Fréttablaðið - 25.05.2010, Blaðsíða 2
2 25. maí 2010 ÞRIÐJUDAGUR
BORGARMÁL „Ég geri það á morg-
un eða hinn,“ sagði Gísli Marteinn
Baldursson borgarfulltrúi í gær,
spurður hvenær hann hyggst gefa
upp nöfn þeirra fyrirtækja sem
gáfu honum styrki fyrir borgar-
stjórnarkosningarnar 2006.
„Ég hef bara ekki gefið mér
tíma í þetta ennþá. Það hefur
verið nóg að gera,“ segir Gísli
Marteinn.
Í byrjun maí sagði Gísli Mart-
einn í viðtali við DV að hann
myndi birta nöfnin einhvern
tímann fyrir kosningar. Nú eru
aðeins fáeinir dagar þar til borg-
arstjórnarkosningar verða haldn-
ar, en Gísli Marteinn segist engar
áhyggjur hafa af því að þess-
ar upplýsingar geti haft áhrif á
útkomu þeirra.
„Nei, nei. Þetta er ekki neitt
neitt. Ég er þegar búinn að gefa
upp helminginn af þessu og þetta
eru svo litlar upphæðir hjá mér.
Hæsti styrkurinn hjá mér er
milljón.“
Hann segist ætla að setja upp-
lýsingarnar á heimasíðu sína, lík-
lega í dag eða á morgun. - gb
Gísli Marteinn segist ætla að gefa upp styrkveitendur sína í dag eða á morgun:
Hefur ekki gefið sér tíma enn
GÍSLI MARTEINN BALDURSSON
„Þetta er ekki neitt neitt.“ FRÉTTABLAÐIÐ/VALLI
ELDGOS „Hér ríkir náttúrulega
mikil gleði og menn urðu strax
bjartsýnir þegar ljóst var að
gosið væri hugsanlega að stöðv-
ast. Við settum kýrnar út í fyrsta
skipti í dag og þær voru að vonum
ánægðar,“ segir Heiða Björg
Scheving frá bænum Hvassa-
felli, sem er einn af Steinabæjum
undir Eyjafjöllum.
Bær Heiðu og eiginmanns
hennar, Páls Magnúsar Pálsson-
ar bónda, hefur á undanförn-
um vikum orðið illa úti í ösku-
fallinu. Um helgina steig hins
vegar aðeins gufustrókur upp
frá Eyjafjallajökli.
„Það er hellings aska á öllum
túnum hjá okkur, um 5-6 senti-
metra þykkt lag, en þar sem gras-
ið er orðið hátt virkar allt grænt
og fínt úr fjarlægð. Við slógum
blettinn hjá okkur í gær og þá sá
maður hvað er í raun mikil aska
á túnunum og allt gisið. En það
er ekkert að gera nema bíða og
sjá hvaða áhrif það hefur,“ segir
Heiða og bætir við að þetta hafi
þó engin áhrif á hin venjubundnu
vorverk. „Við ákváðum að halda
okkar striki, bera á öll túnin eins
og venjulega. Hugsanleg goslok
virka auðvitað eins og vítamín-
sprauta í verkin.“
Heiða hitti aðra bændur í
nágrenninu um helgina og segir
alla komna út með kálfana og það
hjálpi að veðrið hafi verið gott.
„Það hefur verið skýjað og stillt,
þannig að askan fýkur ekki. Um
leið og þornar og fer að fjúka
verður þetta hins vegar erfiðara.
Það var allt hreinsað um daginn
en síðan þá hefur aska fallið öðru
hverju og því umhverfið komið
í svipað far. Slökkviliðið kom í
fyrradag og hreinsaði öll hús og
af stéttum en ef þetta er búið er
ekkert að gera nema taka hraust-
lega til hendinni aftur.“
Íbúafundi, sem vera átti á
Hvolsvelli í dag, hefur verið
frestað vegna hugsanlegra
gosloka en á fundinum átti að
fara yfir stöðu mála vegna
eldgossins.
„Við ætlum að sjá hvað er að
gerast, bíða í nokkra daga meðan
málin þróast til að ákveða nán-
ari tímasetningu á fundinum og
hvaða aðgerða er þörf,“ segir
Víðir Reynisson, deildarstjóri
almannavarnadeildar ríkislög-
reglustjóra. „Ef gosinu er lokið
þarf samhent átak í uppbyggingu
og hljóðið í mönnum er jákvætt.
Við höfum verið á ferðinni í dag
og brúnin á til dæmis ferða-
mannastöðunum er léttari. Menn
bíða bara eftir ferðamönnunum
sínum.“
juliam@frettabladid.is
Kýrnar ánægðar að
komast út í sumarið
Mikil bjartsýni ríkir meðal bænda á bæjum undir Eyjafjallajökli þar sem menn
vona að gosið sé á lokasnúningi. Þó er ljóst að mikið hreinsunarstarf er fram
undan og fimm til sex sentimetra þykkt lag af ösku er víða á túnum.
FRELSINU FEGNAR Kýrnar á bænum Hvassafelli voru kátar að vera komnar út í
íslenska sumarið í gær. Aska er á túnum en vorverkin hafa sinn gang. MYND/ÚR EINKASAFNI
ELDGOS „Ennþá er ekki alveg ljóst hvort kvikuað-
streymið hafi núna haldið áfram að neðan, og fjall-
ið þá þanist út, og það er það sem skiptir sköpum í
því hvort framhald verður á þessari sögu eða ekki.
Slíkt kemur ekki í ljós fyrr en næstu daga, og það
gætið tekið viku og upp í tíu daga að afskrifa þessa
atburðarás,“ segir Páll Einarsson jarðeðlisfræðing-
ur.
Páll segir gosið vera framhaldssögu í mörgum
köflum og þótt þetta séu lokin á einum kafla, sé enn
spurning hvort þessi kafli sé í miðjunni, byrjun, eða
endi þessarar gossögu í Eyjafjallajökli.
„Fyrsti kaflinn var árið 1944 með fyrsta atburð-
inum í þessari sögu, kvikuinnskoti í rótum eldstöðv-
arinnar, og kaflarnir gengu svona koll af kolli, og
eru komnir út í þetta gos núna. Ferlið er það hægt
núna að það mun ekkert mælast fyrr en eftir dálít-
inn tíma. Ef aðstreymið er hætt er sögunni lokið
en ef það er ekki hætt þá eru þetta lokin á þessum
kafla en fleiri kafla að vænta. Þegar gosið á Fimm-
vörðuhálsi hætti voru sams konar tímamót, þar sem
jarðfræðingur voru að bíða eftir því að geta geng-
ið úr skugga um að að kvikuaðstreymi væri hætt
samkvæmt mælingum. Og þá varð eldgosið á undan
mælunum. Þannig er of snemmt að afskrifa þessa
atburðarás, hún gæti verið í fullum gangi ennþá.“
- jma
Ekkert hægt að segja um hugsanleg goslok fyrr en eftir viku til tíu daga:
Mælingar segja ekkert strax
FRAMHALDSSAGA Páll Einarsson jarðeðlisfræðingur segir ekki
hægt að slá því föstu strax að kaflinn, sem nú er að ljúka, sé
sá síðasti í eldgosinu í Eyjafjallajökli.
Ösku-
lag er á
túnum
á bæjum undir Eyjafjallajökli,
en þar sem grasið er orðið
hátt virkar allt grænt og fínt
úr fjarlægð.
5-6cm
MÓTMÆLA NIÐURSKURÐI Starfsfólk
flugfélagsins hótar frekari aðgerðum.
NORDICPHOTOS/AFP
BRETLAND, AP Áhafnir flugvéla
breska flugfélagsins British Air-
ways hófu í gær fimm daga verk-
fall. Aðgerðirnar urðu til þess
að hætta þurfti við nærri helm-
ing flugferða félagsins til og frá
Heathrow-flugvelli í London.
Áhafnirnar eru að mótmæla
niður skurði í rekstri félagsins, sem
hefur verið rekið með tapi. Þessar
truflanir á flugi koma í kjölfarið á
flugröskunum vegna ösku frá eld-
gosinu í Eyjafjallajökli, auk þess
sem áhafnirnar efndu til sjö daga
verkfalls í mars. - gb
Verkfall hjá British Airways:
Frekari röskun
á bresku flugi
„Andri, ertu þá í drauma-
landinu?“
„Reyndar var ég í Flatey með 32
börnum þannig að ég er kannski
miklu frekar á Bláa hnettinum.“
Andri Snær Magnason er einn af viðmæl-
endum heimildarmyndarinnar Inside
Job sem sýnd er á kvikmyndahátíðinni í
Cannes. Aðrir viðmælendur eru stór nöfn,
svo sem Matt Damon og Eliot Spitzer,
fyrrverandi borgarstjóri New York.
SJÁVARÚTVEGUR 110 kílóa þung
og 204 sentimetra löng stórlúða
veiddist á sjóstöng við Ísafjarðar-
djúp fyrir helgina. Aðeins einu
sinni áður hefur stærri lúða
veiðst með þessum hætti hér á
landi.
Það var 68 ára gamall Þjóð-
verji, Gerd Marteinsen, sem
veiddi lúðuna á föstudag. Það tók
um eina og hálfa klukkustund að
veiða lúðuna og koma henni upp
í bát. Marteinsen var á bátnum
Bobby 12 sem er gerður út af sjó-
stangaveiðifyrirtækinu Hvíldar-
kletti frá Flateyri. Fyrirtækið
gerir út 22 báta frá Suðureyri og
Flateyri. - þeb
Sjóstangveiðin farin á fullt:
Veiddi tveggja
metra stórlúðu
GERD MARTEINSEN MEÐ LÚÐUNA Það
tók um eina og hálfa klukkustund að
veiða þessa stórlúðu, sem er 204 senti-
metrar á lengd og 110 kíló.
MYND/RÓBERT SCHMIDT
IÐNAÐUR Stuðningur við nýsköp-
un á Íslandi verður kynntur á
fundi á Grand hóteli á morgun.
Tilgangur fundarins er að
veita yfirsýn og skapa umræðu
um stuðningskerfi nýsköpunar
á Íslandi. Á fundinum munu
tíu frumkvöðlar og fulltrúar
fyrirtækja miðla af sinni
reynslu af styrkjamöguleikum,
frumkvöðlasetrum og annarri
þjónustu.
Þá munu á annan tug stuðn-
ingsaðila við nýsköpun kynna
sína þjónustu. - þeb
Evrópsk fyrirtækjavika:
Kynna stuðning
við nýsköpun
Þung umferð
Þung umferð var í höfuðborgina í
gærkvöldi, eftir fyrstu stóru ferðahelgi
sumarsins. Að sögn lögreglunnar á
Selfossi var bíll við bíl frá hringtorginu
á Selfossi og langleiðina til Reykja-
víkur. Umferðin fór að aukast um
klukkan tvö í gær og þyngdist eftir því
sem á leið.
SAMGÖNGUR
PÓLLAND, AP Um það bil hundrað
þúsund af íbúum Varsjár, höfuð-
borgar Póllands, gætu orðið fyrir
því að það flæði inn á heimili
þeirra úr ánni Vistula, sem hefur
vaxið mjög vegna úrhellis undan-
farna daga.
Hanna Gronkiewicz borgar-
stjóri segir að fólkið gæti þurft
að yfirgefa heimili sín í hvelli ef
ástandið versnar.
Nærri fimmtán manns hafa
látið lífið í flóðum í Póllandi und-
anfarið. Áin Vistula hafði í gær-
kvöldi þegar flætt yfir bakkana
á einum stað, en olli þó litlum
skemmdum.
- gb
Flóðin hrella Pólverja:
Íbúar Varsjár í
hættu staddir
SPURNING DAGSINS