Fréttablaðið - 06.05.2010, Blaðsíða 52

40 6. maí 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Áhugi fyrir „krautrokki“ hefur verið að aukast jafnt og þétt síðustu
ár. Krautrokk er samheiti yfir þá tilraunakenndu rafvæddu þýsku tón-
list sem kom fyrst fram seint á sjöunda áratugnum og náði hámarki á
þeim áttunda. Kraftwerk er að sjálfsögðu langfrægasta hljómsveitin
sem þessi bylgja fæddi af sér, en
sveitir eins og Can, Neu!, Tanger-
ine Dream, Faust og Cluster hafa
líka lengi verið í hávegum hafðar
meðal tónlistaráhugamanna.
Krautrokkið var aldrei sérstök
tónlistarstefna, en breskir fjöl-
miðlamenn bjuggu orðið til um
alla þessa framsæknu og spenn-
andi tónlist sem kom frá Þýska-
landi á þessum tíma. Krautrokkið
hafði mikil áhrif í tónlistarheimin-
um og má heyra þau m.a. hjá David
Bowie, Brian Eno, The Fall, The
Mars Volta, Tortoise, Stereolab og
Wilco.
Það hefur sárlega vantað
almennilega unnið safn með krautrokki, en nú hefur breska eðalútgáf-
an Soul Jazz Records bætt úr því. Soul Jazz á að baki fullt af flottum
endurútgáfum m.a. með reggí, fönki, brasilískri tropicalía-tónlist, no
wave, spunadjassi, soul og hip-hoppi. Og nú er röðin komin að kraut-
rokkinu. Deutsche Elektronische Music, – Experimental German
Rock & Electronic Music 1972 – 1983 er tveggja diska safn sem kom
út um miðjan apríl. Á því eru 24 lög með öllum helstu sveitum þess-
arar tónlistar, nema Kraftwerk. Og eins og venjan er hjá Soul Jazz þá
eru umbúðirnar flottar og 38 blaðsíðna bæklingur hlaðinn upplýsing-
um fylgir. Ótrúlega þéttur pakki.
Og áfram í Þýskalandi. Önnur tvöföld safnplata sem kom út nýlega
heitir Berlin Wall of Sound (61/89). Eins og nafnið bendir til hefur hún
að geyma lög frá Berlín á dögum múrsins. Fyrri diskurinn er helgað-
ur Vestur-Berlín, sá seinni Austur-Berlín. Ekki jafn fullkominn pakki
og sá fyrrnefndi, en skemmtilegur samt.
Þýska tónlistarundrið
MINNING „KRAUTROKKSINS“ LIFIR Can,
Faust, Neu!, Cluster og La Düsseldorf
eiga lög á nýja safninu.
> Í SPILARANUM
The New Pornographers - Together
Ísgerður - Bara plata
Frightened Rabbit - The Winter of Mixed Drinks
Keane - Night Train
Ólafur Arnalds - ... and they have escaped the weight of
darkness
THE NEW PORNOGRAPHERS ÓLAFUR ARNALDS
■ Hinn 21. apríl árið 1990 skaust lagið Nothing Compares
2 U í flutningi hinnar írsku Sinéad O‘Connor á topp
bandaríska Billboard-listans. Þar sat lagið í mánuð og
gerði söngkonuna að stórstjörnu.
■ Nothing Compares 2 U var samið af Prince og uppruna-
lega flutt af hljómsveit hans, The Family.
■ Lagið er um leik- og söngkonuna Susönnu Mel-
voin. Hún starfaði með Prince en ásamt því
hefur hún sungið bakraddir hjá Eric Clapton
og Roger Waters.
■ Hún lék einnig grúpppíu í kvikmyndinni
Cavedweller frá árinu 2004.
■ Nothing Compares 2 U fór á toppinn
í 13 löndum, en náði fimmta sæti á
franska vinsældalistanum.
■ Lagið er í 162. sæti á lista tímaritsins
Rolling Stone yfir 500 bestu lög allra tíma.
■ Ástralar og Hollendingar dýrkuðu lagið, en þar var lagið
það vinsælasta árið 1990.
■ Myndbandið við lagið var það fyrsta með söngkonu sem
var valið myndband ársins á verðlaunahátíð MTV.
■ Sinéad O‘Connor hefur aðeins náð einu toppsæti á vin-
sældalista eftir Nothing Compares 2 U. Það var lagið The
Emperor’s New Clothes sem fór í fyrsta sæti bandaríska
rokklistans.
■ Plötur Sinéad O‘Connor hafa selst
í tæplega 16 milljónum eintaka um
allan heim. Platan I Do Not Wan‘t
What I Haven‘t Got, sem innihélt
smellinn Nothing Compares 2 U,
seldist í 7 milljónum eintaka.
TÍMAVÉLIN NOTHING COMPARES 2 U FER Á TOPPINN ÁRIÐ 1990
Sinéad O‘Connor slær í gegn
Hljómsveitin Feldberg er nýkomin
heim frá London þar sem hún tók
þátt í kynningarpartíi fyrir safn-
plötuna Kitsuné Maison Compilat-
ion 9 sem er nýkomin út á vegum
franska fyrirtækisins Kits uné
Maison. Þar er að finna lagið
Dreamin´ af fyrstu plötu Feldberg
sem kom út fyrir jól.
Hljómsveitin notaði tækifærið
og spilaði á nokkrum tónleikum í
London, þar á meðal órafmagnað
í ljósmyndabúðinni Lomography í
Soho-hverfinu. Hún er í eigu Höddu
Hreiðarsdóttur og er eina búð sinn-
ar tegundar í London. Benni Hemm
Hemm hefur áður stigið þar á svið.
„Þetta var voða kósí búð í hjarta
Soho. Það var svolítið öðruvísi að
spila þarna en samt skemmtilegt,“
segir Einar Tönsberg, annar helm-
ingur Feldberg.
Hljómsveitin er aftur á leiðinni
til Bretlands því í næstu viku spil-
ar hún á tónlistarhátíðinni The
Great Escape í borginni Brighton.
„Þetta verður mjög skemmtilegt.
Við spilum á skemmtilegu sviði og
okkur líst mjög vel á þetta,“ segir
Einar. Yfir 350 flytjendur koma
fram á hátíðinni, sem hefur verið
haldin við góðar undirtektir frá
árinu 2006.
Boðskapur Feldberg breiðist
víðar út, því plata dúettsins kemur
út í Japan 9. júní hjá sama útgáfu-
félagi og gaf út síðustu tvær plötur
Ebergs, sólóverkefnis Einars. - fb
Órafmögnuð í ljósmyndabúð
FELDBERG Hljómsveitin Feldberg spilaði
í ljósmyndaverslun í Soho-hverfinu í
London. FRÉTTABLAÐIÐ/STEFÁN
SLÓ Í GEGN 1990
Sinéad O‘Connor sló í
gegn með lagi Prince,
Nothing Compares 2 U.
Bandaríska rokksveitin The
Dead Weather gefur eftir
helgi út sína aðra plötu, Sea
of Cowards. Minna en ár er
liðið síðan sú fyrsta, Hore-
hound, kom út við góðar
undirtektir.
The Dead Weather var stofnuð í
Nashville í Tennessee á síðasta
ári. Þetta er sannkölluð ofurgrúppa
sem samanstendur af Jack White,
forsprakka The White Stripes, Ali-
son Mosshart úr The Kills og Dis-
count, Dean Fertita úr Queens
of the Stone Age og Jack Law-
rence úr The Raconteurs og The
Greenhornes. Tónlistin er grípandi
blanda af rokki og blús og einfald-
leikinn í fyrirrúmi.
Hljómsveitin varð til eftir að
The Kills fór á tónleikaferð með
The Raconteurs, hliðarverkefni
Whites, í október 2008. Á síðasta
degi ferðarinnar fór Mosshart yfir
í tónleika rútu The Raconteurs og
heim til Whites í Nashville þar sem
þau tóku upp efni saman. Nokkr-
um mánuðum síðar hringdi White
í Mosshart og lagði til að þau héldu
áfram samstarfinu og tækju upp
stóra plötu, enda átti hann talsvert
af lögum á lager. „Í janúar hittumst
við öll og byrjuðum að taka upp,“
segir Mosshart. „Við unnum við
eitt lag á dag en við höfðum aldrei
spilað saman áður en upptökurnar
hófust. Þremur vikum síðar vorum
við nánast tilbúin með plötu.“
Hún segir að upphaflega hafi The
Dead Weather verið hugsuð sem
stakt verkefni en ekki hljómsveit.
„Við héldum að við myndum bara
gera þrjár eða fimm sjö tommu
smáskífur, svona svalar listræn-
ar útgáfur. En því meira sem við
tókum upp og spiluðum saman því
meira fundum við fyrir kraftinum
sem var að byggjast upp,“ segir
Mosshart. „Við unnum dag og
nótt á miklum hraða enda höfðum
við ekki mikinn tíma. Við tókum
hundruð ljósmynda og bjuggum til
150 umslög fyrir sjö tommur. Þetta
var sannkölluð hvirfilbyls-vinna og
alveg einstaklega skemmtileg.“
Fyrstu tónleikar sveitarinnar
voru við opnun Third Man Records,
útgáfufyrirtækis Whites, í Nash-
ville í mars á síðasta ári og í kjöl-
farið kom út smáskífan Hang You
from the Heavens. Platan Hore-
hound kom út í júlí og fór hún beint
í sjötta sæti bandaríska Billboard-
listans. Vakti hún almennt góð við-
brögð tónlistarunnenda, rétt eins
og flest það sem Jack White kemur
nálægt.
Nýja platan, Sea of Cowards,
kemur út næsta þriðjudag, tæpu
ári eftir útgáfu Horehound, með
smáskífulagið Die by the Drop í
farar broddi. Þessi hraða fram-
leiðsla kemur ekki á óvart þegar
vinnuþjarkurinn White er annars
vegar enda virðist orðið „afslöpp-
un“ ekki til í orðaforða hans.
freyr@frettabladid.is
Kraftmiklir vinnuþjarkar
THE DEAD WEATHER Jack White og félagar í rokksveitinni The Dead Weather hafa gefið út sína aðra plötu, Sea of Cowards.
NORDICPHOTOS/AFP
VÆNTANLEGT FRÁ WHITE:
The Dead Weather - Sea Of Cowards
Karen Elson (eiginkona White) - The Ghost Who Walks (Upptökustjórn)
Wanda Jackson (Rokkabillígoðsögn) - You Know I´m No Good/Shakin´All
Over (Upptökustjórn)
Jack White - Fyrsta sólóplatan
Jack White og Jay-Z - Nýtt lag
*Frí heimsending gildir aðeins ef pantaðir eru 4 eða fleiri bakkar.
Pantaðu í síma
565 6000
eða á somi.is
*