Fréttablaðið - 04.02.2010, Blaðsíða 40

4. FEBRÚAR 2010 FIMMTUDAGUR8 ● hillur og skápar
Korktöflur áttu lengi vinsældum
að fagna á heimilum, í skólastofum
og á vinnustöðum en hafa þó ekki
verið sérstaklega áberandi undan-
farin ár. Slíkar töflur eru þó mikið
þarfaþing og halda vel utan um
póstkort, minnismiða, barnateikn-
ingar, merki, orður og annað smá-
legt sem annars á það til að liggja
á víð og dreif á borðum, í glugga-
kistum eða ofan í skúffum.
Hér má sjá tilbrigði við brúna
korkinn sem fer vel á vegg. Ef
listræna augað er til staðar getur
verið fallegt að raða saman svipuð-
um litatónum og búa til eins konar
skipulagt kaos. - ve
Skipulagt kaos
Korktöflur hafa verið á undanhaldi þrátt
fyrir að vera mikið þarfaþing.
Að raða bókum í hillur er góð
skemmtun. Til eru margar að-
ferðir við slíka röðun, eins og til
dæmis að raða bókunum eftir staf-
rófsröð, stærð eða höfundum. Ein
aðferð sem kann að ryðja sér til
rúms gengur út á að raða bókunum
eftir litum.
Kristín Viðarsdóttir hjá Borgar-
bókasafninu tók þessar myndir á
safninu síðastliðið sumar og sýna
þær glögglega hversu vel getur
tekist til við litaröðun. Regn-
bogaútstillingin var gerð í tilefni
Hinsegin daga. - kg
Skartgripaskrín er mikið þarfaþing á
heimilum kvenna enda fylgir þeim oft
ógrynni skartgripa. Séu þeir geymd-
ir ofan í skúffu flækjast þeir oft saman
og týnast. Skartgripaskrín eru oft búin
mörgum hólfum og hægt að geyma
eyrnalokka í einu, hringa í öðru og svo
framvegis. Þannig má ganga að öllu vísu
sem sparar tíma og fyrirhöfn þegar á að
dubba sig upp. Verði skúffa fyrir valinu má nota
skilrúm, kassa og aðrar lausnir til að hólfa niður plássið. - ve
Skartinu haldið
til haga
Litlu gulu post-it miðarnir komu á
markaðinn árið 1977.
Upphaflega þróaði ameríski vís-
indamaðurinn Dr. Spencer Silver
límið sem er á baki miðanna sem
gerir þá svo hentuga. En það var
annar vísindamaður, Art Fry, sem
fann not fyrir límið. Hugmyndin
kviknaði út frá því að bókamerkið
í sálmabókinni hans var alltaf að
detta úr svo hann ruglaðist á blað-
síðum. Hann setti límið á litla bréf-
miða. Límið var nógu sterkt til að
miðarnir héldust á sínum stað en
þó ekki of sterkt.
Í dag hafa Post-it miðarnir fest
sig rækilega í sessi og eru mörg-
um okkar nauðsynlegir til að halda
daglegu skipulagi. - rat
Post-it verður til
Hægt er að halda góðu skipulagi með
Post-it miðum. MYND/NORDICPHOTOS/GETTY
Flott að raða bókum eftir litum
Hér er bókum raðað eftir
litum í tilefni af Hinsegin
dögum.