Fréttablaðið - 25.05.2010, Blaðsíða 54
26 25. maí 2010 ÞRIÐJUDAGUR
sport@frettabladid.is
17 DAGAR Í HM
Í rekstri fyrirtækja skipta sendingar miklu máli. Það skiptir máli að
sendingar skili sér á réttum tíma, að innihald þeirra sé í óaðfinnanlegu
ástandi og hægt sé að rekja þær. Þá er gott að að nýta sér víðfeðmt dreifikerfi
og reynslu Póstsins. Allt starf Póstsins miðar að því að veita viðskiptavinum
betri þjónustu, lágmarka kostnað og hámarka skilvirkni.
H
V
ÍT
A
H
Ú
S
IÐ
/
S
ÍA
–
1
0
–
0
5
5
4
www.postur.is
Vörudreifing Póstsins getur hjálpað þínu fyrirtæki að hagræða
Hafðu samband við söludeild í síma 580 1090
eða á sala@postur.is og kynntu þér hvernig
Pósturinn getur aðstoðað þig við að koma
sendingum til skila á besta mögulega hátt.
Parketlakk
Ný vara á
góðu verði
Skútuvogi 6 - Sími 568 6755
Allir þjálfarar sem hafa gert lið að heimsmeisturum hafa
verið að þjálfa landa sína. Þetta þýðir að ef Ítalinn Fabio
Capello ætlar að gera Englendinga að heimsmeisturum á
HM í Suður-Afríku í sumar þá þarf hann að brjóta blað í
sögu keppninnar. Þjálfarar Argentínu (Diego Maradona),
Þýskalands (Joachim Löw), Hollands (Bert
van Marwijk), Ítalíu (Marcello Lippi), Brasilíu
(Dunga), Portúgals (Carlos Queiroz) og Spánar
(Vicente del Bosque) eru hins vegar allir
sömu þjóðar og liðið þeirra.
Leikmenn ÍBV hafa þurft að leggja mikið á sig undanfarnar vikur. Þar
sem öskufall hefur aftrað samgöngum til og frá Vestmannaeyjum
hafa leikmenn liðsins dvalið á föstu landi í nokkurn tíma. „Við
höfum nýtt tímann vel til að æfa og slá hópnum saman,“ sagði
þjálfari liðsins, Heimir Hallgrímsson, í gærmorgun þar sem
hann sat í sólinni í Reykjavík og slappaði af fyrir leikinn gegn
Haukum.
„Við komumst heim daginn eftir leikinn gegn FH. Við
tókum æfingu um morguninn, síðasta föstudag, og svo
sigldi um hálft liðið heim. Það var frí á laugardaginn en
svo fórum við með gúmmítuðru upp í fjöru til að komast
til lands á sunnudaginn. Við þurftum að ná æfingu og
þetta var bara nokkuð gaman,“ sagði Heimir glettinn og
neitar því að nokkur hafi orðið sjóveikur.
„Reyndar fannst mönnum þetta frekar frumlegur ferða-
máti, sér í lagi stráknum sem kom frá Portsmouth. Honum
fannst þetta skrítið. Sem er kannski eðlilegt þar sem menn
hjá Portsmouth eru vanir því að ferðast með einkaþotum á alla sína
leiki,“ sagði Heimir og hló við.
Leikmenn liðsins æfðu í Reykjavík í gær og slöppuðu svo af saman
í sólinni. Liðið ætti að vera orðið mjög samheldið og vikurnar
koma sér kannski ágætlega fyrir liðið. Leikmenn liðsins eru auðvit-
að ekki mikið saman yfir vetrartímann þar sem margir æfa í Eyjum
en aðrir á fastalandinu.
„Við áttum líka fína daga í Grindavík. Þar dvöldum við saman
á gistiheimili í góðu yfirlæti. Albert Sævarsson markmaður er
frá Grindavík og hann dró okkur að einhverri sjóvatnsgjá sem
heitir Bjarnargjá. Albert sagði að það væri enginn maður með
mönnum nema hann dýfði sér ofan í ísvatnið. Við gerðum
það eðlilega,“ sagði Heimir og ekki er laust við að hrollur hafi
farið um hann.
„Það var svo kalt að við hefðum alveg eins getað farið í
kvennaklefann eftir þetta, það hefði enginn séð neinn mun á
okkur. Við fórum svo í Bláa lónið eftir þetta,“ sagði Heimir.
ÆVINTÝRADAGAR HJÁ ÍBV: GERA ÞAÐ BESTA ÚR SÍNUM MÁLUM EFTIR SAMGÖNGUERFIÐLEIKA
Á gúmmítuðru frá Eyjum til að ná æfingu
HAUKAR 0-3 ÍBV
0-1 Matt Garner (17.)
0-2 Andri Ólafsson (19.)
0-3 Andri Ólafsson (74.)
Vodafone-völlurinn, áhorf.: 852
Dómari: Þorvaldur Árnason (7)
TÖLFRÆÐIN
Skot (á mark) 14–12 (6–7)
Varin skot Daði 4 – Albert 6
Horn 4–4
Aukaspyrnur fengnar 13–16
Rangstöður 1–3
Haukar 4–4–2 Daði Lárusson 7 - Þórhallur Dan
Jóhansson 3, Kristján Ó. Björnsson 5, Guðmundur
Mete 5, Pétur Sæmundsson 3 (75. Kristján Óli
Sigurðsson -) - Grétar Atli Grétarsson 4 (46. Úlfar
Hrafn Pálsson 6), Guðjón P. Lýðsson 5, Hilmar T.
Arnarsson 5, Sam Mantom 5 - Hilmar G. Eiðsson 7,
Hilmar R. Emilsson 4 (46. Jónmundur Grétarsson 5).
ÍBV 4–3–3 Albert Sævarsson 8 - James Hurst 7,
Eiður A. Sigurbjörnsson 7, Rasmus Christiansen 7,
Matt Garner 7 - Tony Mawejje 6, Andri Ólafsson
8 (77. Arnór Ólafss. -), Finnur Ólafsson 6 (81. Yngvi
Borgþórs. -) Þórarinn Valdimarsson 5 (61. Ásgeir
Ásg. 6) - Tryggvi Guðm. 6, Eyþór Helgi Birgisson 6.
FÓTBOLTI „Við erum með sjö stig
eftir fjóra útileiki. Það eru jafn
mörg stig og við fengum á úti-
velli allt síðasta sumar. Ég get
því ekki verið annað en ánægð-
ur,“ sagði Heimir Hallgrímsson,
þjálfari ÍBV, eftir 3-0 sigur sinna
manna á Haukum á Vodafone-vell-
inum í gær. „Við erum mjög glað-
ir og förum nú aftur til eyjunn-
ar minnar grænu þar sem allt er
orðið hreint og fínt á nýjan leik.
Við hlökkum til að eiga smá törn
fyrir höndum á heimavelli.“
Sigur ÍBV í gær var verðskuld-
aður þó svo að Haukarnir hefðu
vissulega fengið sín færi í leikn-
um. Þeir komu boltanum þrívegis
í stöng ÍBV-marksins og tókst þar
að auki ekki að nýta sér liðsmun-
inn eftir að Eyþór Helgi Birgisson,
leikmaður ÍBV, fékk að líta rauða
spjaldið þegar 20 mínútur voru til
leiksloka.
„Ég var nú ekkert sérstaklega
ánægður með leikinn sem slík-
an,“ sagði Heimir. „Þetta var ekk-
ert sérstakur fótboltaleikur. Það
komu góðir kaflar inn á milli og
við áttum nokkrar fínar sóknir. En
þess á milli lentum við í þónokkr-
um erfiðleikum.“
ÍBV skoraði tvö mörk með stuttu
millibili snemma í fyrri hálfleik
en þar voru Matt Garner og Andri
Ólafsson að verki. Litlu munaði að
það þriðja kæmi stuttu síðar er
Andri átti skalla í slá.
Eyjamenn bökkuðu eftir þetta og
Haukar komu sér betur inn í leik-
inn en án árangurs þó. Þriðja mark
ÍBV kom seint í síðari hálfleik og
gerði þá endanlega út um leikinn.
Aftur var Andri þar að verki.
„Mér fannst við alltaf líklegir
til að skora í leiknum,“ sagði Andri
Marteinsson, þjálfari Hauka. „Við
fengum á okkur slysaleg mörk
í fyrri hálfleik og vorum slakir
– menn voru einfaldlega ekki að
sinna vinnunni sinni. Þetta var
betra í seinni hálfleik en það vant-
aði markið.“
Varnarmenn ÍBV og Albert Sæv-
arsson markvörður virkuðu allir
mjög sannfærandi í leiknum og
héldu Haukum í skefjum.
„Við erum með alveg hrikalega
flotta vörn og það er ástæðan fyrir
því að við getum sótt fram á völl-
inn. Þetta eru fljótir leikmenn og
góðir að lesa leikinn. Svo hefur
Albert verið frábær í markinu
eftir fyrsta leikinn og við treyst-
um þessum mönnum til að sjá um
sóknarleik andstæðingsins,“ sagði
Heimir.
Andri sagði að þrátt fyrir að
Haukar væru enn án sigurs í deild-
inni væri ekki allt alsæmt. „Alls
ekki. Í þessum fjórum leikjum
höfum við átt tvo hálfleiki sem
hafa valdið vonbrigðum. Ég er því
ekki svartsýnn á framhaldið. Ég
veit að það býr margt í þessu liði
sem á eftir að koma betur í ljós.
Menn þurfa að hafa meiri trú á því
sem við erum að gera og þá kemur
þetta.“
Andri Ólafsson átti stórleik á
miðjunni hjá ÍBV en þegar vel
gekk lögðu margir hönd á plóg í
sóknarleiknum sem var á köflum
stórhættulegur. Daði Lárusson
bjargaði því sem hægt var í marki
Haukanna en fyrir utan Hilmar
Geir Eiðsson virtist lítill drifkraft-
ur og frumkvæði í spili nýliðanna.
eirikur@frettabladid.is
Sælir með sjö stig aftur til Eyja
ÍBV vann í gær sinn annan sigur í röð í Pepsi-deild karla og er nú með sjö stig eftir fyrstu fjórar umferðirn-
ar. Eyjamenn hafa leikið þessa fyrstu fjóra leiki sína á útivelli og fara sælir aftur til Eyja með stigin sjö.
SÆLIR EYJAMENN Leikmenn ÍBV unnu góðan 3-0 sigur á Haukum í gær. FRÉTTABLAÐIÐ/SETFÁN