Fréttablaðið - 11.03.2010, Qupperneq 10

10 11. mars 2010 FIMMTUDAGUR
HEILBRIGÐISMÁL Bráðamálum á
barna- og unglingageðdeild Land-
spítalans, BUGL, hefur fjölgað
undanfarna mánuði. Ólafur Ó.
Guðmundsson, yfirlæknir barna-
og geðlækninga, segir að það
sem af er ári hafi yfir sextíu mál
komið til bráðateymis BUGL en
allt árið í fyrra voru þau rúmlega
200. Bráðamál eru mál sem tengj-
ast bráðum geðrænum vanda, þau
geta tengst miklum skapofsa ung-
menna, vanlíðan og í alvarlegustu
tilvikum tilraunum til sjálfsvíga.
Ólafur segir að á síðasta ári hafi
starfsmenn BUGL fundið fyrir
auknum þrýstingi á bráðainn-
lagnir sem jukust um sextán pró-
sent miðað við árið á undan. Hann
segir að þar fyrir utan séu málin
sem komi til meðferðar á BUGL
erfiðari og þyngri.
„Við veltum fyrir okkur hér
hvort aukinn fjöldi bráðamála sé
vísbending um áhrif kreppunnar
á börn og ungmenni,“ segir Ólafur
sem þó segir erfitt að fullyrða um
slíkt þar sem ekki séu til rannsókn-
ir um áhrif kreppunnar á börn.
„Við getum ekki fullyrt neitt því
það er svo margt sem hefur áhrif
og það eru oft sveiflur í eftirspurn
eftir þjónustu hjá okkur, hún eykst
til dæmis á veturna. Hins vegar
veltir maður fyrir sér hvort börn
sem standa höllum fæti fyrir hafi
orðið fyrir barðinu á kreppunni.
Við verðum til að mynda vör við
það hér að skólarnir eru að skera
niður ýmis stuðningsúrræði,“
segir Ólafur sem bendir einnig á
að börn sem standi illa geti farið
úr jafnvægi ef fjölskylda þeirra
lendir í þrengingum.
Ólafur segir biðlista eftir aðstoð
BUGL hafa lengst í kreppunni, nú
bíði um 100 börn og ungmenni eftir
fyrstu innlögn á göngudeild auk
þess sem tuttugu til þrjátíu börn
bíði eftir innlögn. Hann segir að þó
að reynt hafi verið að hlífa deild-
inni við niðurskurði hafi starfs-
fólki fækkað því ekki hefur verið
ráðið í stað þeirra sem hafa hætt
og stöður þeirra sem eru í fæð-
ingarorlofi eru ekki mannaðar að
fullu. Í árslok 2008 lauk átaki sem
fólst í að eyða biðlistum á BUGL.
Ólafur er í hópi fyrirlesara á
málþingi Lions sem haldið verður í
dag og fjallar um áhrif kreppunnar
á börn og ungmenni. Hann segir að
þó að kreppan hafi neikvæð áhrif
þá hafi ýmislegt jákvætt fylgt
henni einnig. Ýmislegt bendi til
að verðmætamat hafi verið orðið
brenglað í góðærinu, rannsóknir
hafi sýnt að íslensk börn voru ein-
mana og því megi kannski segja
að lífsgildin séu að einhverju leyti
heilbrigðari núna.
sigridur@frettabladid.is
Æ fleiri börn
á geðdeild
Sextíu ungmenni hafa verið lögð inn á barna- og
unglingageðdeild í bráðainnlögn það sem af er ári
en voru 200 allt árið í fyrra. Yfirlæknir segir ástæðu
til að velta fyrir sér hvort kreppan skýri fjölgunina.
Lionshreyfingin stendur fyrir ráð-
stefnu um áhrif kreppunnar á börn
og ungmenni í Norræna húsinu í
dag klukkan 16.30. Fyrsta erindið
flytur Geir Gunnlaugsson, landlækn-
ir og sérfræðingur í barnalækning-
um, og ber það heitið Kreppa, börn
og fjölskyldur. Þá flytja Sigurður
Rafn Elíl, sálfræðingur á BUGL, og
Vilborg G. Guðnadóttir, geðhjúkr-
unarfræðingur og deildarstjóri á
BUGL, erindi sem ber heitið Hlúum
að jarðveginum. Gyða Haraldsdóttir,
sálfræðingur og sérfræðingur á sviði
fatlana barna, ræðir forvarnargildi
uppeldis og Ólafur Ó. Guðmunds-
son, yfirlæknir á BUGL og sérfræð-
ingur í barnageðlækningum, ræðir
kreppuáhrif á börn.
Guðrún Björt Yngvadóttir, fjöl-
umdæmisstjóri Lions, setur þingið
sem haldið er í Norræna húsinu.
Ráðstefnustjóri er Jón Bjarni
Þorsteinsson heimilislæknir.
ÁHRIF KREPPUNNAR Á BÖRN
BARNA OG UNGLINGAGEÐDEILD Bið eftir aðstoð hefur lengst eftir efnahagshrunið.
Kanilsnúðar
Kexsmiðjan kynnir nýjung í frystivöru
Gómsætir og ilmandi kanilsnúðar
Tilbúnir á fimm mínútum
N
ÝT
T
FR
YS
TI
VA
RA
BARN Á PRIKI Kólumbískur hermaður
leikur listir sínar með barni í kólumb-
íska hersirkusnum. NORDICPHOTOS / AFP
STJÓRNMÁL „Aukið gagnsæi í fjár-
málakerfi er til þess að efla traust
og trúverðugleika almennings á
uppbyggingu og starfsemi fjár-
málafyrirtækja.“
Þetta segir í umsögn Viðskipta-
ráðs um frumvarp um breytingu á
lögum um fjármálafyrirtæki.
Ráðið vill að gengið verði lengra
við að auka gagnsæi á eignarhaldi
helstu fjármálafyrirtækja landsins
heldur en gert er í frumvarpinu. Er
tekið undir sjónarmið Kauphallar-
innar í því efni. Í frumvarpinu er
gert ráð fyrir að Fjármálaeftirlit-
ið hafi eða geti krafist nákvæmra
upplýsinga um
eignarhald fjár-
málafyrirtækja
en Kauphöllin
og Viðskiptaráð
vilja að fyrir-
tækin hafi þær
upplýsingar
opinberar og
aðgengilegar.
Viðskiptaráð
telur frumvarpið
fela í sér nauðsynlegar breytingar
á gildandi lögum en gerir nokkrar
athugasemdir. Tímafrestur Fjár-
málaeftirlitsins til að fjalla um hæfi
til að eignast virkan eignarhlut er
talinn of langur og ákvæði um orð-
spor þess sem hyggst eignast virk-
an eignarhlut er talið of rýrt.
Viðskiptaráð hvetur til aukins
eftirlits og eftirfylgni með hertari
reglum um fjármálastofnanir en
varar þó við að reglurnar verði of
íþyngjandi fyrir fyrirtækin enda
geti þær tafið fyrir eða komið í
veg fyrir endurreisn skilvirks fjár-
málakerfis. Þá er efasemdum lýst
um að Fjármálaeftirlitinu sé ætl-
aður nægur tími til reglusetning-
ar þar sem lögin eiga að taka gildi
þegar við samþykkt. - bþs
Viðskiptaráð hvetur til aukins eftirlits og eftirfylgni með hertari bankareglum:
Vill ganga lengra í gagnsæi
TÓMAS MÁR
SIGURÐSSON
SKOÐANAKÖNNUN Rúm 62 prósent
þátttakenda í könnun Félagsvís-
indastofnunar Háskóla Íslands
um menningarneyslu telja hið
opinbera verja nægu fé til menn-
ingarmála í þeirra byggðarlagi.
Könnunin var gerð fyrir mennta-
málaráðuneytið nú í haust.
Þátttakendur voru beðnir um að
taka afstöðu til fullyrðingarinnar
um að of litlu opinberu fé væri
varið til menningarmála í þeirra
byggðarlagi. Tæp 45 prósent sögð-
ust frekar ósammála fullyrðing-
unni og tæp átján prósent voru
mjög ósammála. Tæp fimmtán
prósent voru aftur á móti mjög
sammála fullyrðingunni og rétt
23 prósent frekar sammála.
Tæplega 83 prósent svarenda
sögðust ánægð með framboð á
menningarviðburðum í þeirra
byggðarlagi og tæpum 80 prósent-
um fannst næg tækifæri til að taka
þátt í menningarstarfsemi og skap-
andi starfi í byggðarlagi þeirra.
Á hinn bóginn voru talsvert
færri, eða um 63 prósent, sem töldu
börn fá næg tækifæri til að sækja
fjölbreytta menningarviðburði og
álíka mörgum þóttu börn fá góða
menntun í listum og tækifæri til
skapandi starfs í skólum.
Tæp 80 prósent sögðust gjarn-
an vilja sækja fleiri menningar-
viðburði en þeir gerðu, en tíma-
leysi, áhugaleysi eða þreyta og
kostnaður komu helst í veg fyrir
að fólk sækti eða tæki þátt í menn-
ingarviðburðum. - bs
Almenn ánægja með framboð á menningarviðburðum:
Telja nægu fé vera
varið í menningarmál
STJÓRNSÝSLA Sveitarstjórn Skaga-
strandar brýnir þingmenn Norð-
vesturkjördæmis til að standa
vörð um Heilbrigðisstofnunina á
Blönduósi. Ályktun þessa efnis
var samþykkt á sveitarstjórnar-
fundi.
Stofnuninni hefur verið gert að
spara sem nemur 11 prósentum
af veltunni. „Sveitarstjórn skorar
á heilbrigðisráðherra að endur-
skoða boðaðan niðurskurð og
tryggja að Heilbrigðisstofnunin
fái sanngjarna meðferð í saman-
burði við aðrar stofnanir. - th
Heilbrigðismál á Blönduósi:
Mikil óánægja
með niðurskurð
EVRÓPUSAMBANDIÐ, AP Evrópusam-
bandið hefur lengt foreldraorlof
úr þremur mánuðum í fjóra, eða
í átta mánuði samtals fyrir báða
foreldra.
Samkvæmt lögum Evrópusam-
bandsins getur móðir eða faðir
barns tekið sér frí úr vinnu hve-
nær sem er á fyrstu sjö árum
barnsins. Þetta foreldraorlof,
sem svo er nefnt, er ekki það
sama og mæðraorlof, sem móðir
nýfædds eða nýættleidds barns
fær að taka.
Foreldrar geta skipt foreldra-
orlofinu á milli sín að vild.
Misjafnt er eftir aðildarríkjun-
um hvort foreldrar fá greidd laun
í foreldraorlofi eða ekki. Mæðra-
orlofið er líka mislangt eftir
ríkjunum, allt frá fjórtán vikum
á Möltu til sextán mánaða í Sví-
þjóð. - gb
Foreldrar í ESB-ríkjum:
Foreldraorlof
mánuði lengra