Fréttablaðið - 11.03.2010, Page 35

FIMMTUDAGUR 11. MARS 2010
Við hjá Álfaborg bjóðum
uppá teppi í miklu úrvali
bæði á lager og sérpöntuð.
Allt frá filtteppum til hágæða
teppaflísa og ullarteppa.
Tarkett viðarparket
Rumba eik natur kr. 6290.- fermeterinn
Heimilisgólfdúkar
frá Tarkett í miklu úrvali. Verð frá kr. 2190 fermeterinn
Tarkett plastparket
Woodstock 8 mm eikarplanki
fasaður kr. 2890.- fermeterinn
Ekki þarf að kosta offjár að
hressa upp á gólfin heimafyrir.
Á vefsíðunni www.diyideas.com
eru birtar ýmsar góðar hugmynd-
ir. Til að mynda sú að kaupa af-
ganga af vínildúk á afsláttarverði
og mála þá í fjörlegum litum. Hér
er aðgerðin í nokkrum skrefum:
1. Hreinsið bakhlið vínildúks-
ins með sápulausu hreinsiefni og
látið þorna.
2. Notið reglustiku til að mæla
út þann hluta dúksins sem á að
nota og klippið með beittum
skærum.
3. Berið grunn á dúkinn með
málningarrúllu. Látið þorna.
4. Húðið dúkinn.
5. Notið málningarlímband til að
móta flötinn sem á að mála.
6. Málið dúkinn með völdum
litum. Eins má blanda saman
litum til að fá flotta áferð.
7. Notið reglustiku til að af-
marka ferninga meðfram útlínu
dúksins.
8. Málið hvern ferning.
9. Notið stimpil, til að mynda
með laufformi, og stimplið inn
í ferningana. Lyftið stimplinum
varlega upp til að koma í veg
fyrir smit.
10. Berið tvær eða þrjár um-
ferðir af vaxbóni á til að verja
dúkinn.
Vínildúkur verður motta
Með því að mála aftan á vínildúk getur hann orðið orðið fínasta motta.
Fara verður varlega við stimplunina
því annars getur liturinn smitast.
Fínt er að blanda saman litum.
Álfaborg í Skútuvogi 6 er ein
elsta starfandi gólfefnaverslun
landsins. Verslunin kappkostar
að bjóða upp á gæðavörur á
góðu verði.
„Við vorum vön að segja að við
ættum allt á gólfið á einum stað,
en eftir að við bættum við okkur
hreinlætistækjum, baðinnrétting-
um og fleiru þá er réttara að segja
að við höfum allt á gólfið og baðið,
á einum stað að sjálfsögðu,“ segir
Kolbeinn Smári Össurarson, einn
eigenda verslunarinnar Álfaborgar
að Skútuvogi 6 í Reykjavík. Versl-
unin var stofnuð árið 1986 og segir
Kolbeinn hana á leiðinni að verða
eina elstu starfandi gólfefnavöru-
verslun á Íslandi.
Álfaborg hefur haft aðsetur í
Vogahverfinu frá stofnun og þar af
í Skútuvogi 6 síðustu sjö árin. Að
sögn Kolbeins var Álfaborg fyrst
og fremst þekkt sem flísaverslun
framan af en hefur hægt og bít-
andi bætt við sig öðrum gólfefn-
um. Síðustu þrjú ár hefur Álfaborg
svo fest kaup á fyrirtækjunum
Gólfefni-Teppaland og Baðheim-
um, sem hefur breikkað vöruúrv-
al verslunarinnar til muna.
Kolbeinn segir Álfaborg leita
nýrra leiða til að bjóða viðskipta-
vinum sínum upp á eins hagstætt
verð og mögulegt er hverju sinni.
„Vegna gengishrunsins verðum
við að finna nýjar leiðir til að geta
boðið upp á vörur sem fólk getur
keypt. Í samvinnu við birgjana
okkar hefur okkur tekist það og
verð á gólfefnum frá okkur hefur
alls ekki hækkað í takt við geng-
ið. Okkur hefur líka tekist vel til
með að eiga nóg af vörum sem
hefur víða verið vandamál, og það
veldur því líklega að við erum með
stærri hluta af markaðnum í dag
en áður .“
Eins og áður sagði er hægt að
finna allt á gólfið í Álfaborg, park-
et, flísar, dúka og teppi. Kolbeinn
segir markaðinn fyrir vörur af
þessu tagi hafa tekið töluverðum
breytingum upp á síðkastið. „Sú
breyting lýsir sér á ýmsan hátt. Til
dæmis fóru flísarnar sífellt stækk-
andi í mörg ár en eru núna að
minnka á nýjan leik, því þær eru
ódýrari. Plastparket og þriggja-
stafaparket eru líka að verða vin-
sælli en plankaparket, svo fátt eitt
sé nefnt,“ segir Kolbeinn.
„Þá hefur orðið nokkur aukn-
ing í sölu á heimilisgólfdúk og
ódýr teppi eru að koma inn aftur.
Filt-teppin voru nánast alveg dott-
in út, en nú eru þau farin að seljast
aftur. Margir hafa ekki jafn mikið
fjármagn milli handanna og áður
var og þá þarf að leita nýrra leiða.
Gömlu góðu leiðirnar og gild-
in eru oft þau bestu,“ bætir Kol-
beinn við.
Þegar Álfaborg sameinaðist
Gólfefnum og Teppalandi fékk
fyrirtækið umboð fyrir vörur frá
evrópska gólfefnarisanum Tar-
kett, sem er stærsti framleið-
andi gólfefna í Evrópu. Tarkett
er stærsti birgir Álfaborgar og
segir Kolbeinn fyrirtækið mjög
sterkt í framleiðslu á viðarparketi,
plastparketi og gólfdúkum, ásamt
fleiru. „Í flísunum er það Por-
celanosa-merkið sem er mest áber-
andi hjá okkur. þar er um að ræða
mjög vandaðar vörur sem við bjóð-
um upp á á afar góðu verði miðað
við gæði. Fyrirtækið er meðal
þeirra sem eru taka þátt í því með
okkur að komast í gegnum þetta
erfiðleikaskeið. Það þurfa allir að
taka eitthvað á sig,“ segir hann.
Gömlu gildin oft þau bestu
„Vegna gengishrunsins verðum við hreinlega að finna nýjar leiðir til að geta boðið
upp á vörur sem fólk getur keypt, segir Kolbeinn í Álfaborg. FRÉTTABLAÐIÐ/STEFÁN