Fréttablaðið - 01.04.2010, Qupperneq 56
44 1. apríl 2010 FIMMTUDAGUR
FÓTBOLTI „Maður hefði viljað vinna
sem stærst en ég tel 3-0 vera fín
úrslit á útivelli,“ sagði Sigurður
Ragnar Eyjólfsson eftir öruggan
sigur kvennalandsliðsins gegn
Króatíu ytra. Ísland hefur 15 stig í
riðli sínum í undankeppni HM eftir
tvo örugga sigra síðustu daga.
Íslenska liðið er klassa fyrir ofan
það króatíska og í raun var bara
spurning um hve stór sigurinn
yrði í gær.
„Þetta var baráttuleikur.
Hann var mjög grófur og það
var fautaskapur í króatíska
liðinu. Völlurinn var rosalega
mjúkur og erfitt að spila mjög
fallegan fótbolta. Okkur tókst þó
oft ágætlega að spila boltanum
á milli okkar og búa til færi. Við
hefðum samt getað nýtt þau betur,
úrslitasendingarnar voru oft að
klikka,“ sagði Sigurður.
Hann segir að dómari leiksins
hafi ekki átt góðan dag. „Ólína
(Viðarsdóttir) var þrumuð niður
löngu eftir að hún var búin að
sparka boltanum og sú sem braut
á henni hefði átt að fá rautt spjald.
Ólína fór meidd af velli í kjölfar-
ið.“
Katrín Jónsdóttir og Margrét
Lára Viðarsdóttir skoruðu í fyrri
hálfleik og Rakel Logadóttir bætti
þriðja markinu við í seinni hálf-
leik. Rakel skoraði annað mark
sem var dæmt af vegna rangstöðu
en það var umdeildur dómur. Sig-
urður nefndi tvö nöfn þegar hann
var beðinn um að nefna þá leik-
menn sem stóðu upp úr í leiknum.
„Sara Björk (Gunnarsdóttir)
var góð á miðjunni Sif (Atladóttir)
komst vel frá leiknum. Varnarlínan
í heild sinni stóð sig vel. Það reyndi
lítið á Þóru í markinu í báðum leikj-
um,“ sagði Sigurður. Ísland vann
Serbíu 2-0 um síðustu helgi.
„Við erum ánægð með að við
leystum þessi verkefni með sóma.
Varnarleikurinn var stabíll, við
héldum hreinu og náðum að skora
nokkur mörk. Þetta er gott vega-
nesti fyrir leikina í sumar en við
vitum ekki fyrr en upp er staðið
hve mörg mörk þarf til að ná betri
markatölu en Frakkland.“
Næsti leikur íslensku stelpnanna
er gegn Norður-Írum laugardaginn
19. júní og vonast Sigurður til að
þær sýni þá sínar bestu hliðar.
„Okkar leikmenn eiga eftir að
komast í miklu betri leikæfingu.
Þær eru allar á undirbúningstíma-
bilinu núna og vorbragur á sumum.
Ég tel okkur eiga heilmikið inni
sem lið og ég hlakka til að sjá liðið
á Laugardalsvelli í sumar. Við
eigum tvo leiki þar í sumar áður
en við mætum Frökkum á menn-
ingarnótt,“ sagði Sigurður Ragnar
Eyjólfsson. - egm
Landsliðsþjálfarinn Sigurður Ragnar Eyjólfsson var ánægður með sigur íslenska liðsins í Króatíu:
Tel okkur eiga heilmikið inni sem lið
BRAUT ÍSINN Í KRÓATÍU Fyrirliðinn Katrín Jónsdóttir kom íslenska kvennalandsliðinu
yfir gegn því króatíska í gær. MYND/OSSI AHOLA
HANDBOLTI Handboltamaðurinn
Arnór Þór Gunnarsson yfirgefur
herbúðir Vals eftir yfirstandandi
tímabil hér heima.
Arnór er hornamaður og ætlar
að ganga til liðs við þýska félagið
TV Bittenfelds sem leikur í suð-
urriðli þýsku 2. deildarinnar þar
sem liðið er í fjórða sæti.
Landsliðsmarkvörðurinn
Björgvin Páll Gústavsson lék með
Bittenfeld. - egm
Valsmenn missa mann:
Arnór Þór til
Þýskalands
Á LEIÐ TIL ÞÝSKALANDS Arnór Þór
yfirgefur herbúðir Vals. FRÉTTABLAÐIÐ/STEFÁN
FÓTBOLTI Búist er við að sóknar-
maðurinn Wayne Rooney verði
frá keppni í tvær til fjórar vikur
eftir ökklameiðslin sem hann
hlaut gegn Bayern München í
Meistaradeildinni. Það er því
ljóst að Rooney verður ekki með
gegn Chelsea á laugardaginn í
toppslag ensku úrvalsdeildar-
innar og missir einnig af seinni
leiknum gegn Bayern München.
„Við getum alveg spilað án
Wayne Rooney,“ sagði mark-
vörðurinn Edwin van der Sar.
„Við spiluðum án hans á móti
Bolton og það getur alltaf gerst
að við missum menn í meiðsli.
Auðvitað viljum við að okkar
bestu menn séu alltaf til taks en
þeir sem koma inn í staðinn geta
líka staðið sig vel.“
Nú reynir á Búlgarann Dimit-
ar Berbatov sem þarf að stíga
upp. „Það er auðvitað áfall að
missa Rooney en við eigum
fleiri góða leikmenn. Berbatov,
Antonio Valencia og Ryan Giggs
komu af bekknum gegn Bayern
sem sýnir ákveðin gæði,“ sagði
Darren Fletcher.
United tapaði leiknum 2-1 á
þriðjudag en Fletcher segir ein-
víginu fjarri því að vera lokið.
„Okkur líður alltaf best á Old
Trafford sama hver mótherj-
inn er. Bayern er gott lið en
það góða við þetta lið er að við
komum alltaf til baka eftir úrslit
sem valda vonbrigðum,“ segir
Fletcher. -egm
Englandsmeistararnir:
Þurfa að spjara
sig án Rooney
Á HÆKJUNUM Rooney við komuna til
Manchester. NORDICPHOTOS/GETTY