Fréttablaðið - 18.09.2010, Page 8

8 18. september 2010 LAUGARDAGUR
1. Hver er að ljúka skriftum á sinni
tíundu vinjettubók?
2. Hver er fráfarandi varaformað-
ur í skipulagsráði Reykjavíkur?
3. Hvað eru margir KFC-staðir á
Akureyri?
SVÖR
1. Ármann Reynisson. 2. Barði Jóhanns-
son tónlistarmaður. 3. Enginn.
Tónaljóð og
dansar úr austri
Norræna húsinu
sunnudag
19. september kl.15.15
Camerarctica
Miðaverð 1500/750
FRÉTTASKÝRING
Heldur samningurinn um kaup
Magma á HS Orku?
Lögskýringarleið sú sem sögð
er sýna fram á að kaup Magma
Energy í Svíþjóð á HS Orku kunni
að hafa verið óheimil á ekki við
samkvæmt því sem segir í minnis-
blaði lögfræðings iðnaðarráðuneyt-
isins sem lagt var fyrir
ráðherra í gær. Þrjár af
fjórum lagaskýringar-
leiðum sem dregnar eru
upp í skýrslu nefndar um
orku- og auðlindamál um
kaup Magma á HS Orku
benda til lögmætis kaup-
anna. Skýrsla nefndar-
innar var lögð fyrir rík-
isstjórn í gær.
„Í skýrslunni kemur
meðal annars fram að
skoðun nefndarinnar á
þeim samningum sem
hún fékk aðgang að leiddi
ekki í ljós neina augljósa ann-
marka. Frá lagalegum sjónarhóli
sé ekki tilefni til að gera athuga-
semdir við samningana,“ segir í
tilkynningu.
Unnur G. Kristjánsdóttir, for-
maður nefndar um erlenda fjár-
festingu, fagnar því að nefndin
hafi með þessu staðfest þá niður-
stöðu sem nefnd hennar hafi áður
komist að. Um leið kveðst hún
undrast vinnubrögð Magmanefnd-
arinnar. „Nefndin fékk gögn frá
okkur en hafði aldrei fyrir því að
tala við okkur að eigin frumkvæði
eða leggja fyrir okkur neinar
vangaveltur,“ segir hún og undrast
að hafa ekki fengið tækifæri til að
sjá skýrsluna og gera athugsemd-
ir áður en hún var gerð opinber í
gær. „Þetta tel ég vera
afar gagnrýnivert.“
Unnur segir að í
skýrslu Magmanefnd-
arinnar sé ekki horft til
þess að nefnd um erlenda
fjárfestingu sé stjórn-
sýslunefnd og hefði því
ekki getað vísað málum
til dómstóla líkt og talið
sé í skýrslunni að hún
hefði átt að gera.
Þá hafi nefnd um
erlenda fjárfestingu,
þrátt fyrir ítarlega leit
og gagnaöflun, ekki
getað sýnt fram á að Magma
Sweden væri ekki raunverulegt
fyrirtæki. „Fyrirtækið er með
fullt af peningum og bankareikn-
inga og ætlar sér kannski að fjár-
festa í fleiri löndum en Íslandi,“
segir Unnur og bætir við að nefnd
hennar hafi meira að segja feng-
ið staðfest að gjaldeyrisyfirfærsl-
ur vegna kaupanna á HS Orku
hafi allar verið á vegum Magma
Sweden. Eins sé fyrirtækjaformið
algengt. „Ég held meira að segja
að Samherji eigi svona fyrir-
tæki. Það rekur útgerðina þeirra
í Þýskalandi.“
Heimildir blaðsins herma að
innan Magmanefndarinnar hafi
togast á ólík sjónarmið um að
hvaða niðurstöðu mætti komast.
Því hafi í raun verið málamiðl-
un að setja upp ólíkar leiðir í lög-
skýringu og segja sem svo að ekki
yrði skorið úr álitamálum nema
fyrir dómi. Lögmenn sem rætt
hefur verið við telja ólíklegt að sú
eina lögskýringarleið af fjórum
sem sýni ólögmæti kaupa Magma
myndi verða tekin gild fyrir dómi.
Til þess þyrfti bæði að falla frá
hefðbundnum lögskýringarsjónar-
miðum og færa sönnur á að dótt-
urfyrirtæki Magma í Svíþjóð væri
einhvers konar gervifyrirtæki.
olikr@frettabladid.is
Furðar sig á vinnubrögðum
Magma Sweden er alvörufyrirtæki með raunverulegan rekstur, segir formaður nefndar um erlenda fjár-
festingu. Lögskýringarleið sem sýnir fram á ólögmæti kaupa Magma á HS Orku stenst ekki skoðun.
„Við erum fegnir að þetta er komið fram og erum
ánægðir með niðurstöðuna,“ segir Ásgeir Margeirsson,
framkvæmdastjóri Magma Energy á Íslandi, um skýrslu
Magmanefndarinnar. Hann kveðst vonast til að deilum
sé nú lokið og hægt að snúa sér að uppbyggilegri
málum.
Nefndin nefnir í skýrslu sinni leiðir sem stjórnvöld
gætu valið í framhaldinu, svo sem eignarnám með
lagasetningu, endurskoðun á áliti nefndar um erlenda
fjárfestingu og samninga við Magma. „Mér sýnist í skýrsl-
unni að ekki séu forsendur fyrir eignarnámsleiðinni,“
segir Ásgeir og telur að samkvæmt skýrslunni sé samn-
ingaleiðin ein fær. Hann bendir á að Magma hafi boðið
ríkinu forkaupsrétt, lýst vilja til að ræða auðlindaleigusamninga og eins lýst
áhuga á því að ríkið eða lífeyrissjóðir kaupi hlut í fyrirtækinu. Eins segir hann
að sér heyrist á lögfræðingum að fjórða lögskýringarleiðin, sem sýni ólög-
mæti kaupa Magma, sé afar langsótt. „Til dæmis þyrfti að líta fram hjá því að
Magma í Svíþjóð hafi verið aðili að viðskiptunum,“ segir hann og bendir á að
aukinheldur þyrfti að líta fram hjá formlegri túlkun lagabókstafsins.
Fagnar niðurstöðu Magmanefndarinnar
ÁSGEIR
MARGEIRSSON
REYKJAVÍK Jón Gnarr, borgarstjóri
í Reykjavík, segir að ofbeldi í mið-
borginni verði ekki þolað lengur.
Hann lét þessi orð falla í gær á
kynningarfundi um öryggismál í
miðborginni.
Á fundinum var kynnt úttekt á
öryggismálum skemmtistaða mið-
borgarinnar, en á meðal aðstand-
enda hennar var dyravörðurinn
Birgir Páll Hjartarson, sem segir
að á löngum ferli hafi hann aldrei
upplifað jafn slæmt ástand.
Niðurstaða skýrsluhöfunda
er í grófum dráttum sú að til að
stemma stigu við ofbeldi skipti
notkun öryggismyndavéla, eftir-
lit með salernum og afkimum og
árvekni dyravarða mestu máli.
Borgarstjóri segir að til þess að
eyða ofbeldi þurfi samræmdar og
sýnilegar aðgerðir. „Ef við stönd-
um ekki saman, heldur vandamálið
áfram að vaxa. Það er undir okkur
öllum komið að taka ábyrgð á því
að standa gegn ofbeldi,“ sagði Jón
Gnarr borgarstjóri - þj
Borgarstjóri vill samræmdar aðgerðir til að útrýma ofbeldi úr miðborginni:
Kallar eftir vitundarvakningu
SAMGÖNGUR Bílastæðasjóður
Reykjavíkur hefur ákveðið að
bæta við gjaldskyldum stæðum
í miðbænum. Bjarki Kristjáns-
son, rekstrarstjóri Bílastæða-
sjóðs, segir ákvörðunina hafa
verið tekna að beiðni íbúanna og
atkvæðagreiðsla meðal þeirra
hafi skorið úr um málið. Viðbæt-
ur gjaldskyldra stæða undanfar-
in ár hafi ætíð verið gerðar að
beiðni þeirra. Áætlunin hafi verið
kynnt fyrir íbúum og öllum gef-
inn kostur á að svara.
Bætt verður við stöðumælum á
Grettisgötu, Njálsgötu, Bergþóru-
götu, Lindargötu og Sölvhólsgötu.
- sv
Fleiri gjaldskyld bílastæði:
Ávallt bætt við
að beiðni íbúa
MIÐBORG REYKJAVÍKUR Til stendur að
setja enn fleiri gjaldskyld stæði í mið-
bæinn. FRÉTTABLAÐIÐ/STEFÁN
FRAKKLAND, AP Öldungadeild
franska þingsins hefur samþykkt
bann við því að konur hylji andlit
sín með búrkum eða slæðum með
yfirgnæfandi meirihluta. Bannið
var samþykkt með 246 atkvæðum
gegn einu.
Lagasetningin mun hafa bein
áhrif á líf um 2.000 kvenna, og
líta margir múslimar í Frakklandi
á bannið sem áfall fyrir iðkendur
íslam í landinu.
Bannið fer nú fyrir stofnun
sem kannar hvort lögin brjóti
gegn stjórnarskrá landsins. - bj
Þingið samþykkir búrkubann:
Hefur áhrif á
um 2.000 konur
Nefndin talaði
aldrei við
okkur að eigin
frumkvæði.
UNNUR G.
KRISTJÁNSDÓTTIR
FORMAÐUR
NEFNDAR UM
ERLENDA
FJÁRFESTINGU
VIÐSKIPTI Fjárfestingarsjóður-
inn Frumtak hefur keypt um sjö-
tíu prósenta hlut í eigu félaga
Íslandsbanka í Median – Rafræn
miðlun. Fyrirtækið hefur verið í
söluferli hjá bankanum frá í maí.
Markmið Frumtaks er að sam-
nýta tækni og markaðsstarf fyr-
irtækjanna Median og Hand-
Point. Síðastnefnda fyrirtækið
hefur þróað greiðslulausnir fyrir
handtölvur.
Dr. Eggert Claessen, fram-
kvæmdastjóri Frumtaks, segir
mikil tækifæri felast í að tengja
þessar lausnir saman. - jab
Frumtak kaupir tæknifyrirtæki:
Tími kominn
til að tengja
VITUNDARVAKNING Jón Gnarr borgar-
stjóri segir ofbeldi í miðborginni ekki
verða liðið lengur.
FRÉTTABLAÐIÐ/STEFÁN
VEISTU SVARIÐ?