Fréttablaðið - 11.03.2010, Síða 58

42 11. mars 2010 FIMMTUDAGUR
ECCO GOLFSKÓR
2010 golflínan komin
KRINGLAN
SÍMI 553 80 50
Nú er rétti tíminn til
að fá sér golfskó fyrir
golfferðina í vor
í Ecco búðinni Kringlunni
H
ER
RA
SK
Ó
R
D
Ö
M
US
KÓ
R
38804 01001
Stærðir: 39 - 47
39484 52570
Stærðir: 39 - 47
39404 55360
Stærðir: 39 - 47
M.Flexor Casual Cool II premium Casual Cool II GTX
38483 52569
Stærðir: 36 - 42
38473 51293
Stærðir: 37 - 41
38593 01007
Stærðir: 36 - 41
Comfort Swing GTX Casual Cool Hydromax Comfort Swing Hydromax
ÚRSLITIN Í GÆR
Meistaradeildin
Manchester United - AC Milan 4-0
1-0 Wayne Rooney (13.), 2-0 Wayne Rooney
(46.), 3-0 Ji-Sung Park (56.), 4-0 Darren Fletcher
(87.)
Manchester United vann samanlagt 7-2
Real Madrid - Lyon 1-1
1-0 Cristiano Ronaldo (6.), 1-1 Miralem Pjanic
(75.)
Lyon vann samanlagt 2-1
Enska úrvalsdeildin
Burnley - Stoke City 1-1
0-1 Tuncay Sanli (23.), 1-1 David Nugent (52.)
Íslandsmótið í íshokkí
SA - Björninn 6-2
Mörk SA: Jóhann Leifsson, Gunnar Darri
Sigurðsson, Andri Freyr Sverrisson, Stefán
Hrafnsson 2, Ingvar Jónsson.
Mörk Bjarnarins: Birgir Hansen 2.
FÓTBOLTI Samkvæmt nýrri skoð-
anakönnun sem var opinberuð í
gær ætla 25 prósent ársmiðahafa
í ensku úrvalsdeildinni ekki að
endurnýja miða sína fyrir næsta
tímabil. Manchester United er
það félag sem tapar flestum
ársmiðahöfum.
Regluleg mótmæli hafa staðið
yfir í Manchester þar sem margir
stuðningsmenn Englandsmeist-
aranna vilja losna við eigendur
félagsins, Glazer-fjölskylduna
frá Bandaríkjunum. Eignarhald
félagsins er talin helsta ástæða
þess að svo margir segist ætla að
segja upp ársmiðum. - egm
Fjórðungur ársmiðahafa:
Endurnýjar
ekki ársmiða
FÓTBOLTI Manchester United og
Lyon komust í gær áfram í átta liða
úrslit Meistaradeildarinnar. Unit-
ed tók sig til og slátraði AC Milan
4-0 en Lyon náði jafntefli á útivelli
gegn Real Madrid. Sigur Lyon í
fyrri leiknum í Frakklandi fleytir
liðinu því áfram í keppninni.
Beðið var með mikilli eftirvænt-
ingu eftir stórleiknum á Old Traff-
ord enda ljóst að AC Milan þurfti
að sækja til sigurs eftir 2-3 tapið á
heimavelli. David Beckham hefur
ekki verið í byrjunarliði ítalska
liðsins síðan þá og þurfti að sætta
sig við að sitja á tréverkinu þegar
Svisslendingurinn Massimo Bus-
acca flautaði til leiks í gær.
Wayne Rooney var í byrjunar-
liði Englandsmeistaranna og átti
fyrsta markskot leiksins á þriðju
mínútu en boltinn sigldi naumlega
framhjá. Leikurinn fór fjörlega
af stað og skömmu eftir þetta var
Ronaldinho nálægt því að skora
fyrir gestina en skalli hans hitti
ekki á rammann.
Það halda Rooney engin bönd um
þessar mundir og það sýndi hann
eftir þrettán mínútna leik þegar
hann skoraði þriðja skallamark
sitt í einvíginu. Gary Neville átti
fyrirgjöfina og Rauðu djöflarnir
komnir í ansi vænlega stöðu.
Þetta mark virtist slökkva
algjörlega í gestunum og fátt
markvert gerðist það sem eftir
lifði hálfleiksins. Strax í upphafi
seinni hálfleiks skoraði Roon-
ey aftur og gerði endanlega út
um þær litlu vonir sem ítalska
liðið átti. Stærstu fréttirnar voru
kannski að hann skoraði ekki með
skalla að þessu sinni heldur laum-
aði boltanum laglega framhjá
Christian Abbiati eftir frábæra
sendingu Nani.
Ji-Sung Park stráði salti í sár
gestanna og bætti við þriðja
marki United eftir sendingu frá
Paul Scholes. Á 64. mínútu gerði
AC Milan skiptingu og inn kom
David Beckham í sínum fyrsta
leik á Old Trafford síðan hann
yfirgaf Manchester United og hélt
til Real Madrid árið 2003. Honum
var mikið fagnað á Old Trafford og
sama á við um Wayne Rooney sem
fékk hvíld skömmu síðar og inn
kom Búlgarinn Dimitar Berbatov.
Heimamenn höfðu ekki sagt
sitt síðasta orð en Skotinn Darren
Fletcher fullkomnaði niðurlæg-
ingu AC Milan með skallamarki
undir lokin. Úrslitin 4-0 og United
áfram með sannkölluðum glæsi-
brag, samtals 7-2.
Real Madrid þurfti að snúa við 1-0
tapi gegn Lyon í fyrri leiknum en
það tókst ekki. Madridingar voru
vel studdir á heimavelli og hinn
magnaði Cristiano Ronaldo kom
þeim yfir strax á sjöttu mínútu.
Boltinn fór milli fóta Hugo Lloris í
marki Lyon og áttunda mark Ron-
aldo í keppninni þetta tímabilið
staðreynd.
Eftir 25 mínútna leik fékk Gonz-
alo Higuain dauðafæri til að bæta
við marki fyrir Real þegar hann
slapp í gegn. Hann var búinn að fara
framhjá markverðinum en renndi
knettinum í stöngina. Spænska liðið
fékk mun betri færi í fyrri hálf-
leiknum en fór illa að ráði sínu og
þurfti að sætta sig við að fara með
þetta eina mark í forskot í hálfleik-
inn.
Lyon fékk síðan hættulegri færi
í seinni hálfleiknum og þegar
stundarfjórðungur var eftir náði
liðið að jafna 1-1. Miralem Pjanic
skoraði og Frakkarnir komnir yfir
í einvíginu.
Stjörnumprýddu liði Real tókst
ekki að skora annað mark og
tryggja sér sigurinn. Það er því úr
leik í Meistaradeildinni. Gríðarleg
vonbrigði fyrir spænska stórlið-
ið sem ætlaði sér alla leið í keppn-
inni.
Arsenal, Bayern München,
Manchester United og Lyon verða
því öll í pottinum þegar dregið verð-
ur í átta liða úrslitin. Í næstu viku
kemur í ljós hvaða fjögur lið til við-
bótar bætast í pottinn.
elvargeir@frettabladid.is
Wayne Rooney gekk frá AC Milan
Hinn sjóðheiti Rooney skoraði fjögur mörk fyrir Manchester United í leikjunum tveimur gegn AC Milan í
Meistaradeildinni. Rauðu djöflarnir verða í pottinum eins og Lyon þegar dregið verður í átta liða úrslit.
ÓSTÖÐVANDI Wayne Rooney er heitasti leikmaður heims um þessar mundir. Hann
skoraði tvö mörk fyrir United í gær. NORDICPHOTOS/GETTY
ÍSHOKKÍ Skautafélag Akureyr-
ar er Íslandmeistari í íshokkí
eftir öruggan sigur á Birninum í
hreinum úrslitaleik á Akureyri í
gær. Björninn náði aldrei að sýna
klærnar í leiknum og yfirburðir
heimamanna voru miklir. Þeir
unnu rimmuna um titilinn 3-2 en
leikinn í gær örugglega 6-2.
Björninn komst reyndar yfir
í byrjun leiks en SA jafnaði í
fyrsta leikhluta. Annar leikhluti
var síðan einstefna allan tím-
ann og þar skoruðu Akureyring-
ar þrjú mörk og gerðu nánast út
um leikinn. Liðið spilaði frábæra
vörn og agaða sókn en Björninn
var máttlítill allan leikinn. Sér í
lagi var liðið slakt í öðrum leik-
hluta þar sem það komst varla
yfir miðju.
„Við sýndum mikinn stöðug-
leika í rimmunni. Við börðumst
vel í öllum leikjunum fimm, allt-
af. Þegar þeir komust yfir börð-
umst við bara til baka og kláruð-
um þetta. Það sýndi karakterinn
í þessu liði,“ sagði hinn spilandi
þjálfari Josh Gribben sem átti
mjög góðan leik.
Liðið virtist koma vel stemmt
til leiksins í dag. „Já við ákváð-
um að gíra okkur vel upp og
magnaður stuðningur áhorfenda
skipti líka sköpum,“ sagði Gribb-
en en troðfullt var í Skautahöll-
inni í gær og líklega vel yfir 1000
manns í húsinu. „Leikskipulag
okkar gekk upp á að halda pekk-
inum vel og sækja stíft á þá allan
leikinn og það gekk vel upp í dag,“
sagði þjálfarinn kátur. – hþh
Skautafélag Akureyrar Íslandsmeistari í íshokkí:
Algjörir yfirburðir
ÍSLANDSMEISTARABIKAR Á LOFT Josh Gribben lyftir bikarnum eftir sannfærandi
sigur SA á heimavelli. FRÉTTABLAÐIÐ/HJALTI ÞÓR