Fréttablaðið - 16.02.2011, Blaðsíða 14

14 16. febrúar 2011 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
A
lþingismenn úr þremur flokkum, undir forystu Sivjar
Friðleifsdóttur þingmanns Framsóknarflokksins, hafa
lagt til að Alþingi feli innanríkisráðherra að útbúa laga-
frumvarp um svokallaðar forvirkar rannsóknarheim-
ildir til handa lögreglunni.
Í forvirkum rannsóknarheimildum felst að lögreglan fær heim-
ild til að safna upplýsingum um einstaklinga, samtök eða fyrirtæki
þótt ekki liggi fyrir rökstuddur
grunur um að tiltekið afbrot
hafi verið framið, heldur er nóg
að lögreglu gruni að menn hafi
áform um afbrot. Flutningsmenn
tillögunnar benda á að lögreglu-
yfirvöld í öllum norrænu ríkjun-
um nema á Íslandi hafi heimildir
af þessu tagi. Þær hafi nýlega
sannað gildi sitt er danska og sænska lögreglan kom í veg fyrir
fjöldamorð hryðjuverkamanna á starfsfólki Jyllandsposten í
Danmörku.
Forvirkar rannsóknarheimildir nýtast í baráttunni gegn skipu-
lagðri glæpastarfsemi af margvíslegu tagi, mansali, fíkniefna-
smygli og hryðjuverkum, eins og rakið er í greinargerð með þings-
ályktunartillögunni. Við þann lista mætti bæta njósnastarfsemi
á vegum erlendra ríkja og/eða fyrirtækja, en nýlega komu fram
vísbendingar um að Kína stundaði iðnnjósnir hér á landi.
Íslenzkir lögreglumenn hafa ítrekað bent á að þeir búi við verri
starfsaðstæður en önnur lögreglulið á Norðurlöndum vegna þess
að þá skorti heimildir til rannsókna af þessu tagi. Sá nýi veruleiki
harðsvíraðrar, skipulagðrar og alþjóðlegrar glæpastarfsemi sem
nú blasir við á Íslandi varð meðal annars til þess að Ragna Árna-
dóttir, fyrrverandi dómsmálaráðherra, skipti um skoðun á forvirku
rannsóknarheimildunum og hugðist útbúa frumvarp um þær. Hún
var þeirrar skoðunar, eins og þingmennirnir sem flytja málið nú,
að slíkar heimildir yrðu að vera háðar ströngu eftirliti nefndar á
vegum Alþingis, sérstakrar deildar í dómstóli eða hvors tveggja.
Eftir að Ögmundur Jónasson varð dómsmálaráðherra og síðar
innanríkisráðherra hefur áhugi ráðuneytisins á þessum úrræðum
fyrir lögregluna gufað upp. Það er kannski ekki að furða, því að
þegar forvirkar rannsóknarheimildir bar á góma í tíð fyrri ríkis-
stjórnar var Ögmundur í hópi þeirra sem fundu þeim allt til foráttu
og töluðu um „leyniþjónustu“ og „njósnastarfsemi“.
Þó er það svo, eins og flutningsmenn þingsályktunartillögunnar
benda á, að öryggi almennings og friður fyrir afbrotamönnum
er mikilvægt velferðarmál. Engin rök eru heldur fyrir að lög-
reglan á Íslandi hafi minni heimildir en lögregla annars staðar
á Norðurlöndum. Þess vegna ætti þetta mál að vera áhugamál
„norrænu velferðarstjórnarinnar“.
Fyrst innanríkisráðherrann ætlar ekki að gera neitt í málinu er
nauðsynlegt að afgreiða þingsályktunartillöguna og láta þannig
reyna á hvort meirihluti er á Alþingi fyrir því aðgerðaleysi.
Spyrja má hvernig þeir sem ekkert vilja gera í málinu muni
bregðast við ef hér verður einn daginn framinn stórfelldur glæpur
sem hefði mátt hindra með forvirku eftirliti lögreglunnar.
HALLDÓR
Ólafur Þ.
Stephensen
olafur@frettabladid.is
SKOÐUN
Fjölmargir Reykvíkingar kvarta nú yfir mikilli hækkun á fráveitugjöld-
um (holræsaskatti) frá fyrra ári og óska
eftir skýringum á því hvernig staðið var
að þessum hækkunum.
Áður fyrr var rekstur fráveitu í
Reykjavík fjármagnaður með hefðbundn-
um skatttekjum borgarinnar, þ.e. útsvari
og fasteignaskatti. Eftir að vinstri menn
náðu meirihluta í borgarstjórn 1994 var
eitt fyrsta verk þeirra að leggja á sér-
stakan holræsaskatt fyrir rekstur og
framkvæmdir í þágu fráveitunnar, sem
áður höfðu verið fjármagnaðar af borg-
arsjóði. Borgarfulltrúar Sjálfstæðis-
flokksins lögðust gegn holræsaskattin-
um á sínum tíma og bentu á að hann hefði
tilhneigingu til að hækka með tímanum
eins og aðrir skattar sem vinstri menn
leggja á.
Nú um áramótin voru ýmsar breyt-
ingar gerðar á fyrirkomulagi fráveitu-
gjalda; m.a. var innheimta þeirra flutt
frá Reykjavíkurborg til Orkuveitunnar.
Sú breyting hefur orðið að hluti kostnað-
ar við fráveitustarfsemi er ekki lengur
greiddur úr borgarsjóði heldur er hann
nú allur innheimtur með umræddu gjaldi.
Þá er álagning gjaldsins ekki lengur
miðuð við hlutfall af fasteignamati held-
ur við fast gjald og fjölda fermetra.
Flestir fasteignaeigendur fengu því á sig
verulega hækkun fráveitugjalds um áramót
til viðbótar við hækkun Samfylkingarinn-
ar og Besta flokksins á útsvari og ýmsum
öðrum álögum. Þetta sér fólk vel ef það ber
saman greiðsluseðla á milli ára.
Í aðdraganda síðustu borgarstjórnar-
kosningar töluðu frambjóðendur Samfylk-
ingarinnar um Reykjavík eins og sérstakt
efnahagssvæði með eigin hagvöxt. Eitt
meginmarkmið fjárhagsáætlunar Reykja-
víkur fyrir árið 2011 virðist hins vegar
hafa verið að koma í veg fyrir hagvöxt í
borginni með miklum skatta- og gjalda-
hækkunum á borgarbúa.
Þá bera miklar hækkanir á fráveitugjöld-
um það með sér að meirihluti Samfylkingar
og Besta flokksins telji að verðbólga sé mun
hærri í Reykjavík en annars staðar á land-
inu. Samkvæmt útreikningum OR hækka
fráveitugjöld 28% borgarbúa nú um 10-20%
á milli ára, 15% taka á sig 20-30% hækkun,
12% er gert að greiða 30-50% hærri gjöld
og 4% þurfa að sætta sig við meira en 50%
hækkun fráveitugjalds á milli ára. 19% gjald-
enda greiða hins vegar lægra gjald en í fyrra
og hjá um 23% er hækkunin undir 10%.
Stórfelld hækkun fráveitugjalda
Borgarmál
Kjartan
Magnússon
borgarfulltrúi
Sjálfstæðis-
flokksins
Heimildir lögreglu til eftirlits með glæpum:
Er meirihluti fyrir
aðgerðaleysi?
Mörður með dólg
Ef marka má viðbrögð Vigdísar
Hauksdóttur, þingkonu Framsóknar-
flokksins, virðist sem svæsinn
dólgur hafi hlaupið í Mörð Árnason,
formann umhverfisnefndar Alþingis,
á fundi hennar í gær. Vigdís spreðar
stóru orðunum gjarnan sjálf,
og þrátt fyrir að sjaldnast
þurfi mikið til að hún
stökkvi upp á nef sér hefur
hún ekki fyrr orðið svo
ofboðslega hneyksluð að
hún hætti í þingnefnd. En
viðbrögðin virðast aldrei
þessu vant hafa átt
rétt á sér. Mörður
sá nefnilega
ástæðu til að biðjast afsökunar á
„harðneskjulegri fundarstjórn“ sem
hefði verið „umfram tilefni“. Hann
ætti sér ekkert til afbötunar í því efni.
Ekki í fyrsta skipti
Þetta er raunar ekki í fyrsta skipti
sem fólk kemur út af fundi umhverf-
isnefndar sármóðgað yfir hátt-
erni Marðar. Það gerði hópur
arkitekta síðast í haust eftir
að Mörður hafði hraunað yfir
stéttina og kennt henni um
bágt ástand íslenskrar bygg-
ingarlistar. Þá sá Mörð-
ur enga ástæðu
til að biðjast
afsökunar.
Framsókn lögð í einelti
Formaður Framsóknarflokksins var
líka sár á þingi í gær. Hann taldi
að þingforsetinn Ásta Ragnheiður
Jóhannesdóttir legði framsóknar-
menn í einelti með því að leika statt
og stöðugt á bjöllu sína
þegar þeir væru í pontu.
Því verður nú ekki trúað.
Ásta starfaði jú innan
Framsóknarflokksins í
meira en áratug undir
lok síðustu aldar og
hlýtur að vera
hlýtt til hans.
stigur@frettabladid.is
Nýtt byrjendanámskeið
á morgnana
Nýtt byrjendanámskeið hefst
mánudaginn 6. september.

kennt verður mánudags og miðvikudagsmorgna
kl. 7.30 - 8.30

Nánari upplýsingar og skráning í símum
772 1025 og 695 8464
og á heimasíðunni jogastudio.is
Nýtt chakradansnámskeið hefst föstudaginn 18. febrúar.
Chakra dans er nýtt og spennandi tækifæri til að finna
sinn eigin rythma og opna fyrir orkustöðvarnar 7.
Chakradansinn hjálpar til við að slaka á spennu og stuðlar
að vellíðan á líkama, huga og sál.
Kennari er Þórey Viðarsdóttir, leiðbeinandi í jógadansi frá Kripalu
jóga- og heilsusetri í Bandaríkjunum.
Skráning á jogastudio.is og í síma 695-8464 Drífa og 772-1025 Ágústa.
Seljavegur 2 - 101 Reykjavík
www.jogastudio.is - jogastudio@hotmail.com