Fréttablaðið - 25.02.2010, Side 29

FIMMTUDAGUR 25. FEBRÚAR 2010 Stell: Bridal Platinum
matardiskur verð 2200
Súpudiskur verð 2200
Stell: Bridal Gold
Matardiskur verð 2200
Morgunverðarskál verð 1500
Stell: Platinum
Marardiskur verð 2700
Súpudiskur verð 2700
Stell: Aurora Platinum
Matardiskur verð 2700
Súpudiskur verð 2700
Stell: Royal Blue
Matardiskur verð 2500
Hliðardiskur verð 1700
Gjafavörubúðin Borð fyrir tvo
sérhæfir sig í borðbúnaði og
hvers kyns gjafavöru. Eigandi
búðarinnar segir klassík og
rómantískt ívaf einkenna
vörurnar hjá þeim í vor.
Una Gunnarsdóttir hefur verið
eigandi verslunarinnar Borð fyrir
tvo síðastliðin tíu ár. Búðin hóf
rekstur í Borgarkringlunni fyrir
20 árum síðan, fluttist þaðan í
Kópavog en hefur verið til húsa
við Laugaveg 97 síðan í sumar.
„Það er gott að vera á Laugavegin-
um,“ segir Una. „Fólk virðist gefa
sér meiri tíma inni í búðunum.
Það kemur til okkar í ákveðnum
tilgangi og veit oft strax hvað það
vill. Það er ekki eins mikið ráp og
oft annars staðar. Hér er mjög góð
tenging við viðskiptavinina.“
Búðin leggur áherslu á hvers
kyns borðbúnað og gjafavöru.
Mikið er um brúðargjafir og stell
til söfnunar, þótt Una sé einnig
með dúka, barnavörur og fleira
því tengt í búðinni. „Fólk er
miklu meira að fjárfesta í hlut-
um sem það getur notað til fram-
búðar heldur en einhverri tísku
sem varir stutt. Mikil klassík
og rómantík er í línunum okkar
núna.“ Stellin hjá Unu einkenn-
ast af hreinleika og fínlegum
munstrum. Hún segir að algeng-
ast sé að viðskiptavinir taki krist-
alinn og glerglösin, rómantískar
línur handa brúðhjónum eða bara
handa sjálfum sér.
„Silfrið er að koma mikið
inn núna. Svo er þessi gamli
minimalismi að hverfa smátt og
smátt og fólk er að verða óhrædd-
ara við að nota liti í dekkingum
hjá sér.“ Una segir pastelliti,
rómantík og tengsl við gamla tím-
ann einkenna línurnar í vor. „Fólk
vill eitthvað sem endist þeim leng-
ur heldur en út daginn í dag.“
Með rómantísku ívafi
„Fólk er miklu meira að fjárfesta í hlutum sem það getur notað til frambúðar heldur
en einhverri tísku sem varir stutt,“ segir Una Gunnarsdóttir, eigandi verslunarinnar
Borð fyrir tvo. FRÉTTABLAÐIÐ/VALLI
● VORLEGAR DISKAMOTTUR Á BORÐIÐ Bernadette
Kraanen hannaði þessa fallegu diskamottur en hún er fatahönnuður
að mennt. Bernadette er þekkt fyrir að nota gamaldags handverks
aðferðir í nútímalegri útfærslu og þykir hönnun hennar bæði hlýleg
en einnig frískleg. Bernadette hóf feril sinn sem töskuhönnuður en
snéri sér svo að hönnun barnafatnaðar og hannaði fyrir ýmis merki.
Munsturgerð er hennar sterka hlið og við hönnun diskamottanna
skýrskotrar hún til náttúrunnar á hlýlegan hátt. Motturnar væru til
dæmis skemmtilegar á borðið um páskana eða fyrir þá sem eru
orðnir þreyttir á vetrardrunganum og vilja fá vorið inn í eldhús strax.
Borðsiðir og matarvenjur geta
verið mjög mismunandi eftir lönd-
um. Fréttablaðið leit á nokkur
dæmi þess.
Hér uppi á Íslandi þykir það
sjálfsögð kurteisi að mæta á réttum
tíma í matarboð. Í Tansaníu þykir
slíkt þó hin argasta ókurteisi og
heldur tilhlýðilegra að vera seinn
á ferð til slíkra samkoma; seinkun
upp á korter til hálftíma þykir hið
besta mál. Slík dæmi um mismun-
andi borðsiði og matarvenjur milli
landa og heimshorna eru mýmörg,
eins og sést þegar málið er kannað
í bókum og á Netinu.
Þegar snætt er með prjónum í
Kína verða kurteisir matargestir
að gæta sín á því að berja ekki með
prjónunum á borðbúnaðinn líkt og
um trommukjuða væri að ræða.
Slíkt hátterni ku gefa til kynna að
sá sem slær sé betlari. Ekki fylgir
sögunni hvort raunverulegum betl-
urum sé leyfilegt að tromma við
matarborðið en atvinnutónlistar-
menn ættu að vara sig sérstaklega
á þessu.
Í Japan kunna gestgjafar víst
vel við að gestirnir taki hraust-
lega til matar síns, en þó ekki fyrr
en þeim hefur verið sagt að gjöra
svo vel að minnsta kosti þrisvar
sinnum. Málshátturinn Allt er þá
þrennt er á því líklega vel við í
japönskum matarboðum.
Matur frá Suður-Ameríku er
gjarnan lystugur mjög. Þeir sem
sækja matarboð í Perú verða þó
að hafa í huga að teygja ekki úr
sér við matarborðið eftir að hafa
hesthúsað kræsingar, slíkt þykir
sármóðgandi í garð gestgjafans.
Þá er líklegt að Samar séu
meðal fárra þjóða sem setja salt
í kaffið sitt, en eflaust þykir
mörgum það óhugsandi.
- kg
Japanskir gestir í matarboðum verða oft að bíða eftir að geta tekið til matar síns.
Ekki tromma með prjónum