Fréttablaðið - 25.05.2010, Blaðsíða 6

6 25. maí 2010 ÞRIÐJUDAGUR
HEILBRIGÐISMÁL Breytingar á
greiðsluþátttöku heilbrigðis-
yfirvalda á þunglyndislyfjum
gætu þýtt að ný lyf komi seinna
á markað hér á landi, en ættu
ekki að hafa neikvæð áhrif á með-
ferð þunglyndissjúklinga, segir
Þórður Sigmundsson, yfirlækn-
ir á bráðamóttökudeild geðsviðs
Landspítalans.
Samkvæmt nýrri reglugerð
munu stjórnvöld aðeins niður-
greiða hagkvæmustu þunglyndis-
lyfin eftir 1. júní. Fjölnota lyfseðlar
sem gefnir eru út fyrir þann tíma
gilda þó áfram með fullri niður-
greiðslu til 1. október. Dugi hag-
kvæmustu lyfin ekki getur læknir
sótt um undanþágu fyrir sjúklinga
svo dýrari lyf verði niðurgreidd.
Kostnaður heilbrigðiskerfisins
við þunglyndislyf var rúmlega einn
milljarður króna á síðasta ári. Með
breytingum á niðurgreiðslukerf-
inu er ætlunin að spara milli 200
og 300 milljónir króna á ári, sam-
kvæmt upplýsingum frá Sjúkra-
tryggingum Íslands.
Um 30 þúsund manns fengu ávís-
að þunglyndislyfjum á síðasta ári.
Það jafngildir því að næstum því
tíundi hver landsmaður hafi fengið
slík lyf.
„Þetta mun hafa þær afleiðingar
að sjúklingar sem byrja í meðferð
þurfa að byrja á hagkvæmustu
lyfjunum,“ segir Þórður. Hann
leggur áherslu á að þótt það séu ef
til vill ekki nýjustu lyfin séu þau
lyf áfram virk og mjög gagnleg.
Ef þau lyf gagnist ekki sé hægt
að sækja um undanþágu til að fá
niðurgreiðslu á öðrum lyfjum.
Þegar ný lyf koma á markað eru
þau yfirleitt dýrari en lyf sem hafa
verið lengur á markaði, sér í lagi
ef einkaleyfi framleiðandans er
runnið út og ódýrari samheitalyf
komin á markað.
Þórður segir breytingar á þátt-
töku í lyfjakostnaði geta orðið til
þess að nýrri lyf komi seinna á
markað hér á landi. Erfitt gæti
orðið fyrir innflytjendur að koma
lyfjum á markað þar sem ekki
verði eins auðvelt að ávísa á þau.
„Þetta skerðir aðeins val lækna
í byrjun, en það verður að segjast
að langflest lyf falla innan þessa
ramma. Við erum alls ekki að tala
um gömul lyf eða úrelta meðferð,“
segir Þórður.
Í tilkynningu frá Frumtökum,
samtökum framleiðenda frumlyfja,
segir að breytingar á greiðsluþátt-
töku komi niður á um 40 prósent-
um þunglyndissjúklinga.
Þar er bent á að beinn kostn-
aður vegna þunglyndislyfja sé
aðeins um eitt prósent af heild-
arkostnaði samfélagsins við sjúk-
dóminn. Lakari verkun eða auka-
verkanir af lyfjum geti bakað
samfélaginu umtalsverðan kostn-
að og yfirskyggt skammtíma
sparnaðaraðgerðir margfalt.
Samkvæmt upplýsingum frá
Sjúkratryggingum er notkun og
kostnaður vegna þunglyndislyfja
hvergi meiri en á Íslandi. Notkun
dýrari þunglyndislyfja sé hlutfalls-
lega meiri hér á landi en á Norður-
löndunum. brjann@frettabladid.is
Nýjum þunglyndis-
lyfjum gæti seinkað
Breytingar á niðurgreiðslu þunglyndislyfja ættu ekki að hafa neikvæð áhrif á
meðferð, segir yfirlæknir á Landspítalanum. Aðeins ódýrustu lyfin verða niður-
greidd eftir 1. júní. Um 30 þúsund fengu þunglyndislyf á síðasta ári.
ÞUNGLYNDI Um 30 þúsund manns fengu ávísað þunglyndislyfjum hér á landi á
síðasta ári. Það er um það bil tíundi hluti þjóðarinnar. FRÉTTABLAÐIÐ/GVA
Góður ávöxtunarkostur – einnig í áskrift
Hafðu samband við
ráðgjafa okkar í
síma 460 4700 eða
kynntu þér málið
á www.iv.is
@
SVEITARSTJÓRNIR Ríkisendurskoð-
un segir að niðurstöður athugun-
ar á fjárhagsstöðu sveitarfélagsins
Álftanes muni ekki verða kynntar
fyrr en um miðjan júní.
„Það er mjög óþægilegt og
ómögulegt ef niðurstaða rannsókn-
ar liggur ekki fyrir í tæka tíð fyrir
kosningar 29. maí nk. Þessi rann-
sókn hefði ekki verið framkvæmd,
nema alvarlegar ástæður lægju að
baki að mati Eftirlitsnefndar,“ bók-
aði Guðmundur G. Gunnarsson,
bæjarfulltrúi Sjálfstæðisflokks, af
þessu tilefni í bæjarstjórn Álfta-
ness.
„Í þessu sambandi vil ég vekja
athygli á að rannsókn Ríkisend-
urskoðunar nær líka til þess tíma
sem GGG starfaði sem bæjarstjóri
á Álftanesi. Ef taka ætti mark á
stóryrðum hans í bókuninni verður
að álykta að rannsókn á stjórnsýslu
áranna 2005-2006 í hans tíð tengist
með sama hætti grunsemdum um
lögbrot,“ svaraði Sigurður Á. Magn-
ússon, bæjarfulltrúi Á-listans og
bæjarstjóri þar til í fyrrahaust.
Það voru sveitarstjórnarráðuneyt-
ið og Eftirlitsnefnd með fjármálum
sveitarfélaga (EFS) sem fólu Ríkis-
endurskoðun að gera athugunina.
Hún átti annars vegar beinast að því
hvort gildandi reglur um framlög úr
Jöfnunarsjóði sveitarfélaga vegna
reksturs grunnskóla tækju nægj-
anlegt tillit til aðstæðna á Álfta-
nesi. Hins vegar ætti athugunin
að beinast að því hvaða ákvarðan-
ir væru undirrót erfiðrar fjárhags-
stöðu sveitarfélagsins og hvort þær
og upplýsingagjöf þess til EFS hefðu
verið í samræmi við lög.
„Enn á eftir að ræða við nokkra
aðila og greina upplýsingar en
segja má að sú vinna sé á loka-
stigi,“ segir í tilkynningu frá
ríkisendurskoðanda. - gar
Athugun ríkisendurskoðunar á fjárreiðum sveitarfélagsins Álftaness enn ólokið:
Skýrsla um Álftanes eftir kosningar
Á ÁLFTANESI Eftirlitsnefnd hefur umsjón
með fjármálum Álftaness eftir að þau
fóru í hnút á þessu kjörtímabili.
FRÉTTABLAÐIÐ/GVA
SJÁVARÚTVEGUR Meirihluti
kosningabærra íbúa í Grímsey
hefur skrifað undir áskorun til
sjávarútvegsráðherra, þar sem
skorað er á hann að draga til
baka tillögur um lokun sjö fjarða
á norðanverðu landinu fyrir
dragnótaveiðum. Bent er á að
þrír dragnótabátar séu gerðir út
frá Grímsey og á þeim starfi
fimmtán sjómenn. Frekari lokun
veiðisvæða fyrir Norðurlandi
komi því sérstaklega illa við
útgerð þeirra.
Í áskoruninni segir einnig að
ekki verði séð að tillögur
ráðherra byggist á vísindalegum
rökum.
- shá
Vilja dragnótarveiðar:
Grímseyingar
vilja opna mið
GENGIÐ Á GRASINU Frægasta breið-
stræti Parísar í óvenjulegum búningi.
FRÉTTABLAÐIÐ/AP
FRAKKLAND, AP Breiðgatan
Champs Élysées í París hefur
ekki verið alveg með sjálfri sér
síðustu tvo daga. Í stað þungrar
bílaumferðar hefur fólk gengið
þar um á grænu grasi innan um
blóm og búfénað.
Tilgangurinn var að gefa borg-
arbúum kost á að upplifa nátt-
úruna og minna jafnframt á
mikilvægi franskra bænda og
landbúnaðar.
„Þetta er leið til að minna fólk
á að maðurinn býr í hjarta nátt-
úrunnar,“ sagði franski lista-
maðurinn Gad Weil, sem átti
hugmyndina. - gb
Tveggja daga sveit í París:
Iðgrænt gras á
Champs Élysées
Tveir gistu fangageymslur
Tveir gistu fangageymslur lögreglunn-
ar á höfuðborgarsvæðinu aðfaranótt
mánudags. Nóttin var með rólegasta
móti hjá lögreglunni þrátt fyrir að
fjöldi fólks væri í miðborginni.
LÖGREGLUFRÉTT
Sinubruni í Tálknafirði
Um einn hektari lands brann í
sinubruna í Tálknafirði á sunnudags-
kvöld. Eldurinn kviknaði rétt innan við
fjörðinn og unnu um fimmtán manns
við það að slökkva eldinn.
VESTFIRÐIR
GENF, AP Mislingar hafa snúið
aftur víða í Afríku, Asíu og jafn-
vel Evrópu þrátt fyrir að auðvelt
sé að koma í veg fyrir útbreiðslu
sjúkdómsins með bólusetningu.
Alþjóðaheilbrigðisstofnunin
WHO segir að undanfarin tvö ár
hafi dregið verulega úr fjárveit-
ingum til bólusetningarherferða,
með þeim afleiðingum að víða
þar sem sjúkdómnum hafði nán-
ast verið útrýmt hafi tilfellum
fjölgað á ný.
Meira að segja í Bretlandi
hefur mislingafaraldur gert vart
við sig.
- gb
Færri bólusettir:
Mislingar fara
aftur á kreik
KJÖRKASSINN
Býstu við miklu af Besta flokkn-
um í borgarstjórn?
Já 46,7%
Nei 53,3%
SPURNING DAGSINS Í DAG:
Á að fækka háskólum landsins?
Segðu þína skoðun á vísir.is.