Fréttablaðið - 04.02.2010, Blaðsíða 16

16 4. febrúar 2010 FIMMTUDAGUR
Árni Sigfússon, bæjarstjóri
Reykjanesbæjar, segir að
Eftirlitsnefnd um fjármál
sveitarfélaga hafi hvorki
gefið bæjarstjórninni
syndakvittun né sett fjár-
mál bæjarins í gjörgæslu
með bréfi þar sem tilkynnt
er um að nefndin óski eftir
ársfjórðungslegum upplýs-
ingum um rekstur sveitar-
félagsins í ár.
Eftirlitsnefnd með fjármálum sveit-
arfélaga (EFS) hefur sent Reykja-
nesbæ bréf vegna fjárhagsáætl-
unar 2010 og ætlar ekki að hafast
að í málum sveitarfélagsins að svo
stöddu en ítrekar varnaðarorð um
forsendur rekstraráætlunar og fjár-
hagsstöðu. Þrátt fyrir áætlanir um
sjö milljarða hagnað árið 2009 vegna
sölu á eignum í HS Orku séu skuldir
yfir eðlilegum mörkum. Kallað er
eftir ársfjórðungslegum upplýsing-
um um rekstur þessa árs með sam-
anburði við rekstraráætlun 2010.
„Mér finnst ekki sanngjarnt að
það sé horft á að við séum í gjör-
gæslu eða undir einhverri smásjá,“
segir Árni Sigfússon. „Niðurlag
bréfsins er að það verði ekki
aðhafst frekar, að svo stöddu. Það
eru ítrekuð varnaðarorð um óvissu
í rekstrarforsendum og fjárhags-
stöðu. Það er niðurstaða þessa
erindis.“
Hvorki syndakvittun né í gjörgæslu
„Það er bara eðlilegt að menn fái
ársfjórðungslega upplýsingar,“
segir Árni. „Það er enginn að segja
að bréfið sé hrein syndakvittun en
þetta eru ekki alvarlegar athuga-
semdir. Það er eðlilegt að nefnd-
in óski eftir þessum upplýsingum.
Tekjurnar sem við áætlum að komi
inn á næstu árum eru meðal for-
sendna fyrir bættri rekstrarstöðu.
Það er eðlilegt að menn vilji fylgj-
ast með því að hagræðing í rekstri
gangi eftir.“
Eftirlitsnefndin minnir á nauðsyn
þess að peningalegar eignir, sem
fengust við 11,7 milljarða króna sölu
eigna í HS Orku, verði nýttar til að
greiða niður skuldir.
„Við metum eftir aðstæðum hvað
er eðlilegast að greiða niður,“ segir
Árni. „Ég hef bent á að meðal þeirra
eigna er 6,3 milljarða króna skulda-
bréf sem greiðist upp árið 2016. Við
höfum val um hvort við seljum það
bréf eða eigum það og söfnum á það
vöxtum. Við höfum talið skynsam-
legra að geyma það en selja.“ Árni
segist ekki túlka bréf nefndarinnar
þannig að hún sé að leggja að sveit-
arfélaginu að selja skuldabréfin.
„Ég held ekki að hún sé að leggja
áherslu á það, heldur á að það fjár-
magn, sem við höfum, verði frekar
nýtt í að greiða skuldir en að fara
í nýjar fjárfestingar. Við tökum
undir það.“
Í ykkar áætlun var byggt á for-
sendum um fjölgun starfa, fjölg-
un íbúa og auknar skatttekjur. Er
slík bjartsýni réttlætanleg í miðri
kreppunni?
„Við gerum ráð fyrir að árið 2010
verði erfitt vegna þess að mörg
verkefni sem eru komin af stað
eru ekki komin að fullu til fram-
kvæmda. Við gerum ráð fyrir að
60% af þeim störfum sem hér eiga
eftir að verða til á svæðinu á næstu
þremur árum komi til fólks sem býr
í Reykjanesbæ. Við gerum áætlun
um að á næstu þremur árum auk-
ist skatttekjur um 1,5 milljarða, sem
hefur mikil og jákvæð áhrif á rekst-
urinn. Capacent hefur unnið nýja
greiningu á áhrifum nýrra atvinnu-
verkefna á skatttekjur Reykjanes-
bæjar. Þær niðurstöður benda til
að tekjuaukningin verði umtalsvert
meiri en þeir 1,5 milljarðar sem við
gerum ráð fyrir. Það er afskaplega
ánægjuleg niðurstaða en hún er
sýnd veiði en ekki gefin. Við teljum
að við höfum farið varlega í sakirn-
ar í okkar áætlun og höldum okkur
við hana.“
Þau nýju verkefni sem Árni vísar
í að muni standa undir auknum
umsvifum og skatttekjum á næst-
unni eru álver Norðuráls í Helguvík,
gagnaver Verne Holding í Ásbrú,
sjúkrahús á Ásbrú, ýmis verkefni
tengd flugþjónustu og framkvæmd-
ir vegna væntanlegrar kísilverk-
smiðju. Hann segir að þarna sé
farið varlega í sakirnar. Til dæmis
sé ekki gert ráð fyrir auknum tekj-
um af ferðaþjónustu og ýmsum
öðrum verkefnum sem undirbúin
hafa verið á síðustu árum.
„En við gerum ráð fyrir að bygg-
ingarframkvæmdir við álverið í
Helguvík hefjist á vormánuðum og
að fólk verði ráðið í tengslum við
það. Það er búið að ljúka við fjár-
mögnun sjúkrahússins á Ásbrú
og byggingarframkvæmdir eru
að fara af stað. Menn þekkja hvar
gagnaverið stendur; það er verið að
ljúka frágangi fjárfestingarsamn-
ings vegna þess á Alþingi. Allt eru
þetta verkefni sem líta ágætlega út
og eiga ekki að tefjast frekar.“
Einhver áhætta um hraða uppbygg-
ingarinnar
Það er margt óljóst varðandi þessa
uppbyggingu. Orkusölusamning-
ar liggja ekki fyrir og virkjanaleyfi
vegna stækkunar Reykjanesvirkj-
unar hefur ekki verið gefið út. Er
réttlætanlegt við þær aðstæður að
leggja tekjur af þessum verkefnum
til grundvallar í fjárhagsáætlun?
„Þá má spyrja ríkisstjórnina og
Seðlabankann á hverju þeir byggi
þær forsendur að hér rísi efnahag-
ur á forsendum álvers í Helguvík.
Ef við trúum ekki á að þetta sé að
gerast veit ég ekki hverjir eiga að
gera það. Við höfum verið að berjast
fyrir þessu í fimm ár.
Hins vegar eru fjórir áfangar í
álverinu. Fyrsti áfangi er 90.000
tonn og þar eru menn búnir að
leggja hlutina saman og sjá tæki-
færi til að fara af stað. Það er haft
eftir forsvarsmönnum Norðuráls.
Það er þeirra að meta aðstæður og
forsendur fyrir sínum ákvörðun-
um og þeir treysta sér til að fara af
stað. Menn taka einhverja áhættu
af því hversu hratt þeir geta byggt
upp og það er Norðurál sem þarf að
taka afstöðu til þess.“
Árni segist telja að gengið verði
frá orkusölusamningum á næstu
vikum vegna fyrstu áfanga álvers-
ins.
Þegar horft er til baka í ljósi fjár-
hagsstöðu bæði Reykjanesbæjar og
margra annarra sveitarfélaga: Hvar
var farið of geyst og hvað hefðu
menn átt að gera öðruvísi?
„Ég tel að við höfum tekið réttar
ákvarðanir í upphafi. Við búum á
láglaunasvæði. Við stóðum frammi
fyrir spurningunni: Ætlum við að
gera þetta að annars eða þriðja
flokks samfélagi, sem veitir lélega
þjónustu, eða ætlum við að byggja
upp auknar skatttekjur? Við ákváð-
um að byggja upp nýjar skatttekjur
og draga fram kosti svæðisins til að
taka á móti nýjum atvinnutækifær-
um. Það hefur kostað fjárfesting-
ar. Þær eru að skila þeirri niður-
stöðu að stór verkefni eru að koma
inn og þau munu snúa við rekstri
sveitarfélagsins. Út á það hefur
þetta alltaf gengið. Auðvitað er
ákveðin áhætta tekin og við höfum
orðið fyrir áföllum. Við bjuggumst
ekki við því að 900 manns misstu
störf hjá Varnarliðinu. Það hefur
gengið ágætlega að breyta því áfalli
í tækifæri. Við áttum líka ekki von
á öðru en hugmyndir um stálpípu-
verksmiðju gætu gengið eftir en þau
fóru forgörðum.“
Ekki offjárfesting
Árni segist ekki kvitta undir það að
það hafi verið offjárfesting í Reykja-
nesbæ. Bærinn hafi fjárfesta í því að
byggja upp stuðning við fjölskyldu-
fólk, góða skóla og vistlegt og fjöl-
skylduvænt umhverfi. Þegar nefnt
er að fjölmargar íbúðir standi auðar
í bænum, bæði á Vallarsvæðinu og
í öðrum hverfum, bendir hann á að
sú fjárfesting þýði að Reykjanesbær
geti nú tekið við 1.700 nýjum íbúum
án þess að það þurfi að kosta miklu
til við innviði samfélagsins. Sú fjölg-
un muni verða í tengslum við álverið
í Helguvík og önnur verkefni, sem
Suðurnesjamenn bíða nú eftir að
verði að veruleika.
FRÉTTAVIÐTAL: Árni Sigfússon, bæjarstjóri Reykjanesbæjar
Bæjarfélaginu hvorki veitt
syndakvittun né sett í gjörgæslu
ÁRNI SIGFÚSSON Bæjarstjóri Reykjanesbæjar segir að athugasemdir Eftirlitsnefndar með fjármálum sveitarfélaga hafi ekki komið
á óvart. Meginniðurstaðan sé sú að EFS ætli ekki að grípa til aðgerða, þótt eðlilega vilji nefndin fylgjast vel með því hvernig
fjárhagsáætlun gengur eftir. FRÉTTABLAÐIÐ/GVA
FRÉTTAVIÐTAL
PÉTUR GUNNARSSON
peturg@frettabladid.is
REYKJANESBÆR ÚR LOFTI Árni Sigfússon, bæjarstjóri Reykjanesbæjar, segist telja að gengið verði frá orkusölusamningum á
næstu vikum vegna fyrstu áfanga álversins í Helguvík. FRÉTTABLAÐIÐ/GVA
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...