Fréttablaðið - 05.11.2010, Page 2

2 5. nóvember 2010 FÖSTUDAGUR
Vala, stefnir stelpan ekki hrað-
byri á þing, fyrst hún talar
tungum tveim?
„Jú, þingið hefði gott af því að fá
Súsönnu til liðs við sig í framtíðinni.“
Vala Þórsdóttir og Agnieszka Nowak hafa
skrifað bókina Þankagöngu Myslobieg
um Súsönnu, tíu ára tvítyngda stúlku.
LÖGREGLUMÁL Lögreglan á höfuðborgarsvæðinu
hefur lokið rannsókn á manndrápinu í Hafnarfirði
í ágúst síðastliðnum. Málið verður sent til ákæru-
valdsins í kringum helgina.
Fyrir liggur játning Gunnars Rúnars Sigurþórs-
sonar þess efnis að hann hafi veitt Hannesi Þór
Helgasyni áverka með hníf, sem urðu honum að
bana. Þá er geðrannsókn lokið á Gunnari Rúnari.
Það er dómara að ákveða hvort hann sé sakhæfur,
með tilliti til rannsóknar geðlæknis.
Þá liggur krufningarskýrsla nú fyrir. Ýmis
önnur gögn eru fyrirliggjandi, svo sem myndband
sem sýnir Gunnar Rúnar henda hnífi í smábáta-
höfnina í Hafnarfirði. Hann mun þá hafa verið að
koma beint af heimili Hannesar Þórs Helgasonar
eftir að hafa orðið honum að bana. Myndbandið
er úr eftirlitsmyndavél við höfnina. Þá fannst far
eftir skó hans á morðvettvangi og fleiri gögn eru
fyrirliggjandi.
Enn er beðið formlegra niðurstaðna úr lífsýnum
að utan, en þær verða notaðar í málinu þegar þær
berast að utan.
Gunnar Rúnar hefur setið í gæsluvarðhaldi frá
27. ágúst. - jss
SMÁBÁTAHÖFNIN Kafarar leituðu að morðvopninu í smábáta-
höfninni.
Mál Gunnars Rúnars Sigurþórssonar sent ákæruvaldinu í kringum helgina:
Rannsókn á morðmálinu lokið
SVÍÞJÓÐ, AP Karl Gústaf Svíakonungur vildi
engu svara þegar fjölmiðlar spurðu út í
svæsnar sögur af einkalífi hans, sem fjallað
er um í nýútkominni bók.
Á blaðamannafundi, sem haldinn var í gær
í tilefni af elgsveiðum konungs, eins og venja
er til á hverju ári, sagðist hann aðeins hafa
blaðað í bókinni. Hann hefði ekki haft tíma til
að lesa hana alla og gæti því ekki tjáð sig um
innihald hennar.
Hann sagði þó atburðina, sem um væri
rætt, vera löngu liðna. Hann hefði rætt þá við
fjölskyldu sína og þessi mál væru að baki.
„Við snúum við blaðinu og höldum áfram,“
sagði konungurinn.
Auk þess bað hann fjölmiðla um að láta nú
konungsfjölskylduna í friði „vegna þess að við
höfum ákveðnum skyldum að gegna“.
Bókin heitir „Karl Gústaf XVI – konung-
urinn ófúsi“ og fjallar höfundurinn þar ítar-
lega um einkalíf konungs, þar á meðal sögur
af framhjáhaldi, útstáelsi á næturklúbbum og
tengsl við glæpaheim Svíþjóðar.
Höfundurinn Thomas Sjöberg hefur áður
skrifað umtalaða bók um Ingvar Kamprad,
eiganda IKEA-verslananna, og aðra um
sænska klámframleiðandann Berth Milton.
Sjöberg vann að bókinni í tvö og hálft ár
í samvinnu við Deanne Rauscher og Tove
Meyer. Samkvæmt sænskum lögum eiga
þau yfir höfði sér fangelsisdóm, kjósi
konungurinn að kæra þau. - gb
Svíakonungur gagnrýndur fyrir framhjáhald, næturklúbbaheimsóknir og tengsl við glæpaheima Svíþjóðar:
Karl Gústaf biður fjölmiðla um svigrúm
KARL GÚSTAF RÆÐIR VIÐ FJÖLMIÐLAFÓLK Óvenju
fjölmennt var á blaðamannafundinum í gær, en
konungurinn sagðist ekki hafa náð að lesa bókina alla.
NORDICPHOTOS/AFP
FÓLK „Það er sérstakt að fylgj-
ast með viðbrögðum fólks þegar
það sér hana fyrst af því að hún
er svona hárlaus,“ segir Belinda
Theriault um Sphynx-læðuna sína
Birtu.
Belinda og tíkin Týra voru óað-
skiljanlegar í fimmtán ár þar til
Týra dó haustið 2006.
„Þegar Týra dó var ég í ofboðs-
lega miklum sárum. Ég vildi ekki
fá mér annan hund en vissi að ég
yrði að fá mér eitthvert dýr af því
að mér leið svo illa,“ segir Belinda
sem tók Sphynx-læðuna Birtu til
reynslu í nokkra daga sumarið
2007. Birta var þá í fyrsta skipti
aðskilin frá bróður sínum og
móður og faldi sig út um allt hús.
„Eftir tvo daga kom hún allt í
einu inn í stofu og lagðist í kjöltu
mína og horfði í augun á mér. Þá
vissi ég að hún Birta færi héðan
aldrei út aftur,“ lýsir Belinda
andartakinu þegar hún féll fyrir
læðunni sinni.
Sphynx-kattategundin er upp-
runalega frá Kanada og varð til
við stökkbreytingu. Sérstakt útlit
Birtu veldur því að hún mætir
miklum fordómum.
„Fólk segir oft oj. Það spyr hvort
hún sé ekki grimm og hvort ekki
sé ógeðslegt að koma við hana.
Bara við það að sjá hana myndar
fólk sér svo ofboðslega neikvæða
skoðun á henni,“ segir Belinda
sem kveður börn hins vegar mun
jákvæðari gagnvart Birtu en þá
eldri. „Börnin vilja vita allt um
Birtu. Þess vegna datt mér í hug
hvort ég gæti notað hana sem sam-
einingartákn,“ segir Belinda sem
skrifað hefur bókina Birta, brött
og bleik.
„Fólk segir að hún líkist geim-
veru og sumir halda að hún sé
rotta. Hún situr stundum eins og
páfagaukur á öxlinni á mér og við
göngum um hverfið og höfum jafn-
vel fengið okkur kaffi á útikaffi-
húsi. Einu sinni var lítill strákur
með mömmu sinni niðri á Hall-
ærisplani þar sem hann æpti upp:
Ertu með grís?“ hlær Belinda.
Bókin fjallar um það þegar Birta
fer út og hittir önnur dýr sem
vilja hana ekki í hópinn. Belinda
hefur áður skrifað tilraunaverk-
efni byggt á Birtu sem notað var
í Norðlingaskóla.
„Í lok verkefnisins fórum við
í heimsókn. Það að Birta sé til í
alvörunni finnst fólki svo heill-
andi. Hún er ekki röndóttur fíll
heldur er hún til og getur farið og
hitt krakkana og þau fengið að sjá
hana,“ segir hún og undirstrikar
að Birta sé yndislegur köttur þótt
hún sé öðruvísi.
„Birta er mjög mannblendin og
það elska hana allir út af lífinu. Það
er skemmtileg leið að nota hana
til að leggja áherslu á umburðar-
lyndi, víðsýni og sjálfstæða hugs-
un,“ segir Belinda Theriault.
gar@frettabladid.is
Biður fólk að dæma
ekki hana Birtu sína
Belinda Theriault á læðuna Birtu sem hvarvetna mætir fordómum fyrir útlitið
eitt. Belinda hefur skrifað bók um Birtu til að reyna að auka umburðarlyndi og
víðsýni. Birta litla er hárlaus og situr á öxl Belindu í gönguferðum um bæinn.
BELINDA OG BIRTA Sögunni um Birtu bleiku er ætlað að fá lesendur til að dæma þá
sem eru öðruvísi ekki eftir útlitinu heldur sjá þá frá öðru sjónarhorni, segir höfundur-
inn Belinda Theriault. Tíkin Týra fylgist með ofan af vegg. FRÉTTABLAÐIÐ/DANÍEL
Einu sinni var lítill
strákur með mömmu
sinni niðri á Hallærisplani þar
sem hann æpti upp: Ertu
með grís?
BELINDA THERIAULT
RITHÖFUNDUR
BORGARMÁL Fjárhagsaðstoð til
einstaklinga sem reka heimili
hækkar úr tæpum 126 þúsund
krónum í 149 þúsund krónur,
samkvæmt tillögum sem full-
trúar Samfylkingar og Besta
flokksins lögðu fram á fundi vel-
ferðarráðs Reykjavíkurborgar í
gær. Hækkunin nemur tæpum 19
prósentum.
Einnig er lagt til að fjárhags-
aðstoð til hjóna hækki úr rúmum
200 þúsund krónum í tæpar 224
þúsund krónur, sem er 11 pró-
senta hækkun. Grunnfjárhæð til
einstaklings sem býr í foreldra-
húsum mun nánast ekkert breyt-
ast og grunnfjárhæð til ann-
arra þeirra sem ekki reka eigið
heimili verður óbreytt.
Tillaga í velferðarráði:
Vilja að styrkir
verði hækkaðir
ÍRLAND, AP Breska varnarmála-
ráðuneytið hefur meinað tveimur
norður-írskum þingmönnum, Ken
Maginnis og David Simpson, að
ferðast til Kabúl í Afganistan.
Ástæðan er sú að holdafar
þeirra gerir það að verkum að
þeir komast ekki í skotheld vesti.
Jafnvel stærstu skotheldu vestin
sem breski herinn hefur yfir að
ráða duga ekki til að hlífa mönn-
unum.
Maginnis er ekki alls kostar
sáttur við þetta og segir þá vera
nokkuð venjulega í vextinum,
„þótt við séum reyndar stærri en
flestir“. - gb
Norður-írskir þingmenn of feitir:
Meinað að fara
til Afganistans
INDLAND, AP Irom Shamala, 38 ára
gömul indversk kona, hefur ekki
sjálfviljug sett mat inn fyrir varir
sínar síðan 4. nóvember árið 2000.
Í gær hafði hún því verið í hungur-
verkfalli í heilan áratug.
Hún hóf hungurverkfallið til
að mótmæla lögum sem veita ind-
verskum hermönnum heimildir til
að handtaka og jafnvel skjóta upp-
reisnarmenn án dómsúrskurðar.
Hún var handtekin þremur
dögum síðar og hefur þann áratug
sem síðan er liðið fengið næringu í
gegnum nefið, gegn vilja sínum.
- gb
Veikburða kona á Indlandi:
Hungurverkfall
í heilan áratug
IROM SHAMALA Hún er orðin afar veik-
burða eftir hungurverkfallið.
FRÉTTABLAÐIÐ/AP
SAMGÖNGUR Stefnt er að því að
Herjólfur leggi að í Landeyja-
höfn í síðdegisferðinni frá Vesta-
mannaeyjum á morgun. „Að öllu
óbreyttu stendur til að fara eina
ferð í Þorlákshöfn á morgun og
svo frá Eyjum klukkan fimm
í Landeyjahöfn,“ segir Sigmar
Jónsson hafnarvörður. Síðan er
ætlunin að Herjólfur sigli úr
Landeyjahöfn til Eyja klukkan
hálfsjö annað kvðld.
Dæluskipið Perlan er í höfninni
og heldur áfram dýpkunarstörf-
um í dag. Landeyjahöfn hefur
verið lokuð í fjörtíu daga vegna
sands í innsiglingunni. - gar
Dýpkunarvinnu að ljúka:
Herjólfi stefnt
í Landeyjahöfn
LANDEYJAHÖFN Ætlunin er að opna í
dag eftir fjörutíu daga hlé.
SPURNING DAGSINS