Fréttablaðið - 06.05.2010, Síða 48

36 6. maí 2010 FIMMTUDAGUR
menning@frettabladid.is
Í dag verða síðustu hádegistónleikar vetrarins
í Hafnarborg og hefjast að vanda kl. 12. Þar
koma fram Jóhann Smári Sævarsson bassi og
Antonía Hevesi píanóleikari. Á dagskrá verða
aríur eftir Verdi, Mozart og Boito og ber dag-
skráin yfirskriftina Ást og aldur.
Jóhann Smári Sævarsson hóf söngnám við
Tónlistarskólann í Keflavík hjá Árna Sighvats-
syni og við Nýja tónlistarskólann hjá Sigurði
Demetz. Hann stundaði framhaldsnám í Lond-
on og söng síðan í Kölnaróperunni í þrjú ár.
Meðal verka á tónleikum eru Requiem Verdis,
Requiem Mozarts, 9. sinfónía Beethovens,
8. sinfónía Mahlers, Sköpunin eftir Haydn og
Hallgrímspassía eftir Sigurð Sævarsson. Jóhann
hefur haldið ljóðatónleika hérlendis og erlendis,
þar á meðal Vetrarferðina eftir Schubert. Þá
hefur Jóhann komið fram í sjónvarpi og útvarpi
bæði hér heima og erlendis. Antonía Hevesi er
listrænn stjórnandi og píanóleikari hádegistón-
leikaraðar Hafnarborgar. Tónleikarnir standa yfir
í um hálfa klukkustund og eru öllum opnir á
meðan húsrúm leyfir.
Ástin og aldurinn takast á
TÓNLIST Jóhann og Antonía við æfingar í gær
FRÉTTABLAÐIÐ/VALLI
> Ekki missa af …
síðustu tónleikum Scott McLemore
ásamt hljómsveit á Múlanum sem
verða í kvöld kl. 21. Hann hefur
undanfarin kvöld flutt ásamt íslensku
bandi sem hann hefur sett saman af
þessu tilefni eigin tónlist í fyrsta skipti
síðan hann flutti hingað til lands.
Hljómsveitin mun spila nýtt efni í
bland við lög af diski Scotts, „Found
Music“. Tónlist sem sækir efnivið sinn
jafnt í bebop, frjálsan djass og dægur-
tónlist. Með Scott leika Óskar Guð-
jónsson saxófónleikari, Andrés Þór
Gunnlaugsson gítarleikari, á píanó
og Wurlitzer leikur Sunna Gunnlaugs-
dóttir og á bassa Róbert Þórhallsson.
Frábær tónleikaveisla fram undan
sem enginn má missa af.
ath. kl. 21.
Í kvöld gefst einstakt tækifæri fyrir tón-
listaráhugafólk að sjá og heyra í blues-
sveitinni BluesAkademíunni. Sveitin
hefur getið sér einkar gott orð fyrir frum-
legan og kraftmikinn flutning á þekkt-
um og óþekktum standördum auk flutn-
ings á eigin efni. BluesAkademíuna skipa
Sigurður Sigurðarson munnhörpuleikari
og söngvari, Tryggvi Hübner gítar, Pjet-
ur Stefánsson gítar og söngur, Jón Borg-
ar Loftsson trommur, Páll Elfar Pálsson
bassi. Sérstakur gestur akademíunnar
þetta kvöld verður Jens Hansson hljóm-
borðs- og saxófónleikari.
Réttur mánuður er eftir af
starfsári Sinfóníunnar en
margt merkilegt er á efnis-
skrá hennar sem eftir lifir
ársins: í kvöld er gestur
hennar Jon Kimura Parker
og leikur fyrsta píanókons-
ert Brahms. Jon er marg-
verðlaunaður kanadískur
píanóleikari, menntaður í
Juilliard-skólanum í New
York þaðan sem hann lauk
doktorsprófi.
Hann vakti heimsathygli þegar
hann hreppti gullverðlaun í
Leeds-píanókeppninni árið 1984,
þar sem hann lék einmitt píanó-
konsert nr. 1 eftir Brahms í loka-
umferðinni. Fjöldi þekktra pían-
ista hefur gegnum tíðina staðið
á sigurpallinum í Leeds, og má
þar nefna Murray Perahia, Radu
Lupu, Mitsuko Uchida og András
Schiff.
Jon er auk þess vinsæll þátta-
stjórnandi og hefur stýrt sjón-
varpsþætti um sígilda tónlist,
Whole Notes, á Bravo-sjónvarps-
stöðinni í Kanada. Hann er próf-
essor í píanóleik við Shepherd
School of Music í Houston og
hefur haldið meistaranámskeið
víða um heim, meðal annars við
Juilliard og Yale.
Á efnisskrá kvöldsins er þess
einnig minnst að 200 ár eru liðin
frá fæðingu Schumanns. Fyrsta
sinfónía Roberts Schumann eða
„Vorsinfónían“, sem er sú glað-
legasta og vinsælasta af fjórum
sinfóníum hans, er einnig á efnis-
skránni. Verkin voru samin með
fárra ára bili: Píanókonsert nr. 1
í d-moll 1854-58 en sinfónía nr.
1 í B-dúr op. 38, „Vorsinfónían“
1841.
Hljómsveitarstjóri kvöldsins er
Norðmaðurinn Arild Remmereit.
Hann nam píanóleik, söng og tón-
smíðar við Tónlistarháskólann í
Ósló, en lærði hljómsveitarstjórn
hjá Karl Österreicher við Tónlist-
arháskólann í Vínarborg á árun-
um 1987–92. Hann var aðstoðar-
maður Leonards Bernstein um
nokkurra ára skeið og hóf feril
sinn sem stjórnandi Wiener Res-
idenz Orchester og við Úkraínsku
þjóðaróperuna.
Remmereit hefur stjórnað
fjölda hljómsveita og fengið lof-
samlegar viðtökur áheyrenda
jafnt sem gagnrýnenda. Meðal
þeirra sveita sem hann hefur
stýrt má nefna sinfóníuhljóm-
sveitirnar í Baltimore, Dallas,
Detroit, Pittsburgh og Vínarborg,
Fílharmóníuhljómsveitirnar í
München og Tókýó, Þýsku sin-
fóníuhljómsveitina í Berlín, Moz-
arteum-hljómsveitina í Salzburg
og La Scala í Mílanó.
Remmereit hefur oft hlaupið
í skarðið fyrir aðra stjórnendur
á síðustu stundu, eins og hann
gerir með Sinfóníuhljómsveit
Íslands nú þar sem Andrew Litt-
on þurfti að breyta ferðaáætlun
sinni vegna tónleikaferðar um
Ástralíu. Vorið 2005 sagði Ricc-
ardo Muti starfi sínu lausu sem
aðalstjórnandi Scala-óperunnar
og Remmereit var fenginn til að
stjórna tónleikum hljómsveitar-
innar þar með nokkurra daga fyr-
irvara; seinna sama ár stjórnaði
hann hljómsveitum bæði í Evr-
ópu og Bandaríkjunum í forföll-
um Christophs von Dohnányi og
Daniels Harding. Sama var uppi
á teningnum þegar Leonard Slat-
kin fékk hjartaáfall í nóvember í
fyrra; þá hringdi Sinfóníuhljóm-
sveit Detroit-borgar í Remmer-
eit sem hljóp í skarðið með litlum
fyrirvara. New York Times skrif-
aði um Remmereit að hann væri
„the hottest conductor you’ve
never heard of“, en ef fram
heldur sem horfir munu margir
þekkja störf hans áður en langt
um líður.
Vinafélag Sinfóníuhljómsveit-
ar Íslands heldur tónleikakynn-
ingu á undan tónleikunum í kvöld.
Árni Heimir Ingólfsson tónlist-
arstjóri fjallar um Vorsinfóníuna
eftir Schumann og píanókons-
ert Brahms, auk þess sem hann
segir frá því sem ber hæst á
næsta starfsári hljómsveitarinn-
ar. Kynningin fer fram í Safnað-
arheimili Neskirkju og hefst kl.
18. Hægt er að kaupa ljúffenga
súpu á 1.500 kr. og allir eru vel-
komnir. pbb@frettabladid.is
RÓMANTÍK Í KVÖLD
TÓNLIST Jon Kimura Parker við æfingar í gær. Það er teygt milli æfinga hjá Sinfóní-
unni svo menn stirðni síður eftir átökin. Á myndinn má sjá þau Guðnýju Guðmunds-
dóttur konsertmeistara og Einar Jóhannesson með Joni. MYND FRÉTTABLAÐIÐ/GVA
Hinn íslenski/hollenski kvik-
myndagerðarmaður, Kris Krist-
insson, mun frumsýna tvær mynd-
ir í Norræna húsinu í kvöld kl.
19.30. Þetta eru myndirnar Ruta
del Jaca (73 mín.) og fyrstu tveir
kaflar myndarinnar Hjörtu vita
(32 mín.) sem er enn í vinnslu.
Báðar myndirnar hafa kraft-
mikla hljóðmynd; báðar flakka
þær milli heima, raunverulegra
og óraunverulegra; og báðar skapa
þær sterkar svipmyndir frá þrem-
ur heimsálfum og ólíkum menn-
ingarheimum.
Myndin Hjörtu vita fjallar um
brúði (Unnur Andrea Einarsdótt-
ir) sem berst um í íslensku lands-
lagi og spilar öskuský stórt hlut-
verk í þeim senum. Greinilegt er
að brúðurin er í uppnámi en ekki
er ljóst af hverju.
Á milli sena koma svo Íslend-
ingar og útskýra/túlka hvað veld-
ur hugarangri brúðarinnar. Þeirra
ímyndunarafl og fantasíur skapa
þannig frásögnina af brúðinni.
Kris Kristinsson ólst upp í Hol-
landi, faðir hans er Jón Kristins-
son arkitekt og móðir hans er Riet
Reitsema.
Kris vann í fimm ár í Tókýó
sem þýðandi úr japönsku. Síðar
flutti hann til Perú og þar gerði
hann myndina Ruta del Jaca sem
styrkt var af hollenska kvik-
myndasjóðnum og var frumsýnd
á Holland Film Festival 2009. - pbb
Bíó í Norræna húsinu
KVIKMYNDIR Unnur Andrea Jónsdóttir í
hlutverki sínu í Hjörtun vita.
MYND KRIS KRISTINSSON
1
3
5
7
9
2
4
6
8
10
Matur og drykkur
Helga Sigurðardóttir
Rannsóknarskýrsla Alþingis
Rannsóknarnefnd Alþingis
Góða nótt, yndið mitt - kilja
Dorothy Koomson
Fyrirsætumorðin - kilja
James Patterson
Hafmeyjan - kilja
Camilla Läckberg
Hvorki meira né minna - Fanney
R. Elínardóttir/María Elínardóttir
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
28.04.10 - 04.05.10
Nemesis - kilja
Jo Nesbø
Vetrarblóð - kilja
Mons Kallentoft
Sítrónur og saffran - kilja
Kajsa Ingemarsson
Missir - kilja
Guðbergur Bergsson