Fréttablaðið - 06.05.2010, Blaðsíða 62
50 6. maí 2010 FIMMTUDAGUR
sport@frettabladid.is
> Atli líklega ráðinn á morgun
Samningaviðræður Atla Hilmarssonar og handknatt-
leiksdeildar Akureyrar héldu áfram í gær og gengu vel
að sögn að Hannesar Karlssonar, formanns handknatt-
leiksdeildar. „Þetta þokast allt í rétta átt en það þarf að
ganga frá mörgum smáatriðum. Ég er
samt að vonast til þess að við klárum
þetta á morgun [í dag],“ segir Hannes
við Fréttablaðið í gær. Það virðist því
fátt geta komið í veg fyrir að Atli Hilm-
arsson verði næsti þjálfari Akureyrar
en hann mun taka við liðinu af Rúnari
Sigtryggssyni sem stígur til hliðar eftir að
hafa þjálfað fyrir norðan síðustu fimm ár.
Valur tapaði einum heimaleik á síðasta tímabili. Það var í úrslitunum
gegn Haukum og Haukar fögnuðu Íslandsmeistaratitlinum fyrir vikið.
Haukar geta endurtekið leikinn í kvöld og fagnað í Vodafonehöllinni
takist liðinu að leggja Val í fjórða leik liðanna.
„Við töpum ekki í Valsheimilinu. Það var frekar svekkjandi að tapa
þessum eina leik í fyrra og þurfa að
horfa upp á andstæðinginn fagna
Íslandsmeistaratitli eftir það. Það má
ekki gerast aftur,“ sagði Valsarinn Sig-
urður Eggertsson. Hann segir að áætlun
Valsmanna hafi verið að fagna sjálfir í kvöld
en nú er ljóst að Valur þarf að vinna í kvöld
og á Ásvöllum í kjölfarið ætli liðið sér að verða
meistari.
„Það er frekar fúlt. Það er ekkert gaman að
fagna á Ásvöllum. Lélegar sturtur og engin sápa í
sturtunni, það hefur aldrei verið sápa í sturtunni
hjá þeim,“ sagði Sigurður en síðast þegar Valur varð meistari var það
einmitt á heimavelli Haukanna.
Haukar voru miklu betri í þriðja leik liðanna og Valur
sá aldrei til sólar. „Það vantaði alla stemningu og
greddu í okkur. Vörnin og markvarslan ekki til staðar.
Ég get ekki útskýrt það,“ sagði Sigurður en
drengir Arons Kristjánssonar í Haukum sýndu
loksins sitt rétta andlit í þeim leik.
„Við eyddum miklum tíma í að
ræða hugarfar og hvernig við sköpum
stemningu. Það skapaði meðvitund hjá
mönnum og það skilaði sér. Við þurfum
að gera meira af því í næsta leik,“ sagði
Aron sem sendi leikmenn sína heim
með heimaverkefni fyrir þann leik svo
þeir gætu hugsað vandlega um hvað
þeir gætu gert fyrir liðið.
HAUKAR GETA ORÐIÐ MEISTARAR Í KVÖLD: SIGURÐUR EGGERTSSON OG ARON KRISTJÁNSSON SPÁ Í LEIKINN
Fagna Haukar annað árið í röð að Hlíðarenda?
KÖRFUBOLTI Hlynur Bæringsson
hefur gengið frá tveggja ára samn-
ingi við sænska úrvalsdeildarfé-
lagið Sundsvall Dragons. Hann
yfirgefur því Snæfell eftir glæsi-
legt tímabil þar sem liðið varð
bæði Íslands- og bikarmeistari og
Hlynur var valinn besti leikmaður
deildarinnar sem og úrslitakeppn-
innar.
„Það er varla hægt að velja betri
tímapunkt til þess að fara frá Snæ-
felli,“ sagði Hlynur við Frétta-
blaðið. „Það yrði mjög erfitt fyrir
mig að toppa þetta tímabil hér á
Íslandi. Það er því góð tilfinning
að geta farið núna. Hún hefði ef
til vill verið öðruvísi ef við hefð-
um rétt misst af titlinum enn og
aftur.“
Hann segist jafnframt vera
ánægður með samninginn og
spenntur fyrir því að komast í
atvinnumennskuna á nýjan leik.
Hlynur lék áður í hollensku úrvals-
deildinni, tímabilið 2005-6.
„Þetta var vissulega skemmti-
leg upplifun en hvað körfuboltann
varðar var tímabilið í Hollandi von-
brigði. Mér gekk sjálfum ágætlega
og komst til dæmis í stjörnuleik-
inn en liðið sjálft og allt í kringum
það olli ákveðnum vonbrigðum. Ég
ætlaði mér því alltaf að fara aftur
út því ég gat ekki ímyndað mér að
þetta yrði mitt eina ár í atvinnu-
mennskunni.“
Hlynur verður 28 ára gamall í
sumar og á því enn sín bestu ár
eftir í körfuboltanum. „Ég ætla að
spila lengi og tel mig ekki búinn
að toppa. Ég held að þar fyrir utan
sé engin regla á því hvenær leik-
menn toppa heldur ráðist það af
því hvernig menn hugsa um sig og
hvernig menn æfa. Sjálfur hef ég
breytt mínu æfingamunstri síðustu
ár og á ekki von á því að ég toppi
fyrr en eftir nokkur ár. Þetta er
því gott skref fyrir minn feril.“
Hann segir að viðræðurnar við
Sundsvall eigi sér langan aðdrag-
anda. „Það voru einhverjar þreif-
ingar í haust og svo kom ekkert úr
því. Það var svo fylgst með mér í
gegnum Netið í vetur og þeir fengu
líka einhverjar upptökur. Þjálfar-
inn kom svo til landsins og sá mig
spila í tveimur leikjum í KR-serí-
unni í úrslitakeppninni. Samning-
urinn var svo sendur til mín eftir
að tímabilinu lauk.“
Jakob Örn Sigurðarson lék með
Sundsvall í vetur við góðan orðstír.
Hlynur segir að það hafi hjálpað
sér mikið.
„Jakob gat mælt með mér og
það varð til þess að þeir byrjuðu
að fylgjast með mér. En ég held að
fyrst og fremst hafi hann hjálp-
að mér með því að standa sig svo
vel sjálfur. Hann var sjálfur í
KR í fyrra og sýndi að leikmenn
úr íslensku deildinni eigi erindi í
sterkari deildir. Ég held að eðlilega
séu félög í Evrópu ekki endilega að
líta fyrst til Íslands þegar þau eru
að leita að nýjum leikmönnum.“
Sundsvall náði þriðja sæti deild-
arinnar í vor en féll úr leik strax
í fyrstu umferð úrslitakeppninn-
ar. „Þetta er lið sem stefnir alltaf
hátt og varð til að mynda meistari
í fyrra. Svo koma ár eins og þetta
inn á milli en það er þó gott að vita
til þess að ég er að fara til liðs sem
stefnir alltaf eins hátt og mögulegt
er,“ sagði Hlynur.
Spurður hvort nýliðið tímabil
hafi verið hans besta sagði hann
svo vera. „Þetta var mitt langbesta
tímabil og mér fannst ég hafa náð
að færa mig upp á annað „level“.
Ég æfði mjög vel síðasta sumar og
það skilaði sér.“
Tímabilið gekk þó ekki vand-
ræðalaust fyrir sig en erfiðleikar
utan vallar vegna persónulegra
mála höfðu sín áhrif á lið Snæ-
fells í vetur.
„Það hefur mikið gengið á og
þetta var ekki alltaf auðvelt. Þetta
hjálpaði okkur kannski að því leyti
að hópurinn var orðinn mjög sam-
heldinn. Tilfinningin þegar við
urðum meistarar með þennan hóp
leikmanna varð jafnvel enn betri
fyrir vikið. En þetta var alls ekki
auðvelt.“
eirikur@frettabladid.is
Ætlaði alltaf aftur í atvinnumennsku
Hlynur Bæringsson mun yfirgefa Íslands- og bikarmeistara Snæfells í sumar en hann gekk í vikunni frá
tveggja ára samningi við sænska úrvalsdeildarfélagið Sundsvall Dragons. „Mjög spennandi,“ segir Hlynur.
Á LEIÐ TIL SVÍÞJÓÐAR Hlynur Bæringsson og Jakob Örn Sigurðarson verða liðsfélagar
í Svíþjóð á næsta tímabili. FRÉTTABLAÐIÐ/DANÍEL
FÓTBOLTI Rafn Andri Haraldsson
mun væntanlega ekkert leika með
Blikum í Pepsi-deild karla í sumar
þar sem hann er líklega með slit-
ið krossband í hné. Hann meiddist
í úrslitaleik Lengjubikarsins um
helgina er Breiðablik tapaði fyrir
KR. Í gær fékk hann svo að vita að
meiðsli hans væru alvarleg.
„Læknirinn sagði 99,9 prósenta
líkur á að krossbandið væri slitið,“
sagði Rafn Andri. „En ég á reynd-
ar eftir að fara í segulómskoðun en
það lítur ekki út fyrir annað en að
ég sé á leið í aðgerð og verði þá frá
í langan tíma.“
Rafn Andri hefur aldrei þurft
að glíma við svo alvarleg meiðsli
áður og viðurkennir að um gríðar-
leg vonbrigði sé að ræða.
„Mér var búið að ganga mjög
vel á undirbúningstímabilinu og
liðið er líka í fínu standi. Ég hafði
mjög góða tilfinningu fyrir sumr-
inu og það er svekkjandi að geta
ekki verið með. Ætli ég verði ekki
orðinn klár þegar næsta undirbún-
ingstímabil hefst. Það er sjö mán-
aða langt og frábært að fá að taka
tvö slík í röð,“ segir hann í kald-
hæðnislegum tón og hlær.
Hann segir að lið Breiðabliks
geti vel blandað sér í toppbaráttuna
í sumar. „Liðið er nógu sterkt til að
halda sér við topp deildarinnar. Ég
sé alls ekki eftir því að hafa farið
í Kópavoginn enda er þarna allt til
alls. Þetta er líka virkilega góður
hópur og alltaf gaman á æfingum
sem er góður kostur.“ - esá
Rafn Andri Haraldsson, Breiðabliki, líklega með slitið krossband í hné:
„Frábært“ að fá að taka tvö
undirbúningstímabil í röð
RAFN ANDRI Missir líklega af tímabilinu í
sumar. FRÉTTABLAÐIÐ/STEFÁN
FÓTBOLTI Knattspyrnusamband
Evrópu staðfesti í gær að Franck
Ribery, leikmaður FC Bayern
München, þarf að taka út þriggja
leikja bann fyrir rauða spjaldið
sem hann fékk gegn Lyon í und-
anúrslitum Meistaradeildar Evr-
ópu. Verður hann því ekki með í
úrslitaleiknum gegn Inter 22. maí
næstkomandi.
Bayern hafði áfrýjað úrskurði
aganefndar sambandsins og
ætlar ekki að gefast upp þrátt
fyrir niðurstöðu gærdagsins.
Bayern mun nú sækja mál sitt
fyrir alþjóðlegum áfrýjunardóm-
stóli íþróttamála í Sviss.
„Þetta finnst okkur harkalegur
dómur og við munum fara eins
langt með málið og við getum,“
sagði Karl-Heinz Rummenigge,
stjórnarformaður Bayern. - esá
Áfrýjun FC Bayern hafnað:
Gefast ekki upp
RIBERY Gengur hér svekktur af velli eftir
að hafa fengið rautt gegn Lyon. AFP
N1 Deildin
KARLAR
Fimmtudagur
Vodafone höll Valur - Haukar 19:30
2009 - 2010
ÚRSLIT - LEIKUR 4