Fréttablaðið - 18.09.2010, Síða 78

46 18. september 2010 LAUGARDAGUR
menning@frettabladid.is
Langþráður draumur kvik-
myndaunnenda rættist á
miðvikudag þegar Bíó Par-
adís tók til starfa. Lovísa
Óladóttir, framkvæmda-
stjóri listabíósins, fagnar
langþráðu tækifæri til að
sýna fram á að listabíó eigi
erindi hér á landi.
Hverfisgatan hefur fengið yfir-
halningu að undanförnu; skær-
grænn hjólreiðastígur teygir sig
frá Lækjargötu austur á Snorra-
braut og á miðri leið hefur eitt
helsta kennileiti götunnar skipt
um nafn, lit og starfsemi. Blái
Regnboginn er orðinn að rauðri
Bíó Paradís; nýjum heimkynnum
listrænna bíómynda, klassískra
mynda og kvikmyndahátíða.
Bíða ekki boðanna
Starfsemin byrjar af krafti. Á
miðvikudag var heimildarmynd-
in Backyard sýnd, nú um helgina
verður frönsk nýbylgjuveisla og í
næstu viku hefst alþjóðleg kvik-
myndahátíð í Reykjavík – RIFF.
Lovísa Óladóttir, nýráðinn fram-
kvæmdastjóri Bíós Paradísar,
segir enda enga ástæðu til að bíða
boðanna.
„Í sumar tókust samningar um
myndarlegt framlag Reykjavík-
urborgar til Bíós Paradísar, sem
var forsenda þess að það var hægt
að koma þessu verkefni af stað og
reka húsið fyrstu vikurnar. En nú
þurfum við að sýna hvað í okkur
býr og að við getum staðið undir
því sem við lögðum upp með, sem
þýðir að við þurfum að laða að
okkur margt fólk strax á fyrstu
vikunum.“
Lovísa er bjartsýn á það muni
takast, enda höfði Bíó Paradís
til markhóps sem hafi verið van-
ræktur í stærri kvikmyndahús-
unum.
„Það eru til mjög nákvæm-
ar aðsóknartölur í kvikmynda-
hús, sem við miðum við í okkar
rekstraráætlunum. Við gerum
okkur ekki grillur um sams
konar aðsókn og í stóru bíóunum,
en teljum engu að síður að það
sé til nægilega stór markhópur
fyrir starfsemi sem þessa. Stóru
bíóin eru ágæt fyrir sinn hatt en
úrvalið hefur tilhneigingu til að
vera einsleitt. Í því liggja okkar
sóknarfæri; auk fjölbreyttara
úrvals getum við líka bryddað
upp á þemavikum og þess háttar
uppá komum sem stóru húsin eiga
óhægara með um vik.“
Breyttar áherslur og
aukinn skilningur
Kvikmyndagerðarmönnum og
áhugafólki um kvikmyndir hefur
lengi dreymt um listabíó á Íslandi.
Það vekur óneitanlega athygli
að eitt slíkt skuli opna í miðri
kreppu.
„Það spilar eflaust margt inn í,“
segir Lovísa. „Það er engum blöð-
um að fletta að í kjölfar breyting-
anna í borgarstjórn hafa áhersl-
urnar líka breyst. Það er eins og
pólitíkin hafi færst nær fólkinu,
orðið manneskjulegri, og því fylg-
PARADÍSARBÍÓHEIMT
Útgáfulisti forlaganna er óðum að taka á sig
mynd fyrir þessi jól. Í hópi þeirra höfunda
sem gefa út hjá Bjarti í ár er Eiríkur Guð-
mundsson, umsjónarmaður Víðsjár á Rás 1.
Eiríkur hefur ritað skáldsögu sem ber
titilinn Sýrópsmáninn. Bókin fjallar um
ungan iðjuleysingja, sem er rekinn úr starfi
af Vísindavefnum fyrir að svara út í hött.
Þaðan fer hann til Ítalíu ásamt konu og
ungum syni, af því einkennileg þoka er að
kæfa Reykjavík og allt landið, og hugsar um
ástir sem hafa farið forgörðum, sorgir og
gleði og heim sem er að hverfa.
Sýrópsmáninn ku vera knappari en í
svipuðum anda síðustu skáldsögu Eiríks,
Undir himninum frá 2007, þar sem mörk
veruleika og skáldskapar voru á stöðugu
floti.
Eiríkur með Sýrópsmánann
EIRÍKUR GUÐMUNDSSON
Sýning á fimm ljósmyndaröð-
um eftir Ólaf Elíasson var opnuð í
Listasafni Íslands á fimmtudag. Við
það tækifæri gaf Ólafur Listasafni
Íslands titilverkið, Cars in Rivers.
Cars in rivers, 2009 lýsir barn-
ingi mannsins við óútreiknanlega
náttúru, um leið og myndröðin gæti
með táknrænum hætti lýst efna-
hagshremmingum þeim sem við
Íslendingar höfum lent í síðustu
misserin og mætti líkja við kafsigl-
ingu torfærubíla í straumhörðum
vatnsföllum.
Árið 2008 var auglýst eftir mynd-
um af jeppum föstum í ám í þeim til-
gangi að nota í listaverk eftir Ólaf.
Myndirnar 35 í röðinni voru valdar
úr hópi þeirra mynda sem barst.
Jökla Series, 2005 er skrásetn-
ing listamannsins á Jökulsá á Dal
(Jöklu) frá jökulrótum að svæðinu
þar sem Kárahnjúkastífla rís, en
gerð stíflunnar var langt komin
þegar myndröðin var unnin. Síðan
fylgdi listamaðurinn ánni tölu-
vert áleiðis í átt að ósi. Hér er því
um einstæða heimild að ræða því
Jökla hefur algjörlega breytt um
svip.
Auk þessara myndraða eru sýnd-
ar þrjár nýjar ljósmyndaraðir frá
2010 sem sýna auðnir Íslands og
náttúruöfl sem þó fóstra gróður og
menningarleg ummerki þar sem
síst skyldi ætla.
Sýning Ólafs stendur til 7. nóv-
ember.
Jeppar á floti
LISTAMAÐURINN OG LJÓSMYNDARINN Ólafur Elíasson myndlistarmaður ásamt
ljósmyndara, sem á mynd í röðinni Cars in Rivers. FRÉTTABLAÐIÐ/ VALGARÐUR
LOVÍSA ÓLADÓTTIR „Við tókum þá ákvörðun að taka upp nýtt nafn. Þetta er annars
konar starfsemi sem er að byrja hér og okkur fannst húsið verðskulda nýtt upphaf.”
FRÉTTABLAÐIÐ/STEFÁN
Lovísa Óladóttir, nýráðinn framkvæmdastjóri Bíós Paradísar, er kvikmynda-
fræðingur að mennt. Að loknu námi starfaði hún við kvikmynda- og auglýs-
ingagerð, þar til hún varð dagskrárstjóri á Stöð 2, þar sem hún starfaði í tólf
ár. Á undanförnum árum hefur Lovísa rekið sprotafyrirtæki á sviði fatahönn-
unar og sat meðal annars í stjórn Fatahönnunarfélags Íslands.
LOVÍSA ÓLADÓTTIR
ir skilningur á verkefnum sem
þessum.
Kvikmyndagerðarmenn hafa
líka lagt mikið á sig til að láta
þetta verkefni verða að veruleika
og sýnt meiri samtakamátt en oft
áður.
Síðast en ekki síst hefur kvik-
myndamenntun vaxið fiskur um
hrygg hér á landi undanfarið. Í
vor útskrifaðist fyrsti nemandinn
með B.A.-próf í kvikmyndafræði
frá Háskóla Íslands og starfsemi
Kvikmyndaskólans hefur eflst
mjög og dafnað að undanförnu.
Samfara því eykst framboðið
mjög mikið og það gefur auga leið
að það verður að vera til einhvers
konar vettvangur til að koma því
á framfæri.“
Lovísa segist einnig sjá fyrir
sér samstarf Bíós Paradísar við
skólakerfið. „Eftir ár verðum við
líklega búin að taka eitt eða tvö
skref nær menntakerfinu; leggja
okkar af mörkum til að efla kvik-
myndalæsi. Okkur langar til
dæmis að koma á samstarfi við
grunnskóla og bekki á bíósýning-
ar, að ógleymdum framhalds- og
háskólunum.“
Nýtt upphaf með nýju nafni
Regnboginn var eitt rótgrónasta
kvikmyndahús borgarinnar. Mörg-
um þykir eftirsjá í nafninu. Lov-
ísa bendir á að nafnið sé ekki í
eigu aðstandenda Bíós Paradísar,
sem hefðu því þurft að leigja það
áfram.
„Við tókum þá ákvörðun að taka
upp nýtt nafn. Þetta er annars
konar starfsemi sem er að byrja
hér og okkur fannst húsið verð-
skulda nýtt upphaf. Á Vesturlönd-
um er ákveðin hefð fyrir því að
listabíó heiti Bíó Paradís; ítalska
myndin Cinema Paradiso vísar til
dæmis til þess. Þess vegna varð
nýja nafnið fyrir valinu.“
Lovísa segir að vetrarstarf-
ið muni fyrst og fremst einkenn-
ast af fjölbreytni og þar verði allt
undir.
„Við ætlum ekki að afmarka
okkur við ákveðin tímabil eða
stefnur. Við viljum endilega líka fá
hugmyndir frá fólki og það kemur
allt til greina. Eina vikuna er hægt
að sýna japanskar skrímslamynd-
ir, hasarmyndir þær næstu eða
ástarþema. Þetta á allt rétt á sér.“
bergsteinn@frettabladid.is
Klukkan 15.30
Fimm nýjar íslenskar stuttmynd-
ir verða sýndar í Bíói Paradís við
Hverfisgötu klukkan 15.30 í dag og á
morgun. Fjórar þeirra voru verðlaun-
aðar á Stuttmyndadögum í Reykja-
vík í vor en sú fimmta er ný. Mynd-
irnar eru: Áttu vatn eftir Harald
Sigurjónsson, Sykurmoli eftir Söru
Gunnarsdóttur, Þyngdarafl eftir
Loga Hilmarsson, Ofurkrúttið eftir
Jónatan Arnar Örlygsson og Grím
Jón Björnsson og sú nýjasta, Crew
eftir Harald Sigurjónsson.
> Ekki missa af ...
Fyrstu tónleikunum í tón-
leikaröðinni 15:15 í Norræna
húsinu á morgun klukkan
15.15. Kammerhópurinn
Camerarctica ríður á vaðið
og leikur fjölbreytta og litríka
efnisskrá fyrir klarinettu,
strengi og píanó eftir tónskáld
frá Austur-Evrópu. Gestur á
þessum tónleikum er Ingunn
Hildur Hauksdóttir.