Fréttablaðið - 25.05.2010, Blaðsíða 8
8 25. maí 2010 ÞRIÐJUDAGUR
A
u
g
lý
si
n
g
a
sí
m
i
Allt sem þú þarft…
EFNAHAGSMÁL „Mælikvarði IMD er
misvísandi, hann málar stöðuna of
dökkum litum,“ segir Gylfi Magn-
ússon, efnahags- og viðskiptaráð-
herra, um útreikninga svissneska
viðskiptaháskólans á skuldastöðu
hins opinbera.
Skólinn gerir ráð fyrir að íslenska
ríkið nái ásættanlegri skuldastöðu
(sextíu prósentum af landsfram-
leiðslu) eftir 22 ár, eða árið 2032.
Jöfnuður náist í fjármálum hins
opinbera eftir fimm ár og verði
einu prósenti af landsframleiðslu
eftir það varið til að greiða niður
skuldir. Á svipuðu róli eru nokkur
lönd í skuldavanda, svo sem Ítalía,
Portúgal, Belgía, Bandaríkin og
Grikkland.
Gylfi Magnússon segir að pottur
sé brotinn í ríkisfjármálum hér líkt
og víða um heim um þessar mund-
ir. Staðan hér sé þó betri en víða.
Því til staðfestingar bendir hann á
að ætlun Alþjóðagjaldeyrissjóðsins
og stjórnvalda feli í sér að jafnvægi
verði komið í ríkisfjármálum 2012
og afgangur verði árið 2013. „Á síð-
asta ári vorum við aðeins á undan
áætlun. Við stöndum mun betur en
þau lönd sem valdið hafa mestum
titringi undanfarnar vikur,“ segir
hann og dregur í efa að önnur lönd í
skuldavanda hafi pólitíska og efna-
hagslega getu til að leysa úr vanda
sínum í bráð.
„Með því að horfa á brúttóskuld-
ir hins opinbera þá erum við frekar
illa stödd. Að mínu mati er eðlilegra
að horfa á hreinar skuldir. Á þeim
mælikvarða erum við betur stödd
með vergar skuldir innan við 50
prósent af landsframleiðslu,“ segir
Gylfi.
Viðskiptaráðherra segir mögu-
legt að vinda ofan af skuldaklafan-
um með ýmsu móti, svo sem með
því að draga hratt úr gjaldeyris-
varaforðanum þegar ró færist yfir
ríkisbúskapinn. Þá megi selja stór-
ar eignir sem ríkið hafi eignast eftir
bankahrunið. Þar á meðal er Lands-
bankinn, sem hið opinbera hafi lagt
til mikið fjármagn. Með sölu bank-
ans muni skuldir hins opinbera
lækka. Salan er þó ekki á dagskrá í
nánustu framtíð, að sögn viðskipta-
ráðherra. jonab@frettabladid.is
www.hr.is/mba
ALÞJÓÐLEGT
MBA-NÁM MEÐ VINNU
Ein besta ákvörðun
sem ég hef tekið.
Arndís Thorarensen,
framkvæmdastjóri og MBA-nemi
FJÁRFESTU
Í SJÁLFUM ÞÉR
Nóatúni 4 · Sími 520 3000
www.sminor.is
144.900
Uppþvottavél - SN 45M200SK
Tilboðsverð:
kr. stgr.
(Verð áður: 169.900 kr.)
119.900
Uppþvottavél - SE 45E234SK
Tilboðsverð:
kr. stgr.
(Verð áður: 139.900 kr.)
tilboðsverði
Uppþvottavélar
nú á
A
T
A
R
N
A
SAMGÖNGUR Alþjóðasamtök flugfélaga, IATA, gagn-
rýna evrópsk flugmálastjórnvöld harðlega fyrir það
hve strangar reglur gilda um flug þegar aska frá
eldgosum er í loftinu.
Samtökin hvetja Evrópuríki til þess að fara að
dæmi Bandaríkjanna, sem hafa mikla reynslu af því
að umgangast eldgos og banna eingöngu flugumferð
þar sem hættan er mest.
„Bandaríkin hafa yfir marg reyndum, öruggum
og áhrifaríkum aðferðum að ráða þegar kemur að
því að kortleggja hættuna af eldfjallaösku,“ segir
Giovanni Bisignani, framkvæmdastjóri IATA. „Á
undanförnum árum hafa engin váatvik verið til-
kynnt í flugi vegna eldgosa á bandarísku flugstjórn-
arsvæði. Evrópuríkin geta margt lært þarna.“
Bisignani segir flugfélögin hafa misst alla trú
á getu flugmálayfirvalda í Evrópu til þess að taka
samræmdar og skynsamlegar ákvarðanir í þessum
efnum, enda eru sömu upplýsingarnar notaðar á mis-
munandi hátt í ólíkum löndum þegar ákvarðanir um
lokun svæða eru teknar.
„Á hverjum einasta degi þurfa flugfélög að taka
ákvarðanir um flug við mismunandi veðurskilyrði,“
segir Bisignani. „Hvers vegna ætti annað að gilda
um eldfjallaösku?“ - gb
Alþjóðasamtök flugfélaga ósátt við evrópskar reglur um flug á tímum eldgosa:
Vilja slaka mjög á reglunum
BANDARÍSKA FJALLIÐ ST. HELENS Þrjátíu ár eru liðin síðan St.
Helens gaus með látum og truflaði flugumferð vestra.
FRÉTTABLAÐIÐ/AP
ORKUMÁL Unnur G. Kristjánsdóttir,
formaður þingkjörinnar nefndar
um erlenda fjárfestingu, segist
ekki telja, í fljótu bragði, að nefnd-
in þurfi að fjalla á ný um viðskipti
Magma Energy og Geysi Green
Energy með hlutabréf í HS Orku
en Magma hefur eignast 98,53
prósent í GGE.
Unnur segir að nefndin hafi áður
samþykkt kaup Magma á minni-
hluta bréfa og sér ekki að neitt hafi
breyst sem kalli á nýja umfjöllun.
Þetta þurfi þó að kanna. Enginn
nefndarmaður hefur óskað eftir
fundi um málið.
Atli Gíslason, þingmaður VG í
Suðurkjördæmi, telur að kalla
eigi nefndina saman og fjalla um
viðskiptin. Forsendur séu breytt-
ar. Ný viðskipti hafi verið gerð
og þess vegna þurfi að afla nýrra
gagna og kveða upp nýjan úrskurð
í nefndinni. Þingflokkur VG hefur
sent ríkisstjórninni áskorun um
að undið verði ofan af einkavæð-
ingu HS Orku. Atli segist vona að
það verði hægt, en brugðið geti til
beggja vona.
Unnur G. Kristjánsdóttir seg-
ist alltaf hafa átt von á að Magma
vildi kaupa allt hlutafé í GGE. Yfir-
lýsingar forsvarsmanna Magma
hafi strax bent til þess. - pg
Atli Gíslason vill að nefnd um erlenda fjárfestingu fjalli á ný um sölu á HS Orku:
Formaður telur stöðuna óbreytta
Grynnka á skuldum
ríkis með sölu eigna
Svissneskur viðskiptaháskóli segir skuldastöðu þjóðarinnar verða ásættanlega
eftir 22 ár. Viðskiptaráðherra segir það svartsýna spá. Stjórnvöld geti lækkað
skuldir hratt þegar betur ári. Þar á meðal með sölu Landsbankans.
Ísland hrapar úr sjöunda sæti árið 2007 í það þrítugasta á nýjasta lista
svissneska viðskiptaháskólans IDM um samkeppnishæfni þjóðanna. Á lista
skólans er samkeppnishæfni 58 landa borin saman.
Á toppi listans trónir Singapúr. Á eftir fylgir Hong Kong og eru Bandaríkin í
þriðja sæti. Hin Norðurlöndin eru á meðal nítján samkeppnishæfustu þjóða
heims, neðst er Finnland. Botnsætin verma Venesúela, Úkraína og Króatía.
Ísland skorar hæst í flokkum á borð við samfélagslega innviði eins og
menntun, heilsu, tækni og samgöngur. Neikvæðu þættirnir eru háir skattar,
hátt vaxtastig, óstöðugur gjaldmiðill, lítil fjölbreytni í atvinnulífinu, lítill hvati
til erlendrar fjárfestingar og erfitt aðgengi að fjárfestingarverkefnum.
„Við erum búin að núllstilla okkur,“ segir Björn Þór Arnarson, hagfræðingur
Viðskiptaráðs Íslands sem er samstarfsaðili IDM á Íslandi.
Samkeppnishæfnin hrynur
GYLFI MAGNÚSSON Viðskiptaráðherra segir of mikið gert úr skuldastöðu hins
opinbera. Byrja verði á að vinda ofan af skuldum ríkisins þegar ró færist yfir í ríkis-
búskapnum. FRÉTTABLAÐIÐ/VILHELM
HS ORKA Formaður nefndar um erlenda
fjárfestingu telur ekki að fjalla þurfi um
viðskiptin á ný.