Fréttablaðið - 25.05.2010, Blaðsíða 47
ÞRIÐJUDAGUR 25. maí 2010 19
Mora sturtutæki með upp eða niður stút
Verð kr. 19.950,-
Sphinx upphengt salerni, og seta
Verð kr. 19.900,-
Mora Eco sturtusett
Verð kr. 5.500,-
Opið virka daga frá 8 -18 laugardaga frá 10 -15 www. tengi.is tengi@tengi.is
Maí tilboð á
hreinlætistækjum
IFÖ Next sturtuklefi 80x80
Verð kr. 99.900,-
Gæði, þjónusta og ábyrgð - það er TENGI
IFÖ salerni með setu
Verð kr. 34.900,-
ið uvegi pav gi i 1 1000 aldursnesi kure ri i 1 1050
„Á bak við nafnið mitt er dæmigerð íslensk draumanafna-
saga,“ segir Magnfríður Júlíusdóttir, lektor við Háskóla Íslands,
en hún heitir í höfuðið á langömmu sinni í móðurætt.
„Mamma var búin að ákveða annað nafn á mig en svo
dreymdi hana að amma hennar væri að ganga kringum
vögguna mína og tók því þannig að hún væri að biðja um
nafn. Mamma varð við þeirri ósk ömmu sinnar og skýrði
mig Magnfríði.
Langamma Magnfríðar var alltaf kölluð Magga. Magn-
fríður er hins vegar kölluð Fríða í daglegu tali og segir
Magnfríðarnafnið notað við formlegri tilefni.
„Nemendur mínir í skólanum þekkja mig til dæmis sem
Magnfríði en ég á frænku sem heitir Margrét og er kölluð
Magga svo sennilega er það þess vegna sem ég er kölluð
Fríða. Við erum ekki fleiri Magnfríðarnar í fjölskyldunni
og ég á ekki von á að okkur fjölgi. Ég skírði dóttur mína
til dæmis stuttu og einföldu nafni, Katla sem myndi ekki
vefjast fyrir neinum. Þegar ég var táningur fannst mér
fólk hiksta stundum á nafninu mínu og oft var ég kölluð
Málfríður.“
Innt eftir því hvort nafnið hennar vefjist sérstaklega fyrir
útlendingum segir hún það sennilega bara hljóma eins og
önnur íslensk nöfn í eyrum útlendinga, óskiljanlega.
Langamma Magnfríðar ólst upp á Rauðasandi á Vest-
fjörðum. Hún fór einn vetur til náms í Kvennaskólanum í
Reykjavík sem ung kona ásamt vinkonu sinni. Spurð um
líkindi Magnfríðar við langömmu sína segir hún þetta helst
tengja þær, þær hafi báðar sótt í að mennta sig.
„Ég fór utan til Svíþjóðar í nám sem hefur verið svipað
mál og það var í hennar daga fara að vestan til Reykjavíkur
til náms. Ég hef gaman að draumatengingunni við nafnið
mitt og sem barn þegar ég heyrði þessa sögu hugsaði ég
með mér að langamma mín væri að hugsa til mín og passa
upp á mig.“
NAFNIÐ MITT: MAGNFRÍÐUR JÚLÍUSDÓTTIR
Langamma passar upp á mig
MAGNFRÍÐUR JÚLÍUSDÓTTIR
Stofnun Árna Magnússonar í
íslenskum fræðum og Háskóli
Íslands hafa nýlega eflt starfs-
og rannsóknartengsl sín. Það
gerðist með samningum um að
Guðrún Nordal, forstöðumaður
Stofnunar Árna Magnússonar,
gegndi jafnframt starfi prófess-
ors við Íslensku- og menningar-
deild HÍ að hluta. Hugmyndin
er að Guðrún annist kennslu við
deildina, samkvæmt samkomu-
lagi við deildarforseta, og taki
að sér að leiðbeina nemendum
í rannsóknanámi við lokaverk-
efni. Einnig geti hún átt sæti í
meistara- og doktorsnefndum við
deildina.
Guðrún Nordal er með doktors-
gráðu frá Oxford-háskóla. Hún
kenndi við Háskóla Íslands um
árabil og hefur sérhæft sig í
íslenskum og evrópskum miðalda-
bókmenntum og í íslenskum
bókmenntum almennt. Helstu
rannsóknarvið hennar núna lúta
að útgáfu dróttkvæða, lærdómi,
skáldskaparfræðum dróttkvæða
og skáldskapariðkun á 12, 13.
og 14. öld og tengslum vísna og
lausamáls í íslenskum miðalda-
frásögnum. Hún stundar enn
fremur rannsóknir á breytileika
íslenskra miðaldasagna í elstu
handritum, frá 13., 14. og 15. öld.
- gun
Öflugt samstarf
FRÁ UNDIRRITUN SAMNINGA Eiríkur
Rögnvaldsson, forseti Íslensku- og
menningardeildar HÍ, Guðrún Nordal,
Stofnun Árna Magnússonar í íslenskum
fræðum, Kristín Ingólfsdóttir, rektor
Háskóla Íslands, Þórður Kristinsson,
kennslustjóri HÍ og Ástráður Eysteinsson,
forseti Hugvísindasviðs HÍ.
María Karen Sigurðardóttir,
safnstjóri Ljósmyndasafns
Reykjavíkur, heldur fyrirlest-
urinn Hvenær er ljósmynd
list? í Listasafni Reykjavíkur á
fimmtudag. Þar leitast hún við
því að svara spurningunni, rýna
í ágreining sem hana snertir,
velta upp viðhorfum þeirra sem
vinna með miðilinn og leita eftir
hugsanlegum svörum.
Í tilkynningu segir að
ljósmynda umræðan sé um
margt sérstök á Íslandi en að
hér sé mikil gerjun, vaxandi
sýningarhald og að íslenskir
ljósmyndarar veki sífellt meiri
athygli erlendis.
María Karen tók viðtöl við
nokkra sem starfa við miðil-
inn og í fyrirlestrinum verður
svörum þeirra teflt saman. Þá
mun hún velta fyrir sér sjálfs-
mynd íslenskrar ljósmyndunar
og íslenskra ljósmyndara og spyr
hvort þeir séu listamenn eða
handverksfólk. Fyrirlesturinn
hefst klukkan 12.10 en hann er
hluti af Listahátíð í Reykjavík.
- ve
Hvenær er
ljósmynd list?
HVENÆR ER LJÓSMYND LIST? María
Karen heldur fyrirlesturinn Hvenær er
ljósmynd list? Hér má sjá veggskreytingu
frá 1957 í kaffistofu Arnarhvols.