19. júní - 19.06.1974, Qupperneq 8

að Hæstiréttur sé æðsti dómstóll i íslensk-
um málum og hve margir séu dómarar þar.
Grundvallarskipun dómsvaldsins verði ákveð-
in i stjórnarskránni og reynt að tryggja eft-
ir föngum, að dómarar séu öllum óháðir og
sjálfstæðir í starfi.
9. f stjórnarskránni verði ákveðið, að dómstól-
ar skeri úr ágreiningi um það, hvort lög séu
samrýmanleg stjórnarskránni.
10. Hæstiréttur en ekki Alþingi skeri úr um lög-
mæti alþingiskosninga og kjörgengi þing-
manna.
11. Ákveðið verði í stjórnarskránni, að óháður
embættismaður, saksóknari ríkisins, fari með
ákæruvaldið.
12. Skýr ákvæði verði sett um stöðu sveitarfélag-
anna í því skyni að tryggja sjálfsforræði
þeirra. Athugaðar séu hugmyndir og tillögur
um nýja umdæmisskipun eftir landshlutum,
fjórðungum, kjördæmum eða öðrum mörkum.
Sveitarfélögum og samtökum þeirra veitt auk-
in verkefni og nýir tekjustofnar, í því skyni
að dreifa valdi og verkefnum hins opinbera.
13. Réttur manna til vinnu og ákvæði um vinnu-
vernd.
14. Réttur manna til menntunar, opinber aðstoð
í því skyni og jöfn menntunaraðstaða.
15. Réttur til trygginga vegna sjúkdóma, slysa,
örorku, aldurs, missis fyrirvinnu og réttur til
læknishjálpar og sjúkrahúsvistar.
16. Friðhelgi heimilis og einkalifs.
1 7. Eignarrétturinn og vernd hans.
18. Ákvæðin um prentfrelsið þarf að endurskoða
með hliðsjón af þróun fjölmiðla.
19. öll mannréttindaákvæði þarf að endurskoða
með tilliti til mannréttindavfirlýsingar Sam-
einuðu þjóðanna og Sáttmála Evrópuráðsins
um verndun mannréttinda og mannfrelsis.
20. .Tafnrétti borgaranna. Ákveðin sé i stjórnar-
skránni sú meginregla, að allir skuli jafnir fyr-
ir lögunum. Taka þarf í stjórnaskrána ákvæði
um jafnstöðu milli karls og konu, eins og
Kvenréttindafélag fslands og Samband nor-
rænna kvenréttindafélaga hafa samþykkt á
ráðstefnum sinum.
Gunnar Thoroddsen
6
Ragnhildur Ingólfsdóttir sótti um Grænlandsstyrk
Menntamálaráðuneytisins 1971, að loknu námi í
Kvennaskólanum. Synjun ráðuneytisins dró síður
en svo úr áhuga hennar á grannlandi okkar í vestri.
Leitaði hún þá fyrir sér um starf sem nemi í hús-
gagnasmíði. Undirtektir voru hinsvegar dræmar hjá
meisturum, þótt ekki væri beinlínis tekið fram, að
orsökin væri sú að hún væri kvenmaður. Starfaði
Ragnhildur síðan á húsgagnaverkstæði í Reykjavík
í hálft ár, en þá barst henni tilkynning um að hún
hefði hlotið styrk til náms á Grænlandi yfir vetur-
inn. Styrk þennan veitir Alþingi fólki, sem vill kynn-
ast líferni, háttum og tungu Grænlendinga. Ragn-
hildur var fyrsti styrkþeginn, sem notaði styrkinn
til Grænlandsfarar. Aðrir höfðu notað hann til rann-
sóknarstarfa hér og í Danmörku.
Frá miðjum september og fram i miðjan maí er
ekki beint flug frá fslandi til Grænlands. Ferð Ragn-
hildar hófst i nóvember 1972 frá Kaupmannahöfn.
Eftir u. þ. b. fjögurra stunda flug var lent í Syðri-
Straumsfirði, sem er norðantil á vesturströnd Græn-
lands. Það voru að sönnu mikil viðbrigði að standa
skyndilega við ísilagðan fjörðinn i 33° frosti, en
Ragnhildur beið í góðu yfirlæti á hótelinu i 3 daga
eftir flugi til Narsarsuak. Ekki er flogið ef frostið
fer yfir 35°. Við komum til Narsarsuak var þar ekki
nema 10-15° frost, og þaðan sveif hún með þyrlu
til Julianeháb, en skammt norðan þess bæjar er
svæðið sem Eirikur rauði nam 986. Henrik I.und tók
á móti henni og ávarpaði hana á íslensku, en hann
hefur stundað háskólanám á fslandi.
19. JÚNÍ