Fréttablaðið - 16.09.2010, Qupperneq 30

16. SEPTEMBER 2010 FIMMTUDAGUR
Skeifan 11b 108 Reykjavík Sími 581 4914
framvegis@framvegis.is www.framvegis.is
Hvað er í boði?
Sérsniðin námskeið fyrir sjúkraliða
Sérsniðin námskeið fyrir félagsliða
Sérsniðin námskeið fyrir tanntækna
Lengri námsleiðir: Námskrár
Starfsmenntar og FA
Fræðsla á ferð - á vinnustaðinn
Námskeið fyrir atvinnuleitendur
Símenntunarmiðstöðin Fram-
vegis leggur metnað í að bjóða
upp á vandað nám fyrir ýmsar
starfsstéttir. Námskeið fyrir
atvinnuleitendur eru vaxandi
þáttur í starfseminni.
Framvegis, miðstöð um símennt-
un er sjálfstætt fræðslufyrirtæki
í eigu BSRB og Tölvuskólans Isoft-
þekking, sem leggur höfuðáherslu
á símenntun stétta í heilbrigðis- og
félagsþjónustu, ásamt því að þjón-
usta aðrar starfsstéttir. Að sögn
Sólveigar Lilju Snæbjörnsdóttur,
framkvæmdastjóra Framvegis, er
markmiðið að bjóða metnaðarfullt,
þægilegt og sveigjanlegt nám fyrir
fullorðið fólk sem hefur ýmsum
öðrum skyldum að gegna í lífinu.
„Tilgangurinn er að skapa þægi-
legar aðstæður þar sem áhersla er
lögð á virkni og þátttöku nemenda í
náminu, til dæmis með hvers kyns
hópavinnu, samtölum við kennara
og fleira,“ segir hún og getur þess
að nýverið hafi verið ákveðið að
prófa fjarkennslu í einu námskeið-
anna til að koma til móts við þarfir
þeirra sem af einhverjum ástæðum
eiga erfitt með að mæta í tíma.
„Með þessu móti geta nemend-
ur setið heima, fylgst með kennsl-
unni í gegnum tölvu og tekið virk-
an þátt í námskeiðinu án þess að
vera á staðnum,“ útskýrir Sólveig
og segir þátttakendur fá senda
krækju í tölvupósti sem veiti þeim
fulla þátttöku að námskeiðinu þar
sem þeir geti fylgst með kennsl-
unni. „Menn þurfa líka hljóðkort
til að heyra það sem fram fer og
geta látið í sér heyra og þeir sem
vilja geta verið með myndavél
tengda við heimatölvuna til að vera
sýnilegir, þótt það sé alls ekki skil-
yrði.“
Sólveig segir fjarkennsluna
dæmi um hvernig reynt er að auð-
velda nemendum að stunda nám í
Framvegis, enda hafi hún mælst
vel fyrir meðal þátttakenda. „Við
erum að prófa þetta nýja fyrir-
komulag hjá sjúkraliðum sem eru
mjög áhugasamir um símenntun
og taka vel á móti nýjungum sem
þessum.“ Ýmis spennandi nám-
skeið verða í boði hjá Framvegis
í haust og vetur að sögn Sólveig-
ar. „Þar má nefna námskeið fyrir
félagsmenn BSRB, sjúkraliða, fé-
lagsliða, tanntækna og svo nám-
skeið fyrir atvinnuleitendur, sem
er vaxandi þáttur í okkar starfs-
semi.“ Í því samhengi nefnir hún
til sögunnar námskeið í tölvu-
færni, sjálfsstyrkingu og starfs-
nám stuðningsfulltrúa.
„Svo er Toppurinn skemmti-
legt námskeið þar sem lagt er upp
úr líkamlegri og andlegri eflingu
með boot-camp, jóga, fjallgöngum
og þjálfun í persónulegri færni,“
segir hún og tekur fram að nám-
skeiðin séu skipulögð í samráði við
fagráð Framvegis og leiðbeinend-
ur séu helstu sérfræðingar á sínu
sviði í atvinnulífinu. „Við leggj-
um metnað okkar í að bjóða upp á
vandað nám.“
Sólveig heldur áfram. „Nú þegar
fylkingar stéttarfélaganna samein-
ast um að bjóða starfsmenntun sér-
staklega fyrir þá sem hafa stutta
formlega menntun bindum við hjá
Framvegis vonir við að geta boðið
atvinnuleitendum og öðrum tæki-
færi til náms og starfsþjálfun-
ar sem raunverulega nýtist þeim
þegar snúið er aftur inn á vinnu-
markaðinn.“
Hún nefnir loks að hjá Framveg-
is hafi verið að opna ný og aðgengi-
lega heimasíða þar allar upplýsing-
ar um námsframboð er að finna.
Vandað og þægilegt nám
„Tilgangurinn er að skapa þægilegar aðstæður þar sem áhersla er lögð á virkni og
þátttöku nemenda í náminu,“ segir Sólveig Lilja Snæbjörnsdóttir, framkvæmdastjóri
Framvegis. FRÉTTABLAÐIÐ/STEFÁN
„Þetta eru allt saman ótrúlega fjöl-
breytt og góð og skemmtileg nám-
skeið, ég er sífellt að sjá eitthvað
nýtt og spennandi sem mér finst
ég þurfa að bæta við,“ segir Þór-
unn Ólafsdóttir sjúkraliði sem
hefur lokið nokkrum námskeiðum
hjá Framvegis og er hæstánægð
með námið.
Námskeiðin sem Þórunn hefur
tekið tengjast velflest starfi henn-
ar sem sjúkraliða og hafa komið
henni að góðu gagni. „Ég hef meðal
annars tekið námskeið í sárum og
sárameðferð, smitsjúkdómum og
sýkingavörnum og svo einnig í
sjúkraflutningum sem er reyndar
mjög gott dæmi um hversu ófeim-
ið starfsfólk Framvegis er við að
sækja sér fróðleik til fagmanna í
öðrum starfsstéttum,“ bendir hún
á. „Víða er komið við í náminu sem
gerir það mjög skemmtilegt.“
Þórunn segir sjúkraliða al-
mennt vera duglega við að sækja
sér framhaldsmenntun. „Sú krafa
er gerð í kjarasamningum til
sjúkraliða að sækja sér reglulega
sí- eða endurmenntun til að við-
halda menntun sinni,“ útskýrir
hún og getur þess að við það hækki
þeir jafnframt um nokkur launa-
þrep. „Til að svo verði þurfa þeir
að ljúka einhverjum 200 stund-
um en þar sem sjúkraliðar eru al-
mennt fróðleiksfús starfsstétt ná
margir sér í mun fleiri einingar
þótt það skili þeim engu aukalega
í vasann.“
Sjálf er Þórunn komin langt yfir
einingafjöldann og hefur í hyggju
að viða að sér enn frekari fróð-
leik á næstunni. „Á döfinni er að
klára tíu eininga trúnaðarmanna-
námskeið hjá Félagsskóla alþýð-
unnar,“ segir hún og tekur fram
að Félag sjúkraliða með Birnu Ól-
afsdóttur í fararbroddi sé duglegt
við að hvetja trúnaðarmenn og fé-
lagsmenn almennt til að bæta við
sig námi. „Nú svo tek ég örugg-
lega eitthvað hjá Framvegis þar
sem alltaf er eitthvert spennandi
nám í boði, en þeir sjúkraliðar sem
ég veit að þar hafa lokið námi eru
á einu máli um hversu vandað það
er í alla staði,“ segir hún, full til-
hlökkunar.
Hefur nýst mér vel í starfi
Þórunn Ólafsdóttir sjúkraliði lætur vel af
starfi Framvegis og þeim námskeiðum
sem þar eru í boði. FRÉTTABLAÐIÐ/STEFÁN