19. júní - 19.06.1968, Blaðsíða 39

HúskólasvœðiS í Berkeley. Klukkuíurninn (Sather Tower), byggóur áriS 1914, er venjulega talinn niiSpunktur svæSisins.
Allar byggingarnar á þessari mynd tilheyra háskólanum, en myndin tekur ekki yfir allt háskólasvœSiS (28,869 stúd-
entar í fyrra).
Það er auðsjáanlegt, að svörin við fyrri spurn-
ingunum, hvaða skólar séu beztir og hvort betra sé
að velja stóran eða lítinn skóla, verða að fara eftir
kringumstæðum. En sem betur fer, hæfir svarið
við þriðju spurningunni, hvernig hentast sé að
undirbúa sig, hvaða skóla, sem er.
Fyrst og fremst verður nemandinn að kunna
ensku. Þetta sýjiist ef til vill hlægilegt ráð, þvi
að hver leggur af stað til Bandaríkjanna á skóla
án þess að hafa lært málið? En það er eitt að hafa
lært tungumál á skólabekk og allt annað að kunna
það í raun og veru, að geta skilið, talað og skrifað
það daginn út og inn. Enginn, sem ekki hefur
lært það af eigin reynslu, veit, hvað það er þreyt-
andi í byrjun að skrifa niður fyrirlestra á erlendu
máli, jafnvel þótt hann skilji hvert orð, sem sagt er.
Ef nemandinn er að auki óvanur að heyra málið
talað, getur fyrsti mánuðurinn á erlendum skóla
farið að mestu leyti í súginn. Þess vegna æfir fólk
sig aldrei nóg í að nota enskuna, áður en það fer
að heiman. Ef nemandinn hefur tækifæri til að tala
við enskumælandi fólk, sérstaklega Bandaríkja-
menn, er það ágæt æfing. En líklega er sú bezta,
— og hana geta allir notað sér —, að hlusta á út-
varp eða sjónvarp og reyna að skrifa niður það,
sem maður heyrir á ensku. Auðvitað er það góð
æfing að skrifa stíla og sendibréf og láta leiðrétta
þau, en úr því að það er líklegra, að nemandi, sem
hefur lært ensku í skóla, geti bjargað sér sæmi-
lega á skriflegri ensku en munnlegri, legg ég
áherzlu á að æfa talmálið.
Fvrsta námsgreinin á listanum yfir skyldunáms-
greinar i öllum háskólum (colleges) er enska, mest
skrifleg. Nemendur geta venjulega komizt hjá að
taka þá grein, ef þeir geta sýnt fram á það á prófi,
að þeir séu fullnuma í enskum stíl. Sums staðar
svo sem við Berkeley er erlendum nemendum ætl-
aður sérstaktur bekkur, English for Foreign Stu-
dents, en annars staðar svo sem við University
of Minnesota verða þeir að keppa við Bandaríkja-
menn og vera í sömu kennslustundum í ensku og
standast próf með að minnsta kosti C-einkunn.
19. JÚNf
37