31, Bryndís Guð-
mundsdóttir 20, Birna Valgarðsdóttir 15, Svava
Ósk Stefánsdóttir 13, Pálína Gunnlaugsdóttir 5,
Hrönn Þorgrímsdóttir 3, Marín Rós Karlsdóttir 2,
Sigrún Albertsdóttir 2.
Stig Grindavíkur: Joanna Skiba 14, Íris Sverris-
dóttir 14, Helga Hallgrímsdóttir 13, Petrúnella
Skúladóttir 12, Berglind Magnúsdóttir 10, Michele
DeVault 9, Jovana Lilja Stefánsdóttir 5.
Hamar-KR 75-79
Stig Hamars: Koren Schram 19, Kristrún Sigur-
jónsdóttir 18, Julia Demirer 13, Sigrún Ámunda-
dóttir 12, Fanney Guðmundsdóttir 6, Hafrún
Hálfdánardóttir 4, Íris Ásgeirsdóttir 2.
Stig KR: Jenny Pfeiffer-Finora 22, Signý Her-
mannsdóttir 19 (16 frák.), Hildur Sigurðardóttir
16, Guðrún Gróa Þorsteinsdóttir 12, Margrét
Kara Sturludóttir 6, Helga Einarsdóttir 2, Jóhanna
Sveinsdóttir 2.
Valur-Njarðvík 57-72
Stig Vals: Dranadia Roc 19, Þórunn Bjarnadóttir
8, Hrund Jóhannsdóttir 7, Birna Eiríksdóttir 7,
Ösp Jóhannsdóttir 5, Sigríður Viggósdóttir 4,
Ragnheiður Benónísdóttir 2.
Stig Njarðvíkur: Ólöf Helga Pálsdóttir 18, Heiða
Valdimarsdóttir 17, Auður Jónsdóttir 10, Harpa
Hallgrímsdóttir 8, Ína Einarsdóttir 8, Sigurlaug
Guðmundsdóttir 5, Anna Ævarsdóttir 4.
Snæfell-Haukar 55-91
Stig Snæfells: Gunnhildur Gunnarsdóttir 23,
Sherell Hobbs 13, Unnur Ásgeirsdóttir 5, Hrafn-
hildur Sævarsdóttir 3, Sara Andrésdóttir 3, Hildur
Kjartansdóttir 2, Helga Björgvinsdóttir 2, Ellen
Högnadóttir 2, Rósa Indriðadóttir 2.
Stig Hauka: Heather Ezell 32, Guðrún Ósk
Ámundadóttir 13, María Lind Sigurðardóttir
11, Helena Hólm 8, Kiki Jean Lund 8, Bryndís
Hreinsdóttir 5, Temla Björk Fjalarsdóttir 4, Sara
Pálmadóttir 3, Ragna Brynjarsdóttir 3, Heiðrún
Hauksdóttir 2, Kristín Reynisdóttir 2.
ÚRSLIT
FÓTBOLTI Bandaríski landsliðs-
maðurinn DaMarcus Beasley,
sem leikur með Glasgow Rang-
ers á Skotlandi, varð fyrir miður
skemmtilegri reynslu síðasta
mánudag.
Þá var kveikt í bíl leikmanns-
ins fyrir utan heimili hans.
„Það sprengdi einhver upp bíl-
inn minn. Sem betur fer slasaðist
enginn,“ sagði Beasley á Twitter-
síðu sinni.
Lögreglan í Glasgow lítur
málið alvarlegum augum og er að
rannsaka málið. - hbg
Uppákoma hjá Rangers:
Kveikt í bíl
Beasley
BEASLEY Hefur líklega tekið leigubíl í
upphafi vikunnar. NORDIC PHOTOS/GETTY IMAGES
FÓTBOLTI Umboðsmaður Argent-
ínumannsins Fernando Gago er
ekki par sáttur við forráðamenn
Man. City. Enska félagið reyndi
að kaupa Gago frá Real Madrid á
elleftu stundu við lok leikmanna-
markaðarins.
Tímasetningin ku hafa verið
glórulaus hjá City-mönnum og
aldrei hafi verið raunhæfur
möguleiki á að klára kaupin á
tíma.
„City notaði okkur. Ég hef
aldrei lent í svona uppákomu
áður,“ sagði Marcello Lombilla,
umboðsmaður Gago, ævareiður
í viðtali við útvarpsstöð. „Ég vil
ekki tala um þær upphæðir sem
Man. City var til í að greiða því
þeir höfðu samband við Madrid
þó svo þeir vissu að það væri ekki
fræðilegur möguleiki að ná þess-
um kaupum í gegn á tíma.“
Jorge Valdano, yfirmaður
knattspyrnumála hjá Madrid,
var einnig afar ósáttur við City.
„Það var ekkert tilbúið hjá þeim
er þeir höfðu samband. Ekki búið
að skrifa undir eitt einasta blað.
Þeir voru ekki einu sinni búnir að
ná samkomulagi við leikmanninn
og vildu samt klára allt málið á
40 mínútum,“ sagði Valdano.
- hbg
Man. City fær að heyra það:
Man. City
notaði okkur
GAGO Verður áfram í herbúðum Real
Madrid. NORDIC PHOTOS/GETTY IMAGES
FÓTBOLTI Allan Borgvardt kemur
ekki til Íslands í sumar eins og
leit jafnvel út fyrir um tíma því
Daninn snjalli hefur samið við
norska b-deildarliðið Sandnes
Ulf. Þetta kemur fram í frétt á
vefmiðlinum fotbolti.net.
Allan Borgvardt hefur leikið
með Bryne í Noregi síðustu ár
en hann hætti hjá félaginu fyrir
stuttu og var í framhaldinu að
leita sér að nýju félagi. Hann
fékk síðan tveggja ára samning
hjá Sandnes Ulf.
Borgvardt stóð sig frábærlega
með FH frá 2003 til 2005 og liðið
vann meðal annars 18 síðustu
deildarleikina sem hann spilaði.
Hann skoraði alls 29 mörk í 43
deildarleikjum með Hafnarfjarð-
arliðinu frá 2003 til 2005. - óój
Allan Borgvardt:
Kemur ekki til
Íslands í sumar KÖRFUBOLTI Keflavíkurkonur vinna
hvern stórsigurinn á fætur öðrum
þessa daganna og í gær unnu
þær sannfærandi 14 stiga sigur á
Grindavík, 91-77, í Toyota-höllinni
í Keflavík. Keflavíkurliðið lagði
grunninn að sigrinum með frá-
bærum fyrri hálfleik þar sem liðið
steig ekki feilspor í sóknini.
Fyrri hálfleikur Keflavíkurliðs-
ins var nánast óaðfinnanlegur, liðið
skoraði 60 stig, hitti úr 55 prósent-
um skota sinna og tapaði aðeins
einum bolta allan hálfleikinn.
Grindavíkurliðið beit aðeins frá
sér í seinni hálfleiknum en Kefla-
vík hafði efni á að slaka á. Munur-
inn varð á endanum fjórtán stig en
Grindavík lagaði stöðuna með því
að skora 10 stig í röð eftir að þær
misstu bandaríska leikmann sinn
útaf með fimm villur.
„Byrjunin á árinu 2010 er búin
að vera framar okkar björtustu
vonum. Við erum búin að vera
vinna gríðarlega vinnu í allan
vetur og hún er vonandi að skila
sér núna. Ég er ótrúlega ánægður
með stelpurnar,“ sagði Jón Halldór
Eðvaldsson, þjálfari Keflavíkur,
en Jóhann Þór Ólafsson, þjálfari
Grindavíkur, var ekki eins sáttur:
„Það kom smáorka í byrjun
seinni hálfleiks og síðan aðeins í
restina. Við gátum samt ekki neitt
í þessum leik. Við vorum búin að
tala um það sem við ætluðum að
gera en það hefur farið inn um
annað og út um hitt. Ef við erum
eins og við vorum í kvöld, þar sem
hver er í sínu horni og allar á ein-
hverju egótryppi, þá erum við bara
skítlélegt lið,“ sagði Jóhann.
Kristi Smith, Bryndís Guð-
mundsdóttir og Birna Valgarðs-
dóttir voru allt í öllu í leik Kefla-
víkur og átti Grindavíkurstúlkur
fá svör við þeirra leik.
„Tímabilið byrjaði ekki vel hjá
okkur en nú er þetta allt að smella.
Ég held að hugarfarið hafi bara
breyst hjá okkur. Við ákváðum að
koma stemmdar inn í leikina og
spila góða vörn frá byrjun,“ sagði
Bryndís Guðmundsdóttir sem var
með 20 stig, 8 fráköst og 9 stoð-
sendingar í gær.
„Ég held að við getum ekki náð
KR en stefnan er bara sett á annað
sætið þegar þessi A og B-hluti er
búinn,“ segir Bryndís og lokamark-
miðið er það sama í Keflavík og
það hefur alltaf verið: „Við ætlum
að verða Íslandsmeistarar, það
kemur ekkert annað til greina,“
segir Bryndís og miðað við frá-
bæra byrjun á árinu 2010 er eng-
inn ástæða til að draga það í efa.
- óój
Keflavíkurkonur unnu sjöunda leikinn í röð í Iceland Express-deild kvenna í gær gegn Grindavík:
Við ætlum að verða Íslandsmeistarar
STERK Bryndís Guðmundsdóttir skoraði
20 stig fyrir Keflavík í gær.
FÓTBOLTI Jermain Defoe var hetja
Spurs í gær er liðið sló Leeds út
úr enska bikarnum. Defoe skor-
aði öll mörk Tottenham í 3-1 sigri
liðsins.
Það var óvenju lítill broddur
i liði Leeds framan af leiknum.
Þessi endalausa baráttugleði og
vinnsla út um allan völl var ekki
til staðar. Úrvalsdeildarliðið var
þar af leiðandi mun beittara fram-
an af leik.
Jermain Defoe fékk algjört
dauðafæri um miðjan hálfleik-
inn en Casper Ankergren sá við
honum og varði glæsilega. Anker-
gren kom þó engum vörnum við á
37. mínútu þegar Defoe kom bolt-
anum í netið.
Markið virkaði eins og köld
vatnsgusa í andlit leikmanna
Leeds sem byrjuðu loksins að spila
fótbolta og berjast af þeim krafti
sem þeir hafa gert í leikjum sínum
hingað til í keppninni.
Pressa neðrideildarliðsins að
marki Spurs var með hreinum
ólíkindum og eitthvað hlaut undan
að láta. Í uppbótartíma í fyrri hálf-
leik kom lagleg sending að marki.
Hinn ótrúlegi Jermaine Beck-
ford gerði vel í því að koma skoti
á markið. Gomes varði en boltinn
féll fyrir fætur Luciano Becchio
sem mokaði boltanum yfir línuna.
Leikmenn Spurs voru afar ósáttir
við markið enda virkaði Becchio
rangstæður þegar sendingin kom á
Beckford. Mótmæli þeirra breyttu
engu því markið stóð.
Það var mikill barningur í síð-
ari hálfleik og bæði lið áttu ágæt-
ar sóknir. Defoe skoraði um miðj-
an síðari hálfleikinn en markið var
réttilega dæmt af vegna rangstöðu.
Spurs gafst ekki upp og Defoe
skoraði löglegt mark á 73. mínútu.
1-2 og Spurs hæglega getað skor-
að fleiri mörk en Ankergren fór
algjörlega á kostum í marki heima-
manna.
Leikmenn Leeds brugðust ekki
eins hressilega við mótlætinu nú
líkt og í fyrra markinu og virtist
vera nokkuð dregið af þeim. Er sex
mínútur lifðu leiks voru Leedsar-
ar heppnir að lenda ekki tveimur
mörkum undir er Peter Crouch átti
skalla í þverslá Leeds-marksins.
Leeds lagði allt undir til þess
að jafna metin og komst í tvígang
nokkuð nálægt því.
Þegar uppbótartíminn var nán-
ast liðinn fór allt lið Leeds fram.
Spurs hreinsaði og Defoe komst
einn gegn Ankergren, sólaði hann,
lagði boltann í tómt markið og full-
komnaði þrennuna.
henry@frettabladid.is
Nú úti er Leeds-ævintýri
Bikarævintýri Leeds lauk í gær fyrir framan tæplega 38 þúsund manns á Elland
Road. Jermain Defoe skoraði þrennu og Leeds varð loksins að játa sig sigrað.
ÞRENNA Jermain Defoe var sjóðheitur í gær og skoraði þrjú gild mörk og eitt ólög-
legt. NORDIC PHOTOS/AFP