Fréttablaðið - 06.05.2010, Blaðsíða 2
2 6. maí 2010 FIMMTUDAGUR
LÖGREGLUMÁL Mennirnir tveir sem
grunaðir eru um árás á eldri hjón
og dóttur þeirra í Reykjanesbæ
á mánudagskvöld hlutu í október
síðastliðnum fangelsisdóma fyrir
aðild sína að ráni á Barðaströnd
á Seltjarnarnesi. Þeir áfrýjuðu til
Hæstaréttar og hafa síðan gengið
lausir.
Mennirnir tveir, Viktor Már
Axelsson og Axel Karl Gíslason,
voru í gær úrskurðaðir í vikulangt
gæsluvarðhald vegna árásarinnar.
Þeir hafa ekki játað sök.
Maðurinn sem ráðist var á varð
verst úti. Hann nefbrotnaði, hand-
leggsbrotnaði og er lemstraður um
allan líkamann. Konurnar sluppu
betur. Hnífur var dreginn upp í
átökunum en enginn varð fyrir
áverkum af honum.
Mennirnir voru handteknir á
gangi í nágrenninu um klukku-
stund síðar. Lögreglan taldi sig þá
vita hverjir höfðu verið að verki.
Hjónin hafa verið í miklu áfalli
síðan ráðist var á þau og vart þorað
út úr húsi, samkvæmt heimildum
Fréttablaðsins.
Svo virðist sem árásarmennirn-
ir hafi verið við hús hjónanna á
mánudagskvöld til að rukka barna-
barn þeirra, karlmann um tvítugt,
um nokkurra tuga þúsunda króna
skuld við aðra manneskju. Skuld-
in mun ekki vera tilkomin vegna
fíkniefnaviðskipta.
Mennirnir voru sem áður segir
úrskurðaðir í vikulangt gæsluvarð-
hald á grundvelli rannsóknarhags-
muna í gær. Annar þeirra kærði
úrskurðinn til Hæstaréttar.
Rannsókn málsins stendur enn.
Búið er að yfirheyra árásarmenn-
ina og þolendurna en enn á eftir að
yfirheyra fleiri. stigur@frettabladid.is
Nýdæmdir ofbeldis-
menn gengu lausir
Mennirnir tveir sem börðu eldri hjón í Reykjanesbæ voru dæmdir í fangelsi í
október. Annar þeirra hafði rænt aldraðan úrsmið og hinn lagt á ráðin um það.
Þeir hafa síðan beðið dóms Hæstaréttar og verið frjálsir ferða sinna á meðan.
■ Axel Karl komst fyrst í fréttir árið 2005, þá sextán ára gamall, fyrir að ræna
starfsmanni Bónuss á Seltjarnarnesi, neyða hann með hótunum ofan í
skott á bíl og krefja hann svo um 30 þúsund krónur sem maðurinn tók
út úr hraðbanka. Axel var þá á skilorði. Fyrir þetta hlaut Axel tveggja ára
fangelsisdóm. Hann hefur síðan verið þekktur sem yngsti mannræningi
Íslandssögunnar.
■ Í mars 2007 strauk Axel frá fangavörðum þegar hann var hjá tannlækni.
Hann braust inn í félagsmiðstöð og var skömmu síðar handtekinn.
■ Axel hefur síðan hlotið nokkra fangelsisdóma, einkum fyrir fíkniefnabrot.
Bróðir hans hefur einnig hlotið dóm fyrir að hafa ætlað að smygla 37
grömmum af hassi inn á Litla-Hraun til hans.
■ Viktor var handtekinn í fyrra eftir innbrot til úrsmiðs á Barðaströnd. Þegar
Viktor og félagi hans gengu óvænt í flasið á öldruðum úrsmiðnum gekk
Viktor í skrokk á honum og batt hann á höndum og fótum áður en menn-
irnir rændu af honum úrum og öðrum verðmætum.
■ Tveimur dögum eftir að Viktor losnaði úr gæsluvarðhaldi vegna ránsins var
hann handtekinn á ný fyrir tvö innbrot og úrskurðaður í síbrotagæslu. Þegar
hann sat á Litla-Hrauni ræddi hann við Ísland í dag og sagðist ætla að bæta
ráð sitt.
■ Viktor var dæmdur í tveggja ára fangelsi fyrir ránið. Axel Karl var dæmdur
fyrir að skipuleggja innbrotið og hlaut 20 mánaða fangelsi, þar af var stór
hluti eftirstöðvar af öðrum dómi.
Skrautlegur ferill Axels og Viktors
AXEL KARL GÍSLASON VIKTOR MÁR AXELSSON
Steinunn, eru þetta hjól
atvinnulífsins sem eru farin að
snúast?
„Já, þau eru farin að snúast en
vonandi fer þetta ekki út í neina
vitleysu.“
Átaksverkefnið Hjólað í vinnuna hófst
í gær. Steinunn Sigurðardóttir hjá End-
urhæfingu hefur tekið þátt í átakinu frá
upphafi.
STJÓRNSÝSLA Á bilinu tíu til
fimmtán tillögur bárust um nafn
sameinaðs sveitarfélags Arnar-
neshrepps og Hörgárbyggðar í
Eyjafirði. Sameiningin var sam-
þykkt nýverið í íbúakosningu
og tekur hún gildi eftir sveitar-
stjórnarkosningarnar í lok mán-
aðarins.
Forkólfar sveitarfélaganna
völdu fimm tillögur og sendu
Örnefnanefnd til umsagnar.
Kosið verður á milli tillagnanna
samhliða sveitarstjórnarkosning-
unum. - bþs
Nafn sameinaðs sveitarfélags:
Örnefnanefnd
metur tillögur
STJÓRNMÁL Næstbesti flokkurinn
var stofnaður í Kópavogi á mánu-
dag og hyggst bjóða fram til sveit-
arstjórnar. Hjálmar Hjálmarsson,
einn forsvarsmanna flokksins,
segir unnið að því að koma saman
lista.
Helstu baráttumál séu að gera
lífið í Kópavogi skemmtilegra,
endurreisa Hamraborgina sem
hjarta Kópavogs og gera að göngu-
götu. „Þá viljum við endurreisa þá
virðulegu stofnun Kópavogshæli
og gera Kópavog að hæli fyrir alla
sem finna sig ekki í samkeppnis -
umhverfinu og keppa að því að
vera bestir. Það er fínt að vera
næstbestur.“ - kóp
Nýtt framboð í Kópavogi:
Stofna Næst-
besta flokkinn
VEÐUR Landsmenn hafa greinilega
fundið fyrir auknum hlýindum
síðustu daga eftir langan kulda-
kafla sem mörgum þótti teygja
sig óþarflega langt fram á vorið.
Ekki er að efa að sundlaugar
fyllist og grill verði tekin fram,
og væntanlega leggja margir
land undir fót um helgina.
Fram á laugardag er spáð 8 til
18 stiga hita, reyndar með svolít-
illi rigningu norðan- og vestan-
lands en þurrt að kalla sunnan-
og austanlands. Hlýjast verður
austantil.
Á sunnudag er spáð aðeins
lægri hita, eða 2 til 15 stigum,
og verður þá svalast norðaustan-
lands en hlýjast um landið sunn-
anvert. Úrkomulítið verður víðast
hvar og helst þetta fram á þriðju-
dag hið minnsta.
- gb
Veðurblíðu spáð um land allt eftir hvimleiðan kuldakafla:
Sumarið er greinilega komið
Sala áfengis
Jan-apr. 2010 2009 %
Rauðvín 488 508 -3.9
Hvítvín 287 297 -3.5
Lagerbjór 4.186 4.534 -7.7
Sterkt vín 83 109 -24.2
Bl. drykkir 37 57 -35.7
Samtals 5.29 5.7 -7.8
Í ÞÚSUNDUM LÍTRA
VIÐSKIPTI Sala áfengis hefur dreg-
ist saman það sem af er árinu um
7,8 prósent í lítrum talið miðað
við sama tímabil árið 2009. Þetta
kemur fram á vefsíðu Vínbúðar-
innar.
Ekki er raunhæft að bera
saman sölu í apríl á milli ára þar
sem páskarnir hafa mikil áhrif,
en í ár var áfengissalan fyrir
páskana í mars en var í apríl í
fyrra.
Sala hefur minnkað í nær öllum
flokkum áfengis en mismikið. Það
sem af er árinu er samdrátturinn
hins vegar mest áberandi í sterk-
um og blönduðum drykkjum. - jss
Íslendingar drekka minnna:
Sala á áfengi
dregst saman
SUNDLAUGAR FYLLAST Þessi mynd var tekin í blíðunni á Akureyri í gær.
MYND/AUÐUNN NÍELSSON
GRIKKLAND, AP Þrír létust þegar
eldur kviknaði í banka í Aþenu í gær.
Tugir þúsunda manna mótmæltu
aðhaldsaðgerðum stjórnvalda, auk
þess sem tveggja daga allsherjar-
verkfall lamaði allt þjóðlíf.
Mótmælendur kveiku í að minnsta
kosti tveimur húsum og nokkrum
bifreiðum. Lík mannanna þriggja
fundust í rústum útibús Marfin-
banka í miðborginni.
Mótmælendurnir hrópuðu
„þjófar“ og reyndu að komast í
gegnum raðir lögreglu, sem hafði
girt af þinghúsið. Einnig ráku mót-
mælendur heiðursverði frá gröf
óþekkta hermannsins, sem er fyrir
utan þinghúsið.
Mótmælendurnir beina reiði sinni
að boðuðum sparnaðaraðgerðum
stjórnvalda, sem koma bætast við
fyrri aðhaldsaðgerðir og bitna hart
á almenningi. Bæði laun og eftirlaun
ríkisstarfsmanna verða lækkuð og
nýir neysluskattar lagðir á fólk.
Alþjóðagjaldeyrissjóðurinn setti
stjórn Grikklands ströng skilyrði
um að draga úr ríkisútgjöldum
þegar samþykkt var að veita Grikkj-
um fjárhagsaðstoð til að sigrast á
skuldavanda ríkisins, sem ógnar
stöðugleika evrunnar. - gb
Þrír létust í eldsvoða í Grikklandi í tengslum við mótmæli gegn stjórninni:
Kveikt í húsum og bifreiðum
ÁTÖK Í AÞENU Eldsprengjum var varpað
á fólk sem mátti hafa sig allt við að
forða sér. NORDICPHOTOS/AFP
ORKUMÁL „Það hefur verið tekin
ákvörðun um það af hálfu núver-
andi meirihluta að fara ekki í
gjaldskrárhækkanir hjá Orku-
veitunni,“ segir Hanna Birna
Kristjánsdóttir borgarstjóri.
Matsfyrirtækið Moody‘s gaf
á dögunum út þá yfirlýsingu að
horfur um mat á lánshæfi OR
væru áfram neikvæðar.
Ein ástæða þess var sú að
gjaldskrá Orkuveitunnar hefur
ekki verið hækkuð þótt tekjur
hafi rýrnað vegna verðbólgu.
„Við höfum sagt í borgar-
stjórn Reykjavíkur að við
viljum standa með borgarbú-
um við þessar erfiðu aðstæð-
ur. Á meðan erfiðleikarnir eru
að ganga yfir höfum við viljað
halda í við okkur með allar
gjaldskrárhækkanir. En það
bíður auðvitað nýrrar stjórnar
að taka afstöðu til þess,“ segir
Hanna Birna.
Ný stjórn Orkuveitunnar
verður kosin á aðalfundi sem
haldinn verður í júní. -bj/pg
Borgarstjóri um Orkuveituna:
Rafmagn og
hiti hækki ekki
ELDGOS Vart var svefnfriður
undir Eyjafjöllum í fyrrinótt þar
sem háværar drunur heyrðust
frá eldstöðinni í Eyjafjallajökli.
Ekkert bendir til þess að gos-
inu í Eyjafjallajökli sé að ljúka.
Þetta kemur fram í stöðuskýrslu
Veðurstofu Íslands og Jarðvís-
indastofnunar Háskólans.
Undir kvöld í gær fór gos-
mökkurinn hækkandi og náði
31 þúsund fetum en hafði verið
undir 20 þúsund fetum fyrr um
daginn. „Aukin skjálftavirkni
bendir til þess að nýtt efni sé
að koma djúpt að upp undir
fjallið og GPS-mælingar benda
til útþenslu á ný,“ segir í stöðu-
skýrslunni. - gar
Drunur undir Eyjafjöllum:
Gosmökkurinn
stígur hærra
SPURNING DAGSINS