Fréttablaðið - 03.06.2010, Side 60

40 3. júní 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Aðdáendur Rolling Stones hafa lengi beðið eftir nýrri og endurhljóð-
blandaðri útgáfu af Exile On Main Street. Hún kom loks á markað
fyrir hálfum mánuði og fór á toppinn í Bretlandi, í annað sætið í
Bandaríkjunum og situr þegar
þetta er skrifað í öðru sæti á
sameiginlegum lista Evrópu-
landanna. Það verður að teljast
gott fyrir 38 ára gamla plötu.
Þó að Exile On Main Street
hafi undanfarin ár verið talin
ein af bestu plötum Rolling Sto-
nes þá var það ekki málið þegar
hún kom fyrst út í maímánuði
1972. Hún fékk mjög misjafna
dóma. Exile On Main Street var
tvöfalt 18 laga albúm og sumum
Stones-aðdáendum, sem voru
enn í stuði eftir smella-hlaðnar
plötur eins og Let it Bleed og Sticky Fingers, þótti hana skorta þessa
dæmigerðu Stones-slagara. Þegar þeir fóru hins vegar að hlusta betur
komust þeir að því að heilsteyptari og bragðmeiri Stones-plötu er erfitt
að finna.
Lögin á Exile er mörg djammkennd grúv sem hlaðin hafa verið rödd-
um og sólóum. Það er rokk á plötunni, en líka kántrí, sálartónlist, blús
og gospel. Það tekur meiri tíma að falla fyrir henni heldur en öðrum
Stones-plötum, en hún endist líka lengur í spilaranum.
Nýja útgáfan af Exile On Main Street kemur í nokkrum mismun-
andi afbrigðum. Það er hægt að fá hana einfalda og án aukalaga. Það
er hægt að fá tvöfalda útgáfu sem inniheldur ellefu laga aukadisk með
upptökum sem eru ýmist sjaldheyrðar eða áður óútgefnar. Og svo
er líka ofurútgáfa í boði fyrir þá sem vilja taka 2007 á þetta. Í þeim
pakka, sem kostar um hundrað pund, eru diskarnir tveir, tvöföld vín-
ylplata, DVD-diskur með nýrri heimildarmynd sem heitir Stones in
Exile, bók, myndir og fleira.
Meistaraverk fær viðeigandi búning
EXILE ON MAIN STREET Nýja útgáfan af Exile
On Main Street þykir afbragð.
> Í SPILARANUM
Ljótu hálfvitarnir
Tame Impala - Innerspeaker
Deep Jimi and the Zep Creams - Better When We´re
Dead
Johnny Stronghands - Good People Of Mine
DEEP JIMI AND THE ZEP CREAMS TAME IMPALA
■ Irene Cara flutti lagið Flashdance... What
a Feeling sem var samið af henni, Giorgio
Moroder og Keith Forsey fyrir kvikmyndina
Flashdance.
■ Höfundarnir fengu bæði Óskars- og
Golden Globe-verðlaunin fyrir lagið
árið 1984.
■ Lagið fór hins vegar hæst í annað
sæti í Bretlandi. Þar var við ofurefli
að etja; Rod Stewart var á toppn-
um með lagið Baby Jane.
■ Orðið Flashdance kemur
aldrei fyrir í textanum, sem
var saminn af Irene Cara á
leiðinni í hljóðver þar sem
lagið var tekið upp.
■ Apple notaði lagið í hvatningarmyndbandi
fyrir starfsmenn sína árið 1983. Textanum
var þá breytt úr „What a Feeling“ í „We are
Apple“.
■ Irene Cara er 51 árs í dag og syngur
með hljómsveitinni Hot Caramel, sem
hefur ekki náð teljandi vinsældum.
■ Hún kom fram í raunveruleikaþætt-
inum Gone Country í fyrra. Þar reyna
söngvarar sem mega muna sinn fífil
fegurri fyrir sér í að verða kántrísöngv-
arar.
■ Cara hætti í þættinum,
en Sebastian Bach, fyrrverandi
söngvari þungarokkshljómsveit-
arinnar Skid Row, sigraði.
TÍMAVÉLIN IRENE CARA NÆR HÁPUNKTI FERILS SÍNS
What a Feeling á toppinn
> Plata vikunnar
Pollapönk - Meira pollapönk
★★★★
„Beintengt barnapönk“. - kg
Rapparinn Kanye West og rokk-
ararnir í Rage Against the Mach-
ine eru hluti af hópi tónlistar-
manna sem ætlar að sniðganga
ríkið Arizona í Bandaríkjunum.
Ástæðan er sú að nýlega voru
samþykktar breytingar á innflytj-
endalögum ríkisins sem Kanye og
félögum þykja síður en svo hlið-
holl innflytjendum. Telja þeir
að um skýlaust brot á mannrétt-
indum sé að ræða. „Sumir okkar
ólust upp við kynþáttamisrétti en
þessi lög eru algjör hneisa hvað
þessi málefni varðar,“ sagði Zach
de la Rocha, söngvari Rage Aga-
inst the Machine og
bætti við: „Við ætlum
að sniðganga Ariz-
ona.“
Á meðal annarra
flytjenda sem neita
að spila í ríkinu eru
Cypress Hill, Mass-
ive Attack og
Serj Tank-
ian, söngv-
ari System
of a Down.
Barack
Obama,
forseti
Bandaríkjanna, hefur einnig sett
spurningarmerki við lögin, sem
eiga að taka gildi í lok júlí.
Þetta er ekki í fyrsta sinn sem
Rage Against The Machine lætur
heyra í sér á stjórnmálasviðinu.
Sveitin hefur til að mynda gagn-
rýnt Íraksstríðið harðlega und-
anfarin ár.
Neita að spila í Arizona-ríki
Bandaríska blúsrokkdúóið
The Black Keys sendi á
dögunum frá sér sína sjöttu
hljóðversplötu, Brothers.
Danger Mouse annaðist
upptökur á fyrsta smáskífu-
laginu, Thighten Up.
The Black Keys samanstendur af
gítarleikaranum og söngvaranum
Dan Auerback og trommaranum
Patrick Carney sem eru báðir um
þrítugt.
Sveitin var stofnuð í borginni
Akron í Ohio árið 2001 og gaf út
sína fyrstu plötu, The Big Come
Up, ári síðar. Hrátt og einfalt blús-
rokkið í anda áttunda áratugar-
ins vakti athygli og einnig sú stað-
reynd að einungis var notaður gítar
og trommur við upptökurnar, auk
hljómborðs stöku sinnum. Óvenju
þroskuð blúsrödd Auerbachs þótti
hæfa tónlistinni vel, þar sem Jimi
Hendrix og James Brown voru á
meðal áhrifavalda. Sveitin hefur
einnig ítrekað verið nefnd í sömu
andrá og blúsrokkdúettinn The
White Stripes, sem kemur alls ekki
á óvart.
The Black Keys gerði samning
við útgáfufyrirtækið Fat Poss-
um og gaf skömmu síðar út sína
aðra plötu, Thickfreakness, sem
var tekin upp í fjórtán tíma sam-
felldri lotu í kjallaranum heima hjá
Carney. Næsta plata, Rubber Fact-
ory sem var tekin upp í yfirgefinni
verksmiðju, kom út 2004 og fékk
mjög góðar viðtökur. Vegur The
Black Keys óx smám saman og
hjálpaði þar til dugnaður þeirra við
tónleikahald. Árið 2006 kom næsta
plata út, The Magic Potion, og
tveimur árum síðar leit sú fimmta
dagsins ljós, Attack & Release. Þar
var upptökustjóri enginn annar en
Danger Mouse úr Gnarls Barkley
sem hefur unnið með stórlöxum á
borð við Gorillaz og Beck.
Nýja platan, Brothers, kom síðan
út fyrir skömmu og tók Danger
Mouse þátt í upptökum á fyrsta
smáskífulaginu Thighten Up. Plat-
an fór beint í þriðja sæti Billboard-
breiðskífulistans í Bandaríkjunum,
sem er besti árangur The Black
Keys til þessa. „Fram að gerð þess-
arar plötu höfðum við Dan þrosk-
ast mikið sem einstaklingar og
tónlistarmenn. Við höfum gengið í
gegnum ýmislegt sem hefur reynt
á samband okkar en á endanum
þá erum við bræður og ég held að
lögin á plötunni endurspegli það,“
sagði Carney.
Tónlist hljómsveitarinnar hefur
verið ákaflega vinsæl í bandarísk-
um sjónvarpsþáttum og kvikmynd-
um í gegnum árin. Þannig hefur
lagið I´ll Be Your Man af fyrstu plöt-
unni The Big Come Up verið notað
sem aðallag sjónvarpsþáttanna
Hung. Lög sveitarinnar hafa einnig
heyrst í þáttum á borð við The O.C.,
Entourage, Rescue Me og One Tree
Hill, auk kvikmyndanna School of
Rock, RocknRolla og Zombieland.
Það verður nóg að gera hjá The
Black Keys í sumar við að fylgja
plötunni eftir og á meðal viðkomu-
staða verða tónlistarhátíðirnar
Glastonbury, Rock Werchter, T in
the Park og Lollapalooza.
freyr@frettabladid.is
Blúsbræður í blíðu og stríðu
THE BLACK KEYS Bandarísku blúsrokkararnir í The Black Keys hafa sent frá sér sína
sjöttu hljóðversplötu, Brothers. NORDICPHOTOS/GETTY
The Kills - Keep On The Mean Side (2003)
Fyrsta plata The Kills var tekin upp í sama
hljóðveri og The White Stripes tók upp Elephant.
Forsprakkinn Alison Mosshart í hörkustuði.
ÞRJÁR PLÖTUR SEM LÍKJAST THE BLACK KEYS
The White Stripes -
De Stijl (2000)
Önnur plata The
White Stripes sem
kom sveitinni
rækilega á kortið.
Blúsrokk í hæsta
gæðaflokki.
The Jimi Hendrix Experience - Are You Experi-
enced (1967)
Fimmtánda besta plata allra tíma samkvæmt
Rolling Stone. Jimi Hendrix fer á kostum í blús-
uðu gítarrokki sínu.
KANYE WEST Rapparinn
ætlar ekki að spila í Arizona
á næstunni.
Þú færð Blaðberann þinn í Skaftahlíð 24
alla virka daga frá kl. 9-17.
óðar fréttir fyrir umhverfiðBlaðberinn...
Blaðberinn
bíður þín